شفيكم تخزون شكلي فيه شي غلط !

[miss_jamsheer]

شوفي انا لما اشوف بنوته صغيره متحجبه او تلبس خصوصا عبايه راس اطالعها ابتسم استانس عليهم خصوصا لما تكون متختخه
يمكن اذا انتي صغير يطالعونج موشرط نظره اللي ابالج يمكن استغراب علي جذي
خلج واثقه من نفسج لحد يحرك ثقتج
عادي عندي رفيجات يلبسون عبي مافيها شي انشالله اصير مثلهم
انا عن نفسي البس بدل بس مووسيع يعني زوين وماالبس الاحمر والوردي وعالالوان اللي تلفت ريلي مايرضي يعني حالي حال اي بنت والخز خو لازم ماتسلمين منه

 

[~ كرز ~]

الامبراطورة

صح كلامج و يمكن لان اللي اطلع معاهم مايلبسون عباية


يسلمو عالمرور

 

[PuPa^^SWeeT]

خليهم ورا ظهرج


اهمه اللي اشكالهم غلط



الستر حلو و زين والحمدلله

 

[بدوردا الأموره]

بصراحه أصفقلج من كل قلبي البنات اللي يلبسون عبايه نادرين في هالزمن او بالأحرى اللي مقتنعين بالعبايه خليهم يخزون أهم شي رضا رب العالمين بس ودي أعلق على نقطه أنج تحببين الفراره في المجمعات شوفي ياأختي صراحه الفراره من دون سبب مالها داعي انا ما اقولج لا تطلعين من البيت كلش طلعي للحاجه او للترفيه مرتين في الاسبوع بالكثير لان البنت بيتها أستر لها

 

[^^Rq8^^]

ما شاء الله عليج
مالج شغل بالناس و رفعي راسج
واللي يبيج حياه الله و اللي ما يبيج حر

عن أنس بن مالك رضي الله عنه قال: قال رسول الله صلى الله عليه وسلم : "يأتي على الناس زمان القابض على دينه كالقابض على الجمر" رواه الترمذي.

 

[سوزي الشرقية]

والله هالموضوع طويل عريضضضض وتختلف فيه وجهات الانظار والنظريات
يعني اني كاني عايشة في بلد محافظ (((محافظ سابقا)))))
البس عباية راسسسســــــ وحجاب واغطي وجهي بعد..........

لكن شوفو الحال الأن اغلب البنات في المجمعات لاحجاب طالع الشعر والعباية على الكتف شوي تتفصخها
بس ماتذكر اني واجههههههه مواقف زي كذا...

 

[♥MaSteRiyA♥]

تصدقين...
توقعت انج تقولين عباة راس..​

أمس واصلني برودكاست عجيييييييب هم عن نفس الموضوع
ولمن دزيته حق أهلي وربايعي الكل عجبه و دزلي :rerrerek:​

وكان بآخر البرودكاست اللي كاتبته الحلوة اللي فوقي...
عن رسول الله صلى الله عليه وآلـــه وسلم أنه قال: "يأتي على الناس زمانٌ.. القابض على دينه كالقابضِ على الجمر"​

الله يثبتنا ان شالله آنا و وانتي حبيبتي وجميع خواتي القابضات على الجمر :eh_s(7):​

 

[~ بنت الهدى ~]

اللي تقول ان عباية الراس شكلها مو حضاري..
حبيبتي ...فاطمة الزهراء عليها السلام بنت رسول الله صلى الله عليه و آله و سلم كانت تلبس عبااااااية راس
بالعكس قمة الحشششمه و الستر

ولفتت نظري الردود اللي تقول ان يمكن استغربوا لأنج عباية راس بدون نقاب

ليش عباية الراس لازم نقاب؟؟؟

عادي ياكثررهم تلاقينهم بكل مكان عباية راس و كاشفين مافيها شــي :/

 

[HmS al JaLiD]

خليهم وراج
والله يثبتج

 

[اشلون يعني &]

عبابه راس وسينما وكل يوم تغرغر احس فيه تناقض اسمحيلي بالصراحة وين وقروا في بينكم الوحده تطلع للضرورة مو كل مره للنوايا

 

[دلع العتبان]

الديره صايره ديره مخازز مو لانج لابسه عبايه لا لانه صارت موضه الخز خلاص المصلخه مثل اللي لابسه عند الكل حبيبتي الديره كلها جذي ،،،،​

 

[هيبة ملك]

يخزون ويقعدون هالزمن صاير موضة الخز

الله يستر عليج دنيا وأخرة

 

[Lamorah]

حبيبتي خل اقولج انا مو متحجبه والله يهديني

بس والله تدرين لمااا امر يم وحده لابسه عباية راس

اقعد اخزها ... واخزهااا

تدرين ليش مو عشان اهي شكلها مو شي لابالعكس

والله اني اقول بقلبي يارب خلني نفسها

واحسدها على اللي اهي فيه

وخصوصا اذا كانت البنت صغيره

والله الله يثبتج وعباية الراس انا اموت فيها

واحس شكلها علا البنت اينن جنها ملاك

والله ادعولي يابنات انه الله يهديني والبسها

 

[الحسن الرقيق]

لاا اتوقع يتراواالج لا استحقار ولالاشي .. احنا اهنيه بالكوويت الخززز طبع

 

[شذى2007]

مو للدرجـــــــه ترى احنا بالكويت يعني عااادي متعوددين مو اول وحده انتي ياقلبي بس ممكن بعض الناس جذي يناظرون والله حتى السفوررر مايخلونها بعد يعني طبع

 

[al_kadee]

ياحيآتي والله,,واثق الخطوه يمشي ملكاً

وانتي الحمدلله ساتره نفسج ومحتشمه خليهم يخزون منييي ليييي باجر

انا مرات ألبس عباية راس وعباية الكتف مخليتها للعزايم وجذي والراس ألبسها بالسوق احسن لي

وبالعكس محد يخزني إلا السافرات والله يخزون بـ نظرات استحقار ولا لقيت لهم بال بالعكس اضحك من داخلي

أقول المفروض احنا نخزج مو انتي تخزينا ,,وعلى فكره ظاهرة الخز منتشره حيل بالمجمعات التجاريه

حتى المحتشمه يخزونها

 

[long time]

لا بالعكس ماراح ازعل انا ابي اسمع راي اللي يعارض العباية عشان جذي حطيت الموضوع
بس في شي لفت انتباهي بكلامج ليش لبس العباية تشوفينه موحضاري و بالمقابل في بنات يطلعون بلبس عاري و الناس ماتتكلم

للعلم انا متزوجة يعني لبس العباية عندي بقناعة تامة من غير ضغط

تسلمين عالمرور

لالا حبيبتي انا مااعارض العباه ابدا انا اؤمن بأن لكل شخص حريه اختياره
و بصراحه ماعندي جواب مقنع لوجة نضري احنا صحيح ديننا الأسلامي امرنا بالتستر
بس مايمنع اننا نلبس ملابس جميله طبعا مااعني انك تلبسي لبس ضيق وفاتن بالعكس لبس ساتر وجميل
انتي فاهتمني لوو انا بمكانك بالكويت شان لبست بالطو ساااتر وبنطلون سااتر وحجااب لونه غامق
اماا احنا بيئتنا كلوووز مانلبس الا كتف او راس وقليل الي يلبسو راس عن قناعه اغلبهم الكبار في السن
والمجبرين او مثلا الي مو دارسين يمكن علشان كدا اشوفها بهالطريقه
بس مع كدا اعتقد انه مايخزونك علشان دا السبب الناس ترا مهما كنتي يخزونك حب استطلاع يمكن
فضول او يمكن وجهه مألوف
وهدي ورده لك :eh_s(7):

 

[سمو الغلآ]

انا البس عباااااااااااااااايه راسسس واموت عليها عسى ربي يتمم علي

ماعلييج من احد

 

[مسك حياتي]

انتي صح ما عليج من الخز ...

انا عن نفسي اذا شفت وحده لابسه عبايه راس صح تكبر بعيني و اتمنى اكون مثلها و بدعيلها الله يثبتها ...

الله يوفقج لما يحبه و يرضاه من قول و عمل ...

 

[عاشقة هواك]

عطيهم طااف ما يعجبهم شي