شفيكم تخزون شكلي فيه شي غلط !

[~ كرز ~]

شفيكم تخزون شكلي فيه شي غلط؟


السلام عليكم

عنواني مستفز صح ؟

بس الحين بتعرفون شالسالفة

انا انسانة اموووت بالطلعة و الفرارة في المجمعات و كل مرة يصير معاي نفس الشي و يحز بقلبي حييل

سواء رحت مرينا او افنيوز او شرق او اي مجمع بالكويت ادخل مبتسمة وواثقة من نفسي و اتسوق او اتمشى او سينما بس الاحظ الناس تطالعني بنظرات تعجب!!!

و للأسف مرات تكون نظرات استحقار و دون!!!!!


لا تخافون انا موو ملامحي غريبة او فيني شي غير عن باجي الناس*:bbbiu:


السبب الوحيد اللي يخليهم يطالعوني بهالنظرات اني ألبس عباية راس!!!

يا ترا ليش الناس تنفر من هالشي للعلم انا ماكنت البس عباية و كنت لما اطلع محد يخز و لا يصير شي بس بعد مالبست العباية معاملة الناس لي تغيرت و نظراتهم و حتا صديقاتي اللي اهم صديقاتي تغيروا:eh_s(10):

انا مو متضايقة من اني البس عباية بالعكس مستانسة بس مستغربة من نظرات الناس


سؤالي لكم شنو نظرتكم للي تلبس عباية و ياريت كل وحدة تقول لنه درجة التزامها لان ودي اعرف انطباع كل الناس عن العباية
و عن البنت الملتزمة


و سامحوني اذا طولت عليكم

 

[طيش سكر]

ياحلو الستر ..

خليهم يطالعون ليين يشبعون

هذا دليل انج مميزه بينهم ..

 

[∫ ∫ ∫ ∫ جــوان ∫ ∫ ∫ ∫]

بالعكس عاد انا اتوقع الوحيده الى ما يخزونها الى لابسه عبايه راس لان مافيه مجال يشوفون شى

بس هذى موضه منتشره اعوذ بالله منها صج ترفع الظغط

 

[~ كرز ~]

علا قولة زوجي لما تمشين جنج ملكة <<< صدقت نفسي عبالي هدى حسين

تسلمين عالرد حبيبتي

 

[~ كرز ~]

جوان

لا وين الكل يخز شباب و بنات و شياب حشا طالعة مفصخة مو لابسة عباية و اسأل مجرب



تسلمين عالمرور الطيب

 

[*الغاليه*]

اناا البسسس عباية رااس وطولها وراي متر والحمد لله ساتره

وهذا اللبس الصح ولا احط ميك اب واذا اضطريت ما اطلع شي من عيوني

بس فعلااا في ناس هوايتها التخوزز شنو نظامهم هذولي يعني بيشككونج بروحج

بس على قولتهم ياجبل مايهزك ريح وطااااااااف دامج مرضيه ربج لاتحسبين لهم حساب

ارضاء الناس غايه لاتدرك والله يعينج على
" المتبحلقين" لوووووول

​

 

[مُخملْ]

اعتبرها ملكه آللي ملتزمة بحجآبها وعباتها،
وجوهرة ثمينه مآخلت اللي يسوى واللي مايسوى
يشوف شعرها ولبسها وكل شي فيها ،
آحترمها جداً ، عادي آللي مثلي ومثلج من اللي لابسينْ عبي وملتزمين
مايروحون السوق ماياكلون بالمطآعمْ، مايروحون سينمات ؟
عادي حآلنآ حآل النآس ، بس الفرق ان حشمنآ نفسنآ عن عيونهم ْ ،

يمكنْ بعضهم يشوفج بهالنظرة نظرة اعجاب بحشمتج لان نآدر ماتلقين الملتزم
والبعض من وجهة نظره يمكن يستغرب انج تدشين مطآعم وسينمآتْ ،
، وماستغرب هالشي من بعض العقول الصغيرة ،
دآمني حآشمة نفسي ومتسترة خلوني بحآلي ،آروح
وين مابغي!


عزيزتي ، هذا شي راجعلج ودآمج مقتنعه محد له دخل فيج ـ خليهم يخزون من اليوم ل.بآجر
انتي واثقة ان اللي تسوينه عين العقل
حلآتها البنت بحشمتها ورزانتها ، آلله يكملج بعقلج حبيبتي

،
شككرآ عالموضوع

 

[~✿ ارتـِوآآآء روح !]

السلام عليكم ورحمه الله وبركاته
دآمج لابسة هالعباااة لرضى الله فلايهمج كلام الناااس
واتمنى تقرين هالكلام فديت قلبج
http://www.q8yat.com/25241745-post1.html

 

[є 3 τ и α q]

يَ حياتي والله
بَ العكس ارفعي راسك ..
وامشي بكل ثقه ..

لآنك انتِ الصح وهم الغلط
ولا عمرك تشوفين نفسك ابدآ انك غريبه
او تدققين في نظآراتهم ..

ذكرتيني بموقف ..
وحده حجابها كامل مع القفازات والجراب ..
وتمشي مرت وحده اللهم لآشماته تقولين رايحه زوآج
هي وعبايتها مرت وتناظر فيها وتخزها ..
كانها الصح والبنت الغلط واللي يقهرك
انها كانها تقول للحين هالنوعيه عايشه

يَ اني بغيت اسطرها كف اخليها تقلب عباتها
بس رديت نفسي < قويه

ماعليك خلي يناظرون مني ل بكره
وانتِ خليك ملكة بينهم رافعه راسك بحجابك

 

[بكره أحلى وأحلى]

عن أبي هريرة رضي الله عنه، عن النبي صلى الله عليه وسلم أنه قال: ((بدأ الإسلام غريباً، وسيعود غريباً كما بدأ، فطوبى للغرباء)).


قال رسول الله صلى الله عليه وسلم: (يأتي زمانٌ على أمتي القابض على دينه كالقابض على جمرة من النار)



شوفي دامج بلبسج هذا ارضيتي اللـه مالج شغل برضى الناس ولا حتى يهمونج ولا تلتفتين لهم

امشي وانتي رافعه راسج لانج مو مسويه شي غلط ولا لابسه شي غلط

شوفي المتعريات يمشون ولا همهم احد مع انهم غاضبين خالقهم بلبسهم وفوق هذا لبسهم غلط

وبالنسبه لمعامله بعض الناس طبيعي تتغير لازم تتأذين من اعداء الدين واعداء اللبس الستير

بيحسسونج انج غلط علشان تتركين الصح وتسوين الغلط اللي هو يرضيهم ويسعدهم ويحسسج انج مقبوله عندهم

اختي اصبري وان شاء الله الله بيجازيج على صبرج وخليج قدوه لغيرج من البنات اللي حابين يلبسونها




​

 

[~ كرز ~]

اناا البسسس عباية رااس وطولها وراي متر والحمد لله ساتره

وهذا اللبس الصح ولا احط ميك اب واذا اضطريت ما اطلع شي من عيوني

بس فعلااا في ناس هوايتها التخوزز شنو نظامهم هذولي يعني بيشككونج بروحج

بس على قولتهم ياجبل مايهزك ريح وطااااااااف دامج مرضيه ربج لاتحسبين لهم حساب

ارضاء الناس غايه لاتدرك والله يعينج على
" المتبحلقين" لوووووول

​

اي و الله في ناس تحسين عيونم بتطلع من مكانها من كثر الخز


تسلمين عالمرور

 

[دلوعة صلوح]

اهم لازم يخزون لابسة عباية مو لبسة نفس الشئ ماكو شغل عندهم بس مالج شغل فيهم.

 

[~ كرز ~]

مخمل

هذا الشي اللي محيرني انه الناس عبالهم الملتزمة ماتعيش حياتها و لا تطلع لدرجة انه مرة كنت اسولف مع زميلاتي عن المكياج ووحدة منهم انصدمت شلون اعرف المكياج و انا ملتزمة!!

سدن صقر

مشكورة عالرد و ان شا الله بدش الرابط و اقراه


اهذر بيك

صج ما تستحي علا ويها
يسلمو عالمرور



بكرة احلى و احلى

في ناس تحسينهم مايبون يسوون الذنب بروحهم عشان جذي يبون الكل مثلهم
و للاسف وايد ناس قالولي فصخي العباية و اني صغيرة علا العباية
تسلمين عالمرور

 

[~ كرز ~]

دلوعة صلوح

صح في ناس ماعندهم شغل بس يخزون بخلق الله

يسلمو عالمرور

 

[Ameera*]

حبيبتي خلهم يخزون ! شعليج منهم امشي بحياتج على هواج وسوي اللي يريحج انتي واللي تبينه انتي !

هالزمن صار اللي متمسك بدينه متخلف ومعقد بس هذا شيء بتأجرين عليه اذا تمسكتي بالعبايه ،، الله يثبتج ويوفقج

تحياتي لج

 

[cute lulu]

شعليج منهم عطيهم احلى skip المهم تكونين مرتاحه وراضيه ربج وبث

 

[دلوعة أبوهآ]

لو بتسمعين لكلام الناس ونظراتهم ماراح تعيشين والله ..

ماعليكِ من احد وخليكِ واثقه من نفسك

وماشاءالله عليكِ الله يثبتك يـارب

 

[غلآوي .~]

وآثق الخطوهـ يمشي ملكآآ

مآ عليج منهم خليهم يخزون مني لبآجر

 

[بـآربيـآ]

ليش يخزونج جذي اخاف تمشين انتي بايطاليا ولا بفرنسا بعبايه عشان يطالعون جذي ؟؟ :bbbiu:

ليش مو هذي عاداتنا وتقاليدنا ؟؟ ليش مو مجتمع مسلم محافظ خليجي ؟؟


ليش يشوفون اللي لابسه سترج راصها رص وفاله شعرهااا ومتمكيجه على انها انسانه فاهمه وكول وعصريه

واللي لابسه عبايه عقـيديه وماتعرف تلبس و معقده ورجعيه ؟؟

انا متأكده ان اللي يعلق على العبايه انه مو كويتي اصيييل يعني ( مضرووب جمبه ) وهالاشكال ملياانه بالافنيو والمارينااا

وانا ملاحظه شغلـه :
ان لما اروح السوقه والمجمعات اللي بمناطقنا ( المنطقه العاشره ) الكل يلبس عبي يمكن لان اغلبنا بـدوو وانا بدوويه وكلي فخر والعبايه رمز فخر لنا وعادي محد يخزني ولا شيي

بس لما اروح الافنيوو وشررق يخزززوون وانا لابسه عبايه وللعلم انا عباية كتف ليشششششششششششششششششششش؟؟؟؟؟ لان سمحولي نص الاشكال اللي هناك مو كويتين اصلييين:rerrerek:

 

[PO PO22]

عن أبي هريرة رضي الله عنه، عن النبي صلى الله عليه وسلم أنه قال: ((بدأ الإسلام غريباً، وسيعود غريباً كما بدأ، فطوبى للغرباء)).