شلون أسوي الملووووووخية :(

[om-rayyan]

بنات بليز اللي تعرف شلون اسوي الملوخيه تقولي
ومشكوووووورين

 

[om-rayyan]

٨ داشين شايفين الموضوع انزين ولا وحدة فادتني

 

[ابله نظيرة]

هلا حبيبتي
اول شي تسلقين الدجاجة بعد تنظيفها طبعا مع هيل ومسمار وبصل مقطع صغير وشوية كركم وملح وبعد
ماتستوي تاخذين من شوربتها بجدر صغير وتحطين فوقه كيس ملوخية انا استخدم المجمدة ماركة مونتانا
وبمقلاة صغيرة تحطين شوية سمنة وثوم مدقوق ملعقة اكل تقريبا وكزبرة ناشفة مطحونه وتقلبينهم لما يتحمر
الثوم ولاتخلين الملوخية تطبخ ترى يروح طعمها بس فوحه وحده وتحطين الثوم المحمر فوقها ولا تنسين الشهقه هههههه

 

[QDeer -♥]

هلا اختي باقولك طريقتنا لها

حطي بقدر اللحمه وقطعي عليها بصلتين متوسط حجمهاا
شوحيها بقليل زيت وقبل لايغمق لون البصل قصصي 3 فصوص ثوم
وقلبيها ليما تطلع ريحه الثوم
ثمن بعدها حطي بهارات مطحونه ( كمون - كزبره - بهار اصفر - فلفل )
قلبيها لشوي
ثمن بعدها افرمي طماط 3 حباب حجم متوسط
وصبيها على الحمه خليها تطبخ شوي ليما يتغير لون الطماط
آخر شي
صبي المويه عالقدر وخليها تطبخ ساعه لوقت ماتنضج اللحمه

الملوخيه حنا نشتريها خضره ونقطفها ونفرمهاا
تجي الذ واطعم ماصار وجربت الجاهزه

اذا فرمتيها خذي ملوخيه وهي مفرومه بحجم قبضه اليد بالقدر وهو يطبخ ع نار هاديه
وحركي حيل ثمن ارجعي كرري نفس الطريقه بحجم قبضه يدك وحركي
ولازم النار هاديه حتى ماتكتل عليك وتنشف

الى ماتنتهين من كميتك خليها تطبخ ع نار هاديه ولاتغطين القدر
بس ربع ساعه بالكثير
ثمن حطي معجون طماط وقلبيها وخليها تطبخ لدقايق وطفي عنهاا

هذي طريقتنا ان شاء الله تعجبك
وبالهنا والعافيه


​

 

[الــــراسيـه]

هلا اختي
انا اعرف الملوخيه الناشفه
ال شي
تيبين الملوخيه الاوراق
وتمسكين كل شوي تطحينيها بيدج يلين تصيؤ ناعمه فوق جريده
وتشخلينها على اساس الاعواد
تسوين حق 4 اشخاص كوبين ونص من الي طاحنته

تاخذين 4 اكواب من شوربه الدياي ماي الدياي المجبوس عادي
وتحطينه بالجوله لين تفوح
تيبين راس ثوم 8 فصوص وتحطينيهم وتبيبن مقله وتحطين زيت قليل وتحمسين الثوم وحطي قفشه كزبره ناعمه على الثوم وتحمسينها شوي ديري بالج لا تحترق

راح تلقين الشوريه تغلي حطي الملوخيه الناشفه على الشوربه بس تقلب حطي الثوم الي بالمقله الي حمستيه وبس قلبه تسكرين النار وبالعافيه

 

[الــــراسيـه]

لا انسى الملخيه لما تخحطنيها بيدج تصير ناعمه يعني مثل الي تسوي حره اشلون اوصف لج
الايد اليسار سوي فيها حفره وحطي ملخيه ولازم تحت ادين جريه والايد الثانيه تفرينها على الملوخيه
نفس الصوره بس فريها يمين شمال راح تطحن الملخيه

 

[الــــراسيـه]

موراضيه الصوره تطلع

 

[حبيبة26]

هذي احلى واسل طريقه اول شئ سلقي الدجاجة وبعدين سويها مسحب بازالة العظم والجلد وخلي ماي السلق على صوب ويبي جدر حطي فيه راس ثوم مبشور مع ملعقتين دهن وحمسي عدل بعدين ضيفي الدجاج المسحب وحمسي وضيفي ملعقة فلفل اسود وبهار مشكل وكركم وكمون وحمسي بعدين ضيفي طماط مطحون وماى الدجاج والملوخية المثلجة وضيفي الملح وخليها لين تنخلط مع بعض ونص ساعة وخلاص

 

[MiSS B.K]

اب لعيونج

 

[جارة القمر]

مشكووورييييييييييييييييييييين


http://www.q8yat.com/t168435.html


http://www.q8yat.com/t171548.html

 

[om-rayyan]

يعطيكم العااااااافيه

مشكووورين حبيباتي