شلون أحجز الطيران الداخلي والقطارات بالنت بين الدول الاوربية؟؟؟

[فلونة احلى وردة]

قوووووووووووووووووووووة حبيباتي
أبي منكم معلومة
شلون أحجز الطيران الداخلي والقطارات بالنت بين الدول الاوربية؟؟؟
بروح لفرنسا وبرجع من فرنسا لمدة عشرة أيام ومعاي أطفال
وودي أمر باريس لمدة 3 ليالي وسويسرا ليلتين والنمسا ليلتين وثلاث ليالي بلندن او ليلتين
شنو الارخص القطار ولا الطيران الداخلي
وشلون أحجزله من النت ولا السفريات
وشنو أفضل وأونس وأقرب الدير يم فرنسا من الدير السابقة
ودي أشوف الطبيعة وديزني وما يهمني السوق
كثر ما تهمني الوناسة

ويعطيكم العافية

 

[Cute_Girle]

بالنسبه للقطارات .. هذا الموقع

www.Eurostar.com

الحجز سهل نفس مواقع الطيران .. حتى يحطلج اي درجه تبين

وموفقه

 

[فلونة احلى وردة]

مشكووووووووووورة يا كيوت قيرل
وشلون شنو الارخص الطيران الداخلي ولا القطار
لان وحدة من اهلنا تقول الطيران ارخص
وانا بصراحة مو مصدقتها
ولا تقول عشان المناظر احلى تمر على مزارع
صج عاد

 

[Cute_Girle]

معاها حق ..

تخيلي انا بطلع من لندن الى باريس .. توقعت القطار ارخص ..
تخيلي بالقطار الشخص يكلفني 137 باوند (هذا ارخص شي واغلب المقاعد فل فتضطرين تحجزين اما ب 178 او 250!!!) والرحله تاخذ بالضبط ساعتين وربع ..
اما بالطيران الشخص يكلفني بس 53 باوند!! لا وساعه وربع وانتي بباريس!!

 

[فلونة احلى وردة]

يا عل ربي يخليلج أحبابج
ما كو الا انت من بد كل البنات اللي عبرتني
تكفين يا كيوت قيرل شلون أحجز على الطيران الداخلي شنو موقعهم
وهل احجز بالسفريات أضمن ولا لا؟؟؟؟؟؟؟
وباي الدير يم باريس تنصحيني امرها وتكون قريبة مثل سويسرا وخاطري بزلمسي هل اقدر امرها
وشنو ترتيب الدير؟؟
تراني عليمية بدول أوربا

 

[طوق البنفسج]

الوجهات واايد الي انتي مختارتهم و المده قصيره وايد ..

من راي اتخلينها 5 ايام باريس يومين منهم تسكنين بدزني خاصه انه معاج يهال .. و 3 ايام في باريس اذا ماتبين سوق اتوقع كافي عليها 3 ايام

و لندن قعدي فيها 5 ايام

جذي ارتب و تقدرين اتشوفين المكان الي انتي فيه .. اما تقسيمج ماراح تستمتعين بولا ديره الانج ماراح اتشوفينهم عدل و بيضيع الوقت بالمطارات و الجك ان و الجك اوت من الفنادق .. فا حرام اتصير مخاسير عالفاضي ..

و الراي الاول و الاخير لج

و بالنسبه للارخص ترى ساعات القطارات او الطيران يسون عروض على بعض المقاعد تطلع لج رخييصه وايد .. فا انتي شوفي الاثنين و على حسب العرض الي تلقينه و يناسبج اخذيه

 

[ريان الكويت]

اب اب
يفيد هالموضوع

 

[rawona]

up



up


up



​