شقة زوجي

[قمورة الخبر]

رد : شقة زوجي

الله يهديه يارب ويسخره لك ولعيالك..

هي وحده من ثنتين يا اما تغيرين من روتينكم غيري معاملتك معه للاحسن لبس وحركات وحفلات وحاولي تطلعين معه بدون عيالك بالاصح لهيه من هالدمار ولاجلستي معه بكوفي قولي انا احبك ابي حياتنا تستمر انت شايف شي فيني موعاجبك صارحني ترضا اخونك والله كما تدين تدان وخلك بارده باسلوبك واقنعيه انه هالبنات معه ومع غيره ومضيعه للوقت وووو انت وطريقتك...,

او اسلوب الحقران بكل شي وبيني وبينك هالاسلوب مع الرجال والله ماينفع لان لو براسه شي بيسويه ولو ماكو شي بياخذ السالفه عناد..

او جربي ازعلي عند اهلك فتره وشوفي وضعه..

الله يفرجها عليك وع المسلمين يارب..

 

[ياعشيري جعلك السلال]

رد : شقة زوجي

الله يعينج

 

[حرم_طيار]

رد : شقة زوجي

الله يعينج حبوبه
ماكو شي راح يوفقه عند حدة الا اذا احد كلمه مستحيل شي راح يفيد معاة
غير كلام ريال
واذا انتي تبين تسترين عليه كلمي احد من برة شيخ مثلا خلي يسمع عن عقاب الزنا عشان يتوب

 

[زبدة ككاو]

رد : شقة زوجي



وآي الله يعينـج ..
شتسـوين بعــد صبري ..
بـسس تبين أقــولج شي حسسيــة بــآلذنب بنفس الوقت طنشيه لاتعــآملينه جنـه زووووجج !!
يعني لآتقصرين بـوآجبـآتج الزوجية معــآهـ بــسس غير جذي لآتقــوليلة حبيبي لآتسمعينه كــلآم حلـو خليه يحـسس إنج متغيرهـ عليه عشــآن يمكن يهـد خرآبيطة ويقعد يقــول شمغير فــلآنه علي ،
إذآ طحتي عليه بشي لآتوآجهينه !!!!
الريـآل إذى قلتيلة شفتك بعيني بيقوول جــذآبة أو مـوآنــآ أو تتخيليــن !!!!
إذآ قلتيلة سمعتــك بــإذني بيقوووول شـوفي إنتي على منو دآقة !!!
إذآ مــآيبتيلهم دليل يشوووفونه بعيوونهم مــآرآح يعتررفوون ،،
جــآبلي عيــآلج وطنشيــة ..
بــسس حطي فبــآلج إن ـآلخـرآبيط مــآورآهــآ إلااا الدمــآر ، أمــرآضضض وبــلآوي
إذآ مصخت الســآلفة معــآهـ قـوليله لا تقرررب مني << قصدي لآتنــآم معــآي ..
قووليلة خــآيفة على نفسي من بنــآت الشـوآرع إللي شووف جم وآحــد قبلك لآمسهـــآ ، قووليلة مــآتسـوى علي يصير فيني شي بسبتك وسبت إللي تسويه ..
خليه يخــآف على نفسة إذآ مــآكــآن خــآيف عليج
ســآمحيني على كــلآمي بــسس هــذآ الصـج إللي لآزم ينقــآل ،،
والله يهديه إدعيــله وفكــري بعيـآلج الله يخليهم لج

 

[love love]

الحين مافهمت بشنو زعلانه؟؟؟

المفروض تزعلين من خيانااته

لقيتج زعلانه بتعرفين الشقه انباعت ولالا؟؟؟؟؟؟؟؟؟

 

[منيرة خالد]

الله يهديه


مع ان المعروف اللي يحب الزنا مهما كانت الزوجه مطيعه وزينه وجميله ماشي بهالطريج ما شي


وما يرده الا خوفه من الله >>> ان شاء الله ، الله يسخر له الصحبه الصالحه اللي تبعده عن هالطريج


ادعيله بالهداية

 

[لمسه حزن]

رد : شقة زوجي

حبيبتي

الله يعينج و يصبرج عليه

اول شي اهتمي بنفسج

وشكلج و ستايلج

غيري شخصيتج و بعض الاشياء في طبعج

مو تقصير فيج

لكن عشان يمكن تتغير ردت فعل زوجج

وادعي له دائما بالهدايه

وذكريه بعذاب الله و الحساب

وان هالشي ماراح يدوم له

وربي يهديه و يسخره لج

 

[*Crafty-girl*]

بعد عمرررررري والله عورتي قلبي

دام استخدمتي كل شي ولا فاد معاه مالج إلا الدعاء له بالهدايه وانه يصلي لأنه اذا رجع حق ربه صدقيني راح يرعاج انتي وعيالج احلى رعايه لأنه بيخاف من ربه .. والله يهديه لج ياارب

 

[a7la_7b]

الله يهديه يارب ويهدي كل زوج خاين ويبعدهم عن الحرام

الله يصبر قلبج ما أدري إنتي تقررين شنو تسوين احنا ماراح نقدر نسويلج شي إلا الدعاء

 

[G!RLooNa]

امبيه!!!!

فاتح شقه و ياجرها حق خرابيط!!!

شلون ترضين يوكل عيالج فلوس حرااااام !!

و بنات شنو ترضا و تصبر و بيتها و عيالها !!

ما تخافين عيالج يصير فيهم شي لي كبروا !! هالرياييل و البنات اللي يروحون الرياايل حريمهم يدعون علا ريلج و عياله و البنات اهلهم يدعون عليكم !!

لو صادوه فاتح شقه دعاره و صارت فضيحتكم بجلاجل كرامتج انتي و عيالج بتنمسح بالقاع !!

المره تصبر عالريل ممكن تطوف خيانه بس توصل انه يفتح شقه دعاره و ياجرها هذا مصدر رزقه مالت عليه و علا رزقه و علا اشكاله الوصخه اللي مو مكتفي ان خربان يخرب غيره !!

 

[q8 83]

لا تزعلين بس انتي الغلطانه و انتي الي خليتيه يتمادى و ما ادري لي وين بيوصل

و هو جذي يايبه منه 3 و الله حرام مافكرتي بعيالج شلون بتكون تربيتهم و هذا ابوهم

لا تقولين انا الي اربي لان الحب يطلع على بذرة و يمكن يكون اذى وحده من هالبنات و ربج يجازية بعياله

ادري ان كلامي جارح و يعور القلب بس بصراحة ما ادري شنطارة

ناطرة يعديج بواحد من هالامراض الله لا يقول

و وكتها صج بتعضين اصابع الندم وقبل لاتفكرين بنفسج فكري بعيالج

 

[بـ البدور ـدر]

رد : شقة زوجي

الله يهديه لج

 

[رقي]

الله يهديه ويرد لج رد جميل

 

[كتكوته22]

الله يهديه ويصبر قلبج

 

[AL-N7EESAA]

رد : رد: شقة زوجي

أول شي .. الله يكون بعونج واعتبري كل هاللي يصير ابتلاء من الله لج وتكفير لذنوبج


ثاني شي : انا شفت مواضيعج ..

طلعتي من بيتج ودخلتي ابوج وابوه ومره زوجج ينكر ومره لا .. يطلع يواعد يععطي هدايا ويبخل عليج الخ ...


بالنسبه لخيانته بشكل عامه ..

لاتبجين / لاتفكرين بالطلاق / لاتزعلين وتضايقين / لاتقولين مليت


أنتي نسيتي لما زوجج يخونج .. فـ هو مايخونج بروحج ..

اهو قــاعد يخون ربـــــــــــــــــــــه

خيانته لربه اكبر واعظم من خيانته لج

صحيح انتي زوجته , وماترضين تعيشين مع شخص بنفس مواصفات زوجح

لكن الحل بيدج

ماراح اقول مسكي يده واخذيه لـ الطريج الصح

لانج ماراح تقدرين تغيرينه بلحظه وحده

وماراح اقول روحي لبيت ابوج وطلبي الحل او الطلاق

لانك جذي تفسحين له الطريج

ماراح اقول حرميه من فراشج

لانج تـُ ـعينيه على معاشرة غيرج و تعصين امر الله

ماراح اقول واجهيه وهدديه وخليه تحت الامر الواقع

لانج جذي تجاوزتي طرق كثيره كان بإمكانج التعامل فيها

اما المواجهه تكون أخر نقطه واخر حل اذا مانفعت الطرق والاساليب بأصلاح زوجج

حطي في بالج


الطـــلآق ..

لاتفكرين فيه لانج راح تشتتين اعيالج وماتدرين يمكن ترتبطين بواحد مافيه ( ذرة من الرجوله )



الحين بعد ما اكتشفتي خياناته .. وحاولتي لكن طرقج كانت خطأ .. أنا أقولج :


1: سوي واجبج الشرعي اللي ربي امرج فيه ولاتفكرين بأي شي ثاني

يعني


اذا اامرج ==> طيعيه ( في عير معصية )

اذا طلبج ==> لاترفضينه

اذا ناداج ==> جاوبيه

اذااسألج ==> عطيه

ولكن لاتعطينه فرصه انه يهين كرامتج .. واذا وصل الامر للاهانه فكري بعقلج فكري بالعقل والمنطق

كل شي الشرع يأمرج فيه سويه ولاتفكرين باللي يسويه


لانه الخاين مو كفو تنزل دموعج عشانه

ومايستاهل ان اتفكرين فيه

ودايما ً حطي في بالج .. الريال يقدر يستغني عن زوجته سواءاً في حياتها او بعد ماتتوفا ( بعد عمر طويل )

عشان جذي ( لاتعذبين عمرج عشانه )

عيشي حياتج / استمتعي / اهتمي بنفسج وعيالج في بيتج في كلامج في طبخج في شكلج في جسمج في وزنج في شعرج

في ثقافتج واهم شي اهم شي أهتمـــــــي ( بصلتج مع رببج )

زوجج اهتمي فيه ولكن لاتخلين له الاولويه في حياتج <== ( مو معناته تهملينه ترى مااقصد انج تهملينه )

ولكن قصدي انج ترحمين نفسج وقلبج وعيونج ودموع القهر


اممممممم تعاملي بالوسطيه ( هذا اللي تعلمناه من دينا الوسطيه )

لاتركضين ورى زوجج عشان ماتميل حياتج انتي

لاتميلين ورا نفسج لانه راح تميل حياتج مع زوجج

عيشي بالوسطيه عشان تضمنين سعادة الطرفين



وتذكري ربي ماخلقج عشان زوجج .. ولا عطاج دموع عشان تبجين على خيانته او اهماله لج او لبيتج

ولا عطاج لسان عشان تواجهينه بأخطائه

خلي خيانته على ربج .. وانتي بدورج نصحيحه نصح غير مباشر

ولاتقولين مااقدر يخوني .. تذكري اهو يخون ربه مو بس انتي عشان جذي ربج اولى فيـــــــــه


وهذي اولوياتج :

دينج

نفسج

عيالج

بيتج

سعادتج

راحت بالج



وبكل اولويه ربطي زوجج ..


مثلا ً


عشان تكون صلتج قوية بدينج .. لازم ترضين زوجج ولاتعصين امره الا اذا يخالف الشرع


عشان ترضين نفسج .. سوي واجبج اتجاه زوجج .. مثل ماهو مطلوب بالكتاب والسنه


عشان راحة عيالج .. خلي زوجج قدوه لهم ولاتحسسينهم بخيانته او اهماله لج او لهم عشان ولاتعيشين لزوجج

ولا تهملين عيالج


عشان ترتاحين في بيتج .. خليه جنه لاتخلينه نار .. كله مشاكل وصراخ بويه زوجج وهو داخل وهو طالع

عشان تضمنين سعادتج .. لاتخلين المشاكل تتسرب في حياتج .. ولاتفكرين بأشياء اتسبب محاتات وقلق واشياء تغث وتثقل عليج يومج


عشان تحسين براحة بالج .. سوي واجبج اتجاه زوجج على اكمل ويه .. واهتمي بعيالج .. واهتمي واعتني بنفسج


وخياناته كل ماتذكرينها قولي ( منو اهو عشان اعذب نفسي عشانه ) لانه مو اكبر هم بالدنيا

وفي امور لازم تسعين لها وتركضين وراها

اللي اهي ( رضـــــــا ربج )

لانه اهو اللي يقدر يسعدج .. واهو اللي راح يجازيج خير بذكرج وشكرج وحسن عبادتج

وتأكدي

كل ما أحسنتي تواصلج مع ربج .. كل ما يسرلج السعاده مع زوجج

وحطي هالشي بين عيونج

( اذا ربج رضا .. راح ينزل رضاه على اللي حولج )



اممممم :eh_s(10):


في شي ودي تفهمينه معاي .. انا مثل ماقلت لج شفت ملفج الشخصي وشفت مواضيعج

واللي فهمته انه زوجج علاقاته متعدده يعني مايثبت على وحده ..


( انا كنت داخله جم دوره ومن النوع اللي اقرا بهالامور .. فبوضح لج شغله مهمه )


اول شي .. انتي صارلج 5 سنين متزوجه صح يعني توج .. غالبا ً الزوج اذا خان زوجته في بداية حياتهم

يكون السبب الاساسي ( الخـــراب ) انه الزوجه تعاني من الخراب

وهالشي يضايق الزوج حييييييييل مو شويه ومهما الزوجه تكشخة وسوت ليالي حمرا وصفرا وخضرا

وحطت من الكريمات وغيرت وجددت كل هذا يروح مقابل الخراب

بهالحاله الزوج مايتمتع .. وكأنه بس يسد حاجته لااكثر

يعني مثل انسان عطشاااااااااااااااااااان وماعنده غير ماي متسخ او متلوث .. بهالحاله راح يضطر يشربه عشان

يسد العطش .. فهمتي قصدي ( تأكدي من الخخراب )

هذا بالنسبه لخيانته لج وانتوا توكم لكم 5 سنين ..


النقطه الثانيه .. زوجج يعدد .. يعني يخون مع اكثر من وحده ..

دايما ً الزوج اللي جذي .. يقولون لج رجعي لماضي ماله .. اهو انسان عاش طفوله غير طفولتي وطفولتج

اللي جذي اما انه محروم من الحنان او العاطفه .. بأي شكل من الاشكال

او عاش في بيئه مشتته بسبب المشاكل اليوميه

او عاش في بيئه معاقه واللي عاقها الطلاق

او اسره افقدت احد الوالدين بسبب الوفاة

او عاش عند مرة ابو / او ام قاسيه / اوابو مومسؤول وغاسل ايده من بيته وماله علاقه فيهم لا فكريا ولا عاطفيا

او اسباب ثانيه خلته يعيش طفوله ناقصها حب وعاطفه


عشان جذي الزوج او الرجل .. مايعرف يعيش بدون بنات .. انزين يمكن تقولين اشمعنى مايعرف يعيش بدون بنات او حريم ؟

راح اقول لانه البنات او الحريم او النساء اهم رمز ( الحب / الحنان / الاحتواء / الحضن / الرحمه الخ )



وعلى فكره مواجهتج له أكبر غلط تدرين ليش ؟ ( لانج بمواجهتج له تذكرينه بالماضي بطفولته وهالشي يدفعه على انه

يدور وحده تحتويه وتحسسه بالحنان )


انزين الحـــــــــــل ياقلبي :


1: أهم شي عشان تكسبينه لازم ( تحتـــــــــــــوينــه )


2: بما انه همه الشاغل اهو العاطفه .. فـ دورج انج تعطفين عليه عاطفه قويه ومؤثره .. توصل لقلبه وتحسسه بالامان

لاتنسين يوميا قدمي له جرعات كاااااااااااااااااافيه من العاطفه ( لانه الجرعه العاديه ماتنفع مع اللي مثل حالته لانه دايما يحسون بجوع عااااااااطفي )

العاطفه بـ انج ( تحتضنينه لانه الحضن يحسسه بالامان ) ( تذكري امج وابوج لما يحضنونج ماتحسين بأمان وراحه وسعاده)

هذا المطلوب وهذا اللي يحتاجه الزوج اللي يعدد بعلاقاته وتذكري طفولته المحرومه من العاطفه



3: القــــــــــرآن .. هذا سر خطيييييييير هالقران يحسسه بالامان والهدوء .. لما الام تقرا على عيالها المعوذتين

عشان تهدا نفوسهم وترقيهم من العين والحسد .. انتي جربي تمسحين على راسه وقت النوم وتقرين عليه المعوذتين وسورة

ياسين .. تأكدي راح يحس بعاطفه قويه وهالشي حلو يقوي العلاقة بينكم وتخليه يتذكر ربه يوميا .. أنتي بهالطريقه لج الاجر

وبنفس الوقت تقوين الوازع الديني عنده .. وهالشي راح يخليه يفكر قبل لايسوي اي خطأ .



4: وفري حاجاته ... لاتغفلين ولاتقصرين لانه بتقصيرج وغفلتج عنه راح تذكرينه بالمرحله اللي قلت لج عنها

اللي كان عاجز فيها انه يعبر عن شعوره (طفولته ) .. اما الحين اهو يعبر عن عدم رضاه بكثرت علاقاته

يعني مثل مانقول ( ماصدق يلاقيها حجه ) وفري حاجاته ولاتفتحين على نفسج باب الانتقاااااادات

وتذكري كل هذا تسوينه اولا عشان رضا ربج وعشان راحتج وراحت عيالج وبيتج



5: روجي عن نفسج .. بتقولين ليش ؟ بقولج لانه اللي يتعرفون على شباب .. يروجون عن نفسهم عشان يجذبون هالشاب

او هالشخص .. ولاحظي البنات اللي يكونون بالمواقع التعارف يروجون عن نفسهم عشان يجذبون الجنس الاخر

فـ تشوفينها حاطه صوره مغريه ( هذا يتعبر ترويج .. اهي قاعده تجذبه بهالصوره ) / لما تسمي نفسها بأسم مميز .. ( هذا يعتبر ترويج ) انزين .. انتي شلون تروجين عن نفسج ؟؟ في اشياء تحتاج الزوجه تسوي لها ترويج قوي عشان الزوج
يحس انه اللي معاه أنثـــــــــــى بمعنى الكلمه .. مثل ( نعومة بشرتج / شخصيتج / جسمج / ثقافتج / عنايتج بنفسج
/ ذوقج / طبخج ... الخ ....... )

ملاحظه مهمه .. ( مثلا اذا بتروجين عن نعومة بشرتج على الاقل تكون البشره عاديه شوي .. مو تروجين واهي فيها مشاكل )



5: المكافئات : الرسول عليه الصلاة والسلام قال ( تهادوا تحابوا ) كافئيه عن اللي يسويه لج او للبيت

لانه هذا فيه نوع من الشكر والتقدير



6: أخر شي واهم شي ( الاشباه الجنسـ ... ) لحد الارهاق ( سوري ع التعبير ) وهالشي ماراح يكون اذا الزوجه تعاني من خررااااااااااب وهالنقطه وضحتها بمثال الماي المتلوث في نص الموضوع ..


بالنسبه للخراب / هذا موضوع داهية مطير ماقصرت مسويه برنامج خطييييييييييييييييييييييييييييييييييييييييييير طبقيه

http://www.q8yat.net/showthread.php?t=739509


بعد شنو ياربي :eh_s(10):

عشان تكونين مرتاحه نفسيا ً لازم تكونين راضيه من مظهرج الخارجي

اذا عندج مشاكل بالبشره او الشعر او زيادة بالوزن او سيلوليت او او او .. حطيلج جدول وابتدي عنايهه واهتمام

عندج قسم الدايت والعنايه بالبشره والجسم والشعر اخذيلج فره وشوفي اللي يعجبج وابتدي طبقي

بالنسبه لنفسي .. في بنات الله يجزاهم خير استفدت منهم حيل مو شويه

مثل حيادر / مزيونه وشقره / داهية مطير / خبيرة الاعشاب ام خالد الهاجري / anl /


عشان اسهل عليج .. هذا الملف الشخصي لحيادر شوفي خلطاتها كل وحده احلا من الثانيه
http://www.q8yat.net/search.php?searchid=5730058



ونفس الكلام اللي قلته عن حيادر ينطبق على مزيونه وشقره هذا ملفها الشخصي
http://www.q8yat.net/search.php?searchid=5730047



anl بعد الولاده الوحده تعاني من السلوليت ( طريقتها لتخلص على السلوليت )
http://www.q8yat.net/showthread.php?t=632959



anl ( خلطه لتفتيح خلال اسبوع خطيره مع الصور قبل وبعد)
http://www.q8yat.net/showthread.php?t=736530



وبس هذا كل اللي عندي ..


فكري بالكلام اللي كتبته .. ولاتضيقين خلقج .. والله يسخره لج وياجرج على صبرج ​

معاها 100%

 

[noo7a]

الله يهديه لج

 

[i'm so happy]

الله يكون بعونج ويهدية يارب الريال يكبر ويتغير شكلة صغير وطايش بس حاولي تغيرين اسلوبج وطبعج ومعاملتج وياه

طـبـعا للأحسن مب للأسوء بجذية تكسبينة وشوي شوي يترك خرابيطة عنه

 

[Gifts&Occaions]

رد : شقة زوجي

الله يعينج حبيبتي

 

[!! D m i r a a !!]

شكلج بضيعين بين ردودنا اللي كل وحده قاعده تقولج شي وكلنا نبيلج الخير


مادري احسج موعارفه شنو تسوين ومن وين تبتدين


اي قرار تاخذينه لازم تعرفين ليش خذيتيه وشنو مستفيده من وراه

حياتي الزوجه دايما ً عليها الفعل وعلى الريال رد الفعل

واللي يقولج ليش قاعده معاه من هالكلام

حطي في بالج ..

انتي يمكن موظفه ومستغنيه عن زوجج وعندج ابو يحميج وامج تحبج لكن مهما كان حبهم لج ماراح يكونون دايما بجانبج

لما يكبرون عيالج ويستغلون بحايتهم الخاصه ولما ينشغلون اخوانج وخواتج عنج بهالدنيا ومشاغلها ماراح يبقالج غير زوجج

أنتي حاولتي ولكن طريقتج كانت خطأ .. ماعليه ماكنتي تدرين انها خطأ

بس الحين الصوره صارت واضح .. عشان جذي ردي وسوي اللي قلت لج عليه تدريجيا ً

وموضوع خياناته مدامج متأكده واهو يدري بنفسه خلاص لاتفتحين هالموضوع معاه

واذا انتي بديتي تتغيرين صدقيني اهو راح يلاحظ تغييرج معاه

اعرف وحده جذي زوجها عدي وخربطي بخياناته وكانت 24 ساعه تواجهه وتلومه وتصرخ وتزعل وتقعد عند اهلها فتره موهينه

ويعتذر لها ويصير اوكي فتره .. وبعدين يرجع على طبعه لانها اهي ماتغيرت .. وبعدين مشت على طريقه واسلوب معين معاه

والله العظيم بعد شهرين او 3 .. تغير زوجهاااا 360 درجه ويوم تغير للاحسن طبعا .. كانت هالكلمه دايما ً على لسانه ( وينج عني من زمان )

داااااايما الزوجه عليها الفعل والزوج ردة الفعل

المسأله محتاجه لوقفه مع النفس .. وعزيمه وصبر واستمرار ..

الرسول عليه الصلاة والسلام يقول (إذا صلت المرأة خمسها وصامت شهرها وحصنت فرجها وأطاعت بعلها دخلت من أي أبواب الجنة شاءت)

والجنه مو بهالسهوله الوحده تدخلها لازم تصبر وتتعب ..

 

[Petite]

عورتي قلبي

لاحول ولا قوة الا بالله


الله يهديه