شلون أدرس فيزيا و أتفوق فيها

[الوناسة]

السلام عليكم

انا الفيزيا كله اتخربط بالقوانين إلي فيها

وودي تكون سهله و أقدر أحفظ القوانين
فأبي كل وحده تقولي طريقتها إلي ساعدتها في دراسه الفيزيا
وشلون أقدر اتفوق فيها أنا بعاشر والمعلومات وايد

 

[ام التكانه]

شوووفي حبيبتي .. الفيزيا لازم تمرينات وتدربين ع انواع المساءل والتقوووويم دايم يجي منه موضوعي .. من خلال خبرتي ..
ووو ايضا بعد لازم تتصمين التعريفات وهذا من مجهودش ونظام اقل واكبر وتساوي وتختلف يحبون يجيبونهااا


واللــه يوووفقش وحاولي تركزين بالدراسه لايهمش الوقت .. اذا طوولتي.




مووووفقه ...

 

[زهرة ووردة]

هلا والله بنت دفعتي =))

الفيزيا معروف كله قوانين ومسائل عشان جذي لازم يبله مراجعه يوميه مع حل المسائل =))
انا نفسج تخيلي كنت مو فاهمه جان ابجي =(( ورحت ثاني يوم وفهمتني الابله عدل والحمد لله فهمت =))
والحين الفيزيا الحمد لله زينه =)
شوفي اهو كلما نروح حق الدروس الثانيه تصير اسهل ابلتنا الفيزيا قالت بس اهو اول شي يبله بس بعدين يصير شوي اسهل

الله يوفقنا ان شا الله ونوصل لأعلى المراتب

## faster please 2015 ##

 

[3nona el7ilwa]

حبيبتي الفيزياااء درسي اول باول حفظي كل شي بيومه وانتبهي مع الأبله ووقت الامتحانات خذي من الأبله نماذج امتحانات وحليهم لانه ع قولت الأبله ماامتحان يطلع منهم بس هذيل بعد ماتدرسين تسوينهم مثل الامتحان ومنها تتاخذين وتشوفين المسائل وتعرفين الأفكار ... والله يوفقكم ويسهل كل شي صعب عليكم

 

[الوناسة]

تسلموون حبيباتي

ما تقصروون بالنصايخ

 

[انوار الكوويت]

ولو حبينا نساعدج

 

[ضحكة شفاي]

القوانين اكتبيهم بورقة عشان لا تتخربطين بينهم واذا صارو تحت بعض بچذي تعرفين الفرق بينهم!!
وحلي مسائل التقويم يوميا عشان يثبتون و ؏ فكرة ترى الافكار هي هي ماتتغير بالامتحان نفس افكار التقويم!!
ولازم تحلين نماذج امتحانات قديمه عشان تشوفين شلون تجي الاسئله!!
وفي اسئله تتكرر ..
ادري طولت علييچ
بس اتمنى اني افدچ
والفيزيا احلى ماده كنت اموت فيهاا بس يبيلها واحد يعطيها حقها!!!
بالتوفيييق يااارب

 

[Phlox]

والله ما تنلامين منهجنا احنا 11علمي اسهل من منهجكم !
عموما حبيبتي ، ركزي ويا الابلة و سإليها بعد كل حصه هذي فيها افكار ولا نفسها !
لان مسائل ما تكون فيها افكار تكون بس الي بالكتاب
و بعدين لما تردين البيت اذا الابلة من النوع تعطيكم واجب صدقيني راح يثبت من نفسه
اما اذا ما تعطيكم طلعي الكتاب و شوفي الامثله و شوفي حلها بعدين حليها عن غيب
و انتهينا
انتو عاشر هم مظلومين صراحه ما عندكم بنك الاسلة بروحها مرحله جديده و مو عارفين ظريقة الاسإله
و الي يقولون امتحانات بنات الله يهداكم وين امتحانات توهم اول دفعه !
انا مدرسي الفيزيا لما سالته يقولي عاشر احسن شي لهم فيزيا مذكرة جمعية المعلمين لان ما عندهم بنك اسئله
مثل ما قلت لج حلي باليوم لما تردين الواجي مالها اذا مسأله اذا ما في اجتهدي و حلي
وخصصي وقت لو ساعه بس بالويك اند تجيكين على مذكرة جمعية المعلمين و تحلين فيها
صدقيني حتى لما يجي الامتحان راحه حيييل بس مراجعه لانج شفتي كل الافكار
و اخذي اسإله اذا ما عرفتي تحلينها من مذكرة جمعية المعلمين عند الابلة

موفقه حبيبتي ؛*

 

[omm omar]

مدرسة لغة فرنسية خبرة طويلة بمناهج الكويت للصف الحادي والثاني عشر شرح مع التدقيق وحل التدريبات العملية وشرح القواعد مع مذكرات وامتحانات وتدريبات لنضمن التفوق الاتصال للسيدات : أم عمر 97745210

 

[مناي قربكك]

أنا بقولجج طريقتي و أنا خريجه علمي هالسنه
شوفي ركزي مع الابله دايم لانها تعطيكم كذا فكره على نفس المسأله و صدقيني مسائل الامتحانات م تطلع برآ مسائل الكتاب و اسألت التقويم ، ححددي لج نص ساعه باليوم امسكي درس و حلي كل مسائله و افكارها كلها و اخذيه للابله تصلححه لج ، و مذكره التبسيط عجيبه عجيبه عجيبه شويه عليها تلخص لج الفيزيا كلها العللي و التعاريف و الرسوم يعني حيل حلوه تلقينها ب مركز الطالب ب الفروانيه و في بجمعيه الفيحا بس مادري إذا نزلوا للمنهج الجديد بس انت روحي شوفي
و عسى الله يوفقج ي رب و يفرح قلبج​

 

[الوناسة]

مشكورين وجزاكم الله خير

 

[zozo.7ob]

حبيبتي اول شيء اقنعي نفسج ان الفيزيا سهلة وراح تنجحين فيها
ثاني شيء عشان تعرفين تركزين فيها اخذي منبهات
ثالثت شيء اخذي المسئلةخطوة خطوة و بالترتيب
رابع شي حلي و خلي فيج ثقة حتى لو طلع الناتج غلط المهم تحفظين رتيب العمليات
خامس شيء لا تحفظين القوانين لو حفتيها ما راح تعرفين تحلين لازم تفهميها هذي اهم شيء
و لو انتي مو عارفة كلش جيبي مدرس شاااااااااااطر يفهمج كل شيء بالترتيب
بس اهم من هذا كله ان تصيرين بغرفة بروحج هادية عشان تعرفين تركزين

 

[عادت ذكرياتي]

آنا متخرجة من جم سنة من الجامعة


بس بعطيج نصايح لأني كنت أمووووووووووووت بالفيزياء وماخذه فيها بعاشر بالتسعينات من مية على نظام قبل ^_^



1- درسي أول بأول وحاولي تحلين مسائل التقويم وإذا ما فهمتي شي سيييدة عالابلة ثاني يوم لا تأجلين .


2- القوانين رصيهم تحت بعض وشوفي الفرق بينهم.


3- لما تحطين القوانين لازم تعرفين معنى الأحرف .


مثلا :::

(( i )) تعرفين إنها شدة التيار . وهكذا مو بس تحفظين الحرف وما تعرفين شنو معناته خططططأ . لازم تعرفين المعنى .

 

[HaPpY]

thankyou

 

[NOONII_97]

اب اب

 

[فديت عيالي 3]

مشكورين ويعطيكم العافيه

 

[M.M.N]

حياتي الله يوفقج
اهم شي الدراسة اول بأول
وانتي راح تحفظين القوانين من نفسج
مع كثره المسائل وكثرة الحل وكثر م تحلين
راح تلقين نفسج حافظته انا كنت مثلج قلت
صعب ومادري شنو بعدين اكتشفت انه تافه
وسخيييييييف

اهم الشيء الدراسه اول بأول
وروحي للأبله بالفرصة وتخطط الكتاب معاج
او انتي اخذي كتابها

 

[باذنجانه]

الفيزياء مشكلته كله قوانين
وبالذات ان لكل عالم قانون

من خلال خبرتي

بعض القوانين لازم تحفظينها يعني اساسية مررة

وبعض القوانين اشتقاقات للقوانين الاساسية

اللي تتكرر عليك احفظيها واللي تكون جديدة ادرسي سبب وجود هالقانون وليه استخدمتيه

وحابة ااكد على مسائل التحويل لانها هي اللي صدق تحوسك بالحل
مثلا تحويل الـ سم الى مل وهكذا

وبالنهاية الله يوفقك

 

[M.M.N]

اهم شي حبيبتي تنتبهين مع الابلة
ركزي معاها عدل وأي شي مو فاهمته لا تأجلين
ولا تستحين انج تروحين للابلة
وأول ما تدرين البيت اقري الدرس حرف حرف
وأي شي ما فهمتيه او تي نقطة ثاني يوم روحي ع الابلة مثل ما قلت لج
الدراسة راح تكون يومية وأسبوعية يعني كل نهاية اسبوع تدرسين كل اللي اخذتيه
بالأسبوع اللي طاف والدراسة الأسبوعية افضل من اليومية لان اذا انتبهتي مع الابلة
ودرستي الدرس المعلومات راح تكون فرش يعني عارفتها بس يحتاج تقرينها

الله يوفقج يارب ويستر عليج يارب
دعواتج حبيبتي