شفط وشد والنتيجة 100 %

[bnt q8 in usa]

اختي الي مو متزوجه حرام تسويها لانه بتتزوج وبتحمل وجنج ماسوتي شي عليج بالرياضه

 

[شيم]

ياولي الا الشفط مااظن اقدر اجازف واسويه
نسمع قصص كثير وصارت العيادات كلها تجارة بتجارة​

 

[النية الصافية]

وبسولف لكم عن قصتي مع السمنة وان شاء الله يتمم علي وما اشوفها بعد علي الصحة والعافية
سويت عملية التحزيم في 29/12/2005 الوزن 98 والطول156 او 158 يعيني بهلحدود الطول قزمة وعظامي عريضه والسمنة الحمد الله متوزعه بس اكثر شي بالزنود والبطن
والحمدالله بعد سنة نزلت الي 74 و73 كان وزني بحدود هالرقمين والجسم الحمد الله صار حلو والكل يعطيني اقل من وزني الفعلي والسبب عظامي عريضة بس في مساوئ الوجه راح صار ذابل وبدت الخطوط والتجاعيد بالجبهة ظاهرة واطراف الفم عند الابتسامة والشعر حت حت حت بس الحمد الله تلاحقته بالقص والفتامينات والحديد والتونك وكل شئ بس لحد الان يحت بس مو مثل اول اللي صلعت من جدام والحمد الله صح نزولي بطئ بس احسن من السرعة عشان ما يصير امراض بالجسم وبالنسبة للزنود والفخوذ والبطن والصدر صار فيه ترهل بس مو وااااااضح مثل بطني واصل لي الحجي والفخوذ
وبعد التوكل علي الله والاستخارة سويت عملية فتاق بالسر والبطن يعين فتاقين مو واحد وشد لعضلات البطن المتمزقه والمترهلة من الحمل والولادة القيصرية وشد للاسفل البطن بدون اي شفط لانه الدكتور قال ما تحتاجين للشفط نهائيا ما فيج شي يحتاج للشفط والحين الشق من اول بطني من فوق الفخذ اليمين لي الفخذ اليسار وطبعا سر جديد والالم عوار بس الحمد الله اخف من عوار القيصرية وعلي كولسيه الماني فيه فتحة من تحت للحمام عشان ما ياذي العملية باللبس والغازات والكحة والضحك والحركة هي المشكلة بس هانت ان شاء الله ايام وطبعا فيه مضاد حيوي ومسكنات وعلي بربيشين للدم كل يوم ينترس وافضيه من الدم لحد ما تخف السوائل وتصير قليلة يشيل الدكتور البرابيش والسوائل عبارة عن دم وماء ودهن واشياء صغيرة شنو ما ادري

 

[النية الصافية]

ونسيت اقولكم
سويتها عند مستشفي المواساة وسواها لي دكتور موسي خورشيد استشاري جراحة وقعدت يومين كلفتني 1665 دينار

 

[marioom]

الحمدلله على سلامتج

مو جنه هالسوالف اتخوف شوي؟؟

 

[النية الصافية]

والله انا معاج اتخوف بس ما لي غيرها والحمدالله عدت علي خير
وهذا بفضل التوكل علي الله والاستخارة واستشارات والبحث وكل واحد ما يموت الا في يومه

 

[جوريه]

الحمدلله على السلامه شلون طلع الفرق بشري حبوبه؟

 

[طرقية]

رد: مشاركة: شفط وشد والنتيجة 100 %

Target سويتها بطيبه كلنك كلفتني 1000 دينار ومشكوره على المرور

اول شي الحمدلله على سلامتج

بس مالقيتي الا طيبة كلينك؟؟؟؟؟؟؟
بصراحة ما يمدحون دكاترتهم

شلون تمت العملية
يعني نمتي بالمستشفى ولا طلعتي من اول يوم
وهل خطرة؟؟

انا عندي كرررش شكبرهاااااااااااااااااااااااااااا

ورحت لطبيب فرنسي زائر
قال لي 3000

واااايد

بس والله شكل بطني يفشل وما نفع معاه لا رجيم ولا رياضة

تنصحيني اسويها عند طيبة كلينك

 

[bnt q8 in usa]

حمدالله علي سلامتج النيه الصافيه

 

[النية الصافية]

الله يسلمكم من الشر ودعواتكم بنات

 

[sKyLiTeGirL]

الحمدلله على السلامه حبيبتى النيه الصافيه

 

[النية الصافية]

يسلمج من كل شر

 

[النية الصافية]

للرفع

 

[ساره ستايل]

النية : الحمدالله عالسلامه

بسإلج : جم صار وزنج الحين ؟

 

[النية الصافية]

ويه زاد كيلوين آآآآآآآآآآآآآآآآآآآآآآآآآآآآآآآآآآآآآآآآآه

 

[الكويتـ80ـية]

الحمدلله ع السلاااامه يا الغاليه ..

و الله أنا ما انصح فيها بس سوي ريجي و رياضه و بس إن شاء الله

 

[النية الصافية]

الكويتية 80
مشكورة علي المرور

 

[ساره ستايل]

النية : حرااااام عليج
عقب هالعملية اتردين تمتنين

 

[النية الصافية]

والله حرام بس ان شاء الله يكون السبب الدورة يارب لانها يتني الحين الله يستر

 

[ساره ستايل]

انزين لا تضيعين الصقلة :eh_s(3):

جم كان وزنج قبل العملية ؟ وجم صار ؟؟ :eh_s(6):