شكثر كلفة سفرتج؟

[dalprincess]

انا العام رحت انا وزوجي ( لندن + اسبانيا + فرنسا ) طلفتنا كلها السفره مع السوق والمشتريااات 5000 ... بس شرينا واايد ... ودبي رحتها انا وزوجي بعد 4 ايام كلفتنا 2000 دينار شامل كل شي حتى السوق ( بس التذاكر كانت على درجة رجال اعمال يعني التذاكر بروحهم 500 )

 

[أغصان]

رحنا انا وزوجي بالصيف شهر 7 مصر كلفتنا تقريبا 1700 دينار لمدة 10 ايام
شامل التذاكر والسكن وكل شيء حتى التسوق

ورحنا بالعيد الفطر لبنان لمدة 5 ايام كلفتنا 700 دينار مع التذاكر لشخصين وبدون سكن
والتذكره كانت 100 دينار للشخص والسكن كان بلاش لأنا سكنا بشقه مفروشه لرفيجه

 

[جبنة بيضة]

أنا و ريلي رحنا مليزيا 20 يوم طلع 2500

 

[&رعبوووبه&]

انا وزوجي رحنا ماليزيا 17 يوم مع فنادق 4 نجوم وبدون تسوق كلفتنا 1700 وتسوقي كان حسابه غير:eh_s(7): :eh_s(7): ​

 

[MyLittleBerry]

انا مفكره اروح تايلاند شكثر تتوقعون بتكلف سفرتي انا و2 من عيالي تحت ال4 سنوات وريلي طبعا؟

 

[rawona]

اللي اعرفه ان تايلند اتصير ارخيصه بالصيف عكس اذا رحتيلها شهر 11 او 12 ..

العام رحت انا و زوجي شهر 11 بانكوك و بوكيت 15 يوم و قعدنا في بوكيت بفندق Le Meridian Phuket Yacht Club وفي بانكوك قعدنا في Sheraton كلفتنا السفره شامله التذاكر و الاقامه و المصرف و المشتروات تقريبا 2400 دينار ..

​

 

[أميرة الحلا]

موفقين انشاالله

 

[MyLittleBerry]

انا بخاطري اروح امريكا وادري انها تكلف لاني رحتلها مع اهلي قبل لااتزوج بس كنا رايحين دراسه مع ابوي بس اذ بتروحين من مكان لي مكان لازم تسكنين بفندق

 

[هياوووووووي]

احنا السنة ان شالله مسافرين انا وزجي وعيالي لمدة شهر (باريس-ميونخ-فيينا-سالزبورغ-زيلامسي) التذاكر والفنادق 46000ريال قطريطبعا احنا حجزنا في كل مكان غرفة وحدة مب غرفتين لان عيالي صغار أكبرهم 5سنوات فصعبة اني اخليهم بنفسهم..
طبعا غير الصرف والتسوق...

 

[brettey]

حاليا حجزنا حق ماليزيا تذاكر وفندق انا وزوجي وعيالي اثنين الله يحفظهم طلع علينا 1300 تقريبا والمصرف حاسبه حساب 1000 وزوجي بعد تقريبا بهالحدوداو اقل شوي تدرون انا لازم باخذ صوايغ لامي وخواتي

 

[rawona]

انا بخاطري اروح امريكا وادري انها تكلف لاني رحتلها مع اهلي قبل لااتزوج بس كنا رايحين دراسه مع ابوي بس اذ بتروحين من مكان لي مكان لازم تسكنين بفندق

مادري اذا جيكتي عروضي لامريكا مو غاليه والله عادي يعني اذا بتروحين ولايه وحده مع سياره و فندق لمده 26يوم تقريبا لالاسعار تبدا من 700 دينار للشخص .. حالها حال اي ديره ثانيه ..

والعيشه اهناك ارخيصه الا اذا رحتي اماكن فيها حدايق مثل ديزني و اليونيفيرسال فالتذاكر اتكلف اشوي طبعا بس من ناحية مشتروات و عيشه اسعارهم معقوله .. ​

 

[همسة ورد]

انا وزوجي بنروح تايلند .. الشخص 370 د.ك شامل تذكرة على الطيران التايلندي وطيران داخلي وفنادق اربع نجوم .. و17 يوم نصهم بوكيت ونص بانكوك ..

 

[MyLittleBerry]

اليوم حاطين في ملحق جريدة الراي مالت السياحه عروض سفر حلوه

 

[رقي]

تروحون وتردون بالسلامه

 

[شهد ستايل*]

السلام عليكم ورحمه الله وبركاته ..
شلونكم حبايبى انشالله يخير ..

تكلفه السفرة تعتمد على الشخص نفسه اذا يصرف والاا لاا ...

حسبى الفندق والتذاكر ومصروف ونثريات وصوغه ,,, ولاتنسون شويه فلوس على جنب احتياط لاسمح الله ... تنباق الفلوس او يصير شى تحتاجون فيه ..
انا العام كنت فى مصر مع عيالى بس انا عندى شقتى هناك صرفنا تذاكر ومصروف تقريبا 3500 دينار والحمدلله حتى خلصت طلبات المدرسه مره وحده

وبالسلامه انشالله

تامرون على شى من مصر امروا..........

 

[MyLittleBerry]

على طاري فلوس احتياط

ريلي كان مسافر المغرب وكان بيسحب الفيزا ولا مايلقاها بالبوك بايقينها منه بالكويت وساحبين اللي فيها كلها صج توهق مسكين

 

[Om_Ksha]

اب







اب

 

[ليان حياتي]

رد : شكثر كلفة سفرتج؟

اب اب اب

 

[tmtmt]

المالديف شخصين التذاكر والفندق 1500 كويتي
غير المطاعم تقريبا الغدا يطلع عليج 100 دينار 4 اشخاص

 

[meen_ana]

مشكورين اشووي فدتووني شرايكم وين مكان حلوو حق الصيف ويكون سعره معقول ودبي بالصيف شلون اسعارها