شفيك حبيبي متضايق ؟؟ اقولج مالي خلقج ؟؟ شتسوون وياه !!!

[كتكات احمر]

هبه

انا مو قصدي اتلزق فيه

بس انا لاتضايقت احب اي احد يمسح على راسي ويسالني وياخذ اللي بخاطري

الف شكر على حضورج

الرياييل مو مثلنا حساسين ونرضى بالكلمة الطيبة بسرررعة خلي بروحه فترة وبيي يفضفض لج

 

[Laymo0ona]

لا والله المشكله مو سخيفه
شي يبط الجبد الصراحه

بس ماقدر افيدج لأنه انا نوعي اطنشه لمن اسأله ويقول ما فيني ولا شي اقول بقلبي عندي يدي اللي راح بمبي ولا رد لوول

يعني يكون صايده الحركه
بس ما اضايق روحي
لأنه الريال بطبعه كتوم

بس انا مستغربه من اسلوب ريلج
حاولي انج ما تسئليه وتتجنبينه وقت اللي يكون متضايق لأنه شكله عصبي
وبعدها بفتره لمن تشوفيني هادي سئليه عسى ما شر

نفس اللي بقوله اذا قالج مافيني شي طنشيه مدام اهوا حيل يعصب بهاللحظات

 

[حنوشه الحلوه]

اقول لج اعطي طاف والي فيها فيها
واذا قال لج ليش مقصره
قولي له شوف نفسك شنو جدامك انا
شوف نفسك و اسلوبك ذيك الحزه تعال

 

[بنت الارسنال]

حبيبتي خليييييه وبروحة راح يطخ صدقيني لا تحنين علي

 

[*باجر أحلى*]

انت من صجج؟؟؟
خلاص لاتسالينه انت سويتي اللي عليج واكثر وشفتي ردة فعله شلون
فشنو ناطرة يسوي اكثر
اذا تضايق مرة ثانية سوي كان الامر عااادي ولاكان في شي وسوافي وتصرفي طبيعي
انا ادز لزوجي مسج اكثر من الاستغفار

 

[ملسونه وعنيده]

يعني اذا كان معصب اخليه مااسأله ؟؟

او اسأله واذا قال مافيني شي اسكت واخلي الموضوع عادي ؟؟

يعني تتوقعون ماراح يقول مهملتني ومو مهتمه فيني ؟؟

انا بعد كلامكم هذا راح اطنششششششش وراح اسوي اللي قلتوا عنه لان كلامكم صح وبصراحه تعبت من اسلوبه الجاف

عسى ربي يسخره لي ياااااااااااااارب

وعسى ربي يوفقكم كلكم وربي ماقصرتوا الله لايحرمكم الجنه

 

[صابونه_]

لا تحنين فوق راسه خليه من نفسه يتكلم وخلي له مساحة خاصة لا تلزقين وتصرين تعرفين مشكلته

هو من نفسه بيي وقولج بس خليه فترة وابتعدي راح اييج هو نصيحتي اذا حنيت بتزيدين الطين بله

عسى الله يفرج همج يارب ويسخره لج

هذا اللي بقوله

 

[ملسونه وعنيده]

فديتكم الله لايحرمني منكم يااااااارب

والله بردتوا قلبي بردودكم

عسى ربي يسخر لي زوجي ويسخر لكم ازواجكم يارب العالمين

 

[سيدة الذوق]

الله يسخره لج حبيبتي

 

[NICE BABY]

عطية فرصة يكون له خصوصية يمكن شي مضايقة
والله لو أشوف مزاجه متعكر ماأكلمة أصلا واتحاشاة اذا يبي شي منى اهو يطلب شغلى التلفزون اشغلى نفسج بشي لمن يهدى لا تحنين وتدقين الرومانسية والريال متضايق عبالج ريايلنا مثل هالأنجليز الواحد اذا لمسته مرته خمطها لا يبا الله يرحم حالنا
الله يسخرة لج ويسخرج له ويهدى سركم

 

[blue rain]

حبيبتي اللي قاعد يصير طبيعي انا مثلج اول ماتزوجت انصدمت لان طبيعتي اذا في شي مضايقني احب اطلعه واسولف فيه واناقشه لكن اكتشفت زوجي العكس تماما اذا متضايق يكتم ويبي هوء ومايحب اساله شفيك اذا قلت هالكلمه احسه وده يطقني فتعودت اسوي نفسي مو منتبهه وماقصر معاه بشي اذا هو وده يتكلم راح يعرض مشكلته على بعد ما يهدا بس اذا دخلت بخشمه وكل شوي شفيك قولي انا حاسه فيك شي يعصب ويطنقر وتنقلب السالفه علي وهو اول وتالي اذا عنده مشكله يحط حرته فيني

 

[Miss_Rakeal]

حقرييه لمن اهو ايي يتلزق فيج واذا مايه اهو الخسران

 

[قلب مغليني (SM)]

الله يهديييه لج ويسخره لج يااااارب

بس طنشيه لاتسألينه ؟؟ انا احب زوجي بس اذا كنت متضايقه اطرده من الغرفه خخخخخخخخخخ

لان احب اكووون لحاالي يمكن اهو جذي طبعه

 

[فديت عيالي]

حبيبه قلبي

بسألج سؤال هو دوم متضايق يعني من يدخل البيت دايما تشوفينه متضايق


وبعد اذا كان لا شنو باقي تصرفاته معاج يعني شلون يعاملج اذا كان مب متضايق يسولف معاج يتغشمر

والا على طول ماد بوزه

 

[om-HaSsoOon]

ياحياتي اللي عليج سويتيه سؤال وسألتيه مليون مره بعد شتسوين اكثر من جذي ! وفوق هذا يرد عليد برد قاسي

فخليه على راحته كيفه هو متى ماحس انه بقلبي شي يقولج من نفسه لا تحنين تره الحنه هي اللي تخليه يعصب اكثر

والله يسخره لج يا رب العالمين

 

[المهندسة الكويتية]

السلام عليكم و رحمة الله

والله انج عورتي قلبي بكلامج و كسرتي خاطري بس كل ما اقرا اسمج(ملسونه و عنيده) اضحك ماني قادرة اركب كلامج على اسمج (مو تزعلين تراني اتغشمر):dddds:

شوفي حبيبتي هذا الشي يعتمد ، يعني هل ريلج زين بكل الأمور و طريقة التعامل بينكم محترمة و راقية و بس اذا كان متضايق يتصرف بهالطريقة ؟ اذا كان الجواب اي فخلاص انتي عرفي ان ريلج هذا طبعه مايحب احد يسأله اشفيه نطريه عقب ما يهدا اهو بروحه بطلع اللي فيه و ساعات في رياييل ما يشكون حق حريمهم لأن الشي اللي مضايقة مايكون عند مرته حل حقه فيقول اشحقه اضيع وقتي و اشرحلها شي اهي ماراح تحله .

الحالة الثانية لو ريلج يعصب و يصارخ و ينزر عليج على اي شي سواء كان متضايق والا لأ اهني الكلام يكون غير ولازم تكون لج وقفة ان تفهمين ريلج ان الإحترام لازم يكون اساس العلاقة وان مو كل شي بالصراخ و العصبية

والله حاسة فيج :0bee2e8d89:بس اتمنى اني افدتج

تحياتي​

 

[Eng/thumbelina]

حبيبتي اذا ريلج من هالنوع لما تشوفينه متضايق لا تسألينه شفيك بس سوي نفسج ما تدرين انه متضايق وسولفي معاه فتحيلة مواضيع يحبها سويله أشياء تشد انتباهه وتهمه علشان بس تخففين عنه لبسي كشخي وانتي روحيله لان الريال مايحب الزوجة تسأله شفيك أشكره بس اذا طلعتي من حالة الضيق اللي هو فيها من غير ما يحس مرة عن مرة كلما يتضايق راح يلجألج ليما يفتحلج قلبة يعني كلما يتضايق راح يحس يبيج لان يدري انج بتنسينه

 

[انا والجرح]

الله يهديه بس اذا شفتيه متضايق او امعصب لا تقربين منه علشان مايحط الحره فييييييج اذا شفتيه رايق افتحي معاه الموضوع وقولي له شنو اللي امضايقك

 

[بنت الامارت 55]

ملسونه وعنيده تفكير الريال غير عن تفكيرج يعني انتي تقولين لما تكونين متكدره بتبين احد يسألج شنو فيج صح هاي طبيعة اكثر الحريم بحكم عاطفيتها اللي غالب عليها تبي احد يهون عليها على عكس الريال انتي لاتتلصقين فيه وتحنين عليه شفتيه متكدر خليه وانشغلي باي شي اذا زاد الموضوع يومين ثلاثه واهو نفس الحال دخلي عليه بمدخل ثاني موباسلوب الحنه يعني مثلا قوليله حبيبي متى مابغيت تفضفض انا موجوده وربي يهدي سره ويسخركم لبعض

 

[MaZyOoOoNa]

حبيبتي البنات ماقصروو وفي رياييل مايحبون الحنه انتي لاتسألينه خلاص تركيه عنج بس مو تهملينه مره وحده لا غلط ترا اذا شفتي حده متنكد سأليه مره وحده شفيك حبيبي اذا قال ولا شي خلاص سكري الموضوع بكلمة الحمدلله وبس