شفيها مدارس الحكومة؟؟؟؟؟؟

[حامل يديدة]

مرحباااا امهاااتنا الحلوات

بدخل بالموضوع على طول ,,,,,,,,,انا ولدي بسجله بمدرسة حكومية وكل من شافني لامني على هالشي ويقولون لي دخليه خاااص وسب بمدارس الحكومة.. انتوا شرايكم

لدرجة اني شكيت وحسيت ان مدارس الحكومة تصفر من الطلبة






اللي جربوا ياليت يفيدوني

 

[Wi-Mi]

والله المشكله الوحيده بمدارس الحكومه اهوا الاهمال .. و نادر ما تلقين اهتمام مثل المدارس الخاصه .. نفس المستشفيات يعني قارني الصباح بالمواساة .. مع ان المناهج الحكومه حاليل قويه ، اقوى من قبل بس الاهمال و اهو الي مخرب .. و شي ثاني الصراحه المقاصف و ما ادراك ما المقاصف ، اللي يبيعون فيها حتى الريد بول .. انا و لية امر مستقبليه بأذن الله و الصراحه اكيد ابي الافضل حق عيالي

 

[كويتية صغيرة]

رد : شفيها مدارس الحكومة؟؟؟؟؟؟

والله اختى

تبين الصراحة
هذا الموضوع وايد تم النقاش فيه اكثر من مرة في هذا المنتدى

ناس تذم وناس تمدح بالحكومة

و اللي توصلتله .... ان حسب المدرسة وحسب ادارة المدرسة
يعنى مدرسة عن مدرسة غير

انا بالنسبة لي الحمدلله ..... عيالي كلهم حكوومة
ووايد مرتاحة بمدارسهم
والإدارة جدا ممتازة من جميع النواحي والأبلات يهبلون بصراحة متعاونين
ويعطيهم العافية

اما اذا تفكرين بالمناهج والمواد
فخذيها من ام خبرة
في السابق كانو يقولون (من 5 سنوات مضت).....مناهج الحكومة ضعيفة و مناهج الخاص افضل


الآن
كل مناهج الكومة تغيرت .....وصارت صعبة صعبة صعبة و محتاجة متابعة من الأم والمدرسة مع بعض ويالله يلحقون

المناهج تصعبت حيل في الحكومة

يمكن افضل لان لازم نتطور لان جيل عيالنا جيل الكمبيوتر غير عن جيلنا
علشان جذيه صعبو كل المواد
يعنى صار الوضع مو مثل قبل

اما اذا تبين تطالعين مخرجات الثانوية .....فشوفي جامعة الكويت التخصصات الصعبة من طب وهندسة منو يدخلها اكثر .... طلبة المدارس الخاصة ام الحكومة .......... اذن الموضوع يرجع للطالب نفسه مو للمدرسة اللي اهو فيها ....انتى بس حرصي على الإدارة تكون زينة وشديدة مع الطلبة

وفي اكثر من موضوع اهنيه ناقشو فيه الخوات عن هذا الموضوع .... احاول ادورهم لك واحطهم

 

[عشق]

رد : شفيها مدارس الحكومة؟؟؟؟؟؟

الحكومه ما في تاسيس

انا بنتي الحين بالروضه بالخاص

واذا بدخلها حكومه راح اخليها تدخل العصر معهد

واذا بخليها خاص راح اخليها لما تخلص الابتدائي وشوفها معتمده على نفسها
وبعدين احولها حكومه

 

[سفرجل]

انا من رايي على حسب الاداره والمدرسه
الافضل الروضه خاص للتاسيس
والباجي حكومه

 

[حلم الطفولة]

مدارس الحكومه زينه / عليها بعض الملاحظات ولكن الكل بيمشي ويتخرج
اللي عندها طموح معين أو مواصفات معينه تقدر تحصلها بالخاص

 

[أحب حياتي]

رد: رد : شفيها مدارس الحكومة؟؟؟؟؟؟

زينه عادي
تابعو الطفل واستلموه من باب المدرسه لاتتأخرون عليهم بالهده

والله اختى

تبين الصراحة
هذا الموضوع وايد تم النقاش فيه اكثر من مرة في هذا المنتدى

ناس تذم وناس تمدح بالحكومة

و اللي توصلتله .... ان حسب المدرسة وحسب ادارة المدرسة
يعنى مدرسة عن مدرسة غير

انا بالنسبة لي الحمدلله ..... عيالي كلهم حكوومة
ووايد مرتاحة بمدارسهم
والإدارة جدا ممتازة من جميع النواحي والأبلات يهبلون بصراحة متعاونين
ويعطيهم العافية

اما اذا تفكرين بالمناهج والمواد
فخذيها من ام خبرة
في السابق كانو يقولون (من 5 سنوات مضت).....مناهج الحكومة ضعيفة و مناهج الخاص افضل


الآن
كل مناهج الكومة تغيرت .....وصارت صعبة صعبة صعبة و محتاجة متابعة من الأم والمدرسة مع بعض ويالله يلحقون

المناهج تصعبت حيل في الحكومة

يمكن افضل لان لازم نتطور لان جيل عيالنا جيل الكمبيوتر غير عن جيلنا
علشان جذيه صعبو كل المواد
يعنى صار الوضع مو مثل قبل

اما اذا تبين تطالعين مخرجات الثانوية .....فشوفي جامعة الكويت التخصصات الصعبة من طب وهندسة منو يدخلها اكثر .... طلبة المدارس الخاصة ام الحكومة .......... اذن الموضوع يرجع للطالب نفسه مو للمدرسة اللي اهو فيها ....انتى بس حرصي على الإدارة تكون زينة وشديدة مع الطلبة

وفي اكثر من موضوع اهنيه ناقشو فيه الخوات عن هذا الموضوع .... احاول ادورهم لك واحطهم

كلام سليم بس اختي خريجين الخاص مستواهم اعلى ومجهزينهم للجامعه ماعليه كلام ماتكلم عن مدارس الطايح حظها بس تكسب فلوس وتنجح وتقبل من الحكومه الطلاب الضعاف المنقولين حتى ينجخو
لكن الخاص من المدارس المعروفه بمستواها يعلمونهم بالثانويه شلون يسون بحوثهم ويعطونهم تأهيل لاختبار الجامعه بعد يكونو جاهزين مايحتاجون كورس انجليزي لي سافرو
وعن اعداد المقبولين بجانعة الكويت اختي لان خريحي الخاص غالبهم يفضلوم يدرسون بره ويكملون بره

بعدين مناهج الحكومه تطورت صحيح لكن ماكو تدريب دوري لممدرسين لحتى يواكبون المناهج ز ماكو كفاءه مثل أول
يعني الحكومه راحه بلا وجع راس وحطو فلوسكم على أنديه ومدرس خصوصي وايد توفير أفضل وبعد الحين وجبات وشي الزين ومارده يروح الجامعه ويتوظف حاله حاله الخريج من الخاص
لكن مااااا يعني إن الحكومه أفضل لا لا الخاص أكيد أفضل لما تبحثي عن مدرسه جيده مو اي شي

شكرا وتقبلو ردي مع حبي انا ناصحه لا اكثر

 

[غلاي غير]

الخاصه مناهجهم اقوى وبعضها يكون عليها رقابه وخاصه على المدرسين عكس الحكومه الي مايدرون عنهم

بس انا اشوف على الاهل وتدريسهم وتقويتهم

 

[أحب حياتي]

أوووف ! عذرا ردي كان متروس بدليات

 

[حامل يديدة]

رد : شفيها مدارس الحكومة؟؟؟؟؟؟

ماقصرتواااا بنات

كويتية صغيرة ردج حدد وجهتي

وكلامج عدل

 

[ام فهووودي]

مدارس الحكومه عيبها ان بعضها مافي تأسيس ولا اهتمام

عاد انتي وحظج مع المدارس

 

[ورد وردي]

رد : شفيها مدارس الحكومة؟؟؟؟؟؟

الحكومة برايي مناهجها زينة الا يمكن بالانجليزي احس نتخرج ماكو لغة ........ واذا الادارة زينة وقوية تكون المدرسة ماشية مضبوط مثل الساعة واذا تغيرت الناظرة او الادارة صارت عفسة وسايبة ...... يعني في مدارس حكومة تلوع الجبد وفي مدارس روعة ورحلات للطلبة وانشطة تهبل وكل شي ......... فشلون الوحدة تسأل عن الادراة وجذي احس صعبة هذا انتي وحظج

اما الخاص ماسكها شخص يهمة الربح مثل المستشفيات الخاصة فيحرص على رضا اهالي الطلبة فبتكون بيئة المدرسة والنظام فيها افضل


السالفة مو سالفة مناهج سالفة نظام ومتابعة واهتمام بالطالب وولي الامر ........ انا ماحب المدارس الانجليزية احب ثنائية اللغة مثل الرؤية تهتم بالصلاة والدين والاخلاق والصحبة الصالحة

وهم اقول بس الابتدائي لان صعبة الاسعار كل مالها وتزيد

يعني بالنهاية الاستخارة والله يكتب الخير يارب