شفت إن الحمل حلم بعيد - بس ما على الله شي بعيد

[سارووه الاموره]

الله يعينا بس .. والحمدلله على كل حال .. والله مادري شقول

انا اجهضت وبعدها نفسيتي صارت بالارض كله اعصب

خسرت ناس وايد بسبب هالعصبيه ..

وحتى مالي خلق امسك اللاب

خليها على الله

ع قولت اختي يعني قايله شي .. لووول انتي بيبياتج بيطلعون مزايين لانج ماحملتي بسرعه الله يسمع منها واييب مزايين


لابي خربان بنات سوري على البدليات

 

[AVE.NJ]

بنات الله رحيم بعباده
يمكن اكثر بنات المنتدى يعرفون قصتي انه 16وانه اعاني ماخليت مكان مارحت
وبعدين الله رزقني الحمدالله والشكر
والله يبنات انه الدكتور مالي يقولي انه ولدي معجزه
وانه الحين مسويه تلقيح مجهري وناطره النتيجه
صج اهني قالو الامل ضعيف بس بسوي اللي على
انه الحمدالله بس ودي اخو والا اخت حق ولدي
والله كريم
بنات قيام الليل والاستغفار هم الحل

 

[أم علي الرفاعي]

الله يرزقج حبيبتي

ماكو شي بعيد على رب العالمين

ياما قالوا التبويض ضعيف
انتي ما تحملين
لو الريال يحمل انتي راح تحملين
و و و ...

بس ربج يقوللهم :
(انما امره اذا اراد شيئا ان يقول له كن فيكون)


انا تعلمت شي من صديقة عمري الله يرحمها:
مو مهم متى
المهم يصير


وان شالله يصير باذن الله سبحانه

^_^

 

[بنت اوسكو]

الله يرزقج يا حايتي يعطيييييييييييييييج لين يرضيج ويافرح قلبج لدرجة تنسين هالايام اتحاولين اتذكرينها ما تقدرين ​

 

[انثى خيالية]

ياقلبى اسمعن ابعطيكن نصيحه وحاجه سهله تسونها
حلوه حيل وسهله وانشالله تنجح الحقن المجهري وماتخذ خمس دقايق
اللى تأيد تقول عشان اكتب الطريقه ماتكلف خمس دنانير
وسهله انطركن

 

[انثى خيالية]

بيباتى ابقولكن طريقه للى سوت حقن وابر وزوجها ضعف وهى ماكو تبويض والللى تجهض
اولاروحى حق المكتبه واشتري قلم اسمه باركر الموضه الستينات اللى ينعبا بحبروله راس مثلث
فيه نوعيه تجى فيها علبه سحب الحبر فاضيه وانتى تعبينها
ثانيا-روحى اشترى زعفران اصلى شوى وماء ورداصلى
ثالثا-حطى الزعفران مع ماى الورد بعلبه ماى صحه صغير وسكلريها وحطيها بالثلاجه يومين
بس ربع او اقل من الربع العلبه مو تكثرين
رابعا-بعد يومين تلقين الزعفران ذاب وغمج لونه خوذى القلم والعلبه اللى داخله واسحبى من ماى الزعفران
وسكري القلم وجيبي اي ورقه عاديه واكتبي ايات قرانيه مخصصه للشفاء وايه الكرسي
بس لا تكبرين الورقه نصها علا قد الايات وحطيها بعلبه ماى صحه متوسط او صغير راح تذوب الايات اللى مكتوبه بالزعفران واشربيهن علا الريق واذا تقدرين تخلينه مايج اليومى وتقرين ايات الرقيه وايات القرين والتابعه والعين
وتنفخين وتشربين وعطى زوجج هذا ينقاله المحو اللى ذكره الرسول لان الماء يمشى في العروق وشلون اذا ذوبتى فيه ايات ووصلت عروقج وكنا نشريه من الحدادب10 دنانير
والحين انا كتبت حق شهر وكل مافتح ماى صحه احط ورقه واشربه وبعد الله تحسنت امورى بكثير
والحين مقبله علا طفل انبوب الشهر الجاي بالعرف وهذى المحاوله الرابعه والله يرزقكن
واللى بتطبق الفكره انا اكتب لكن الايات اللى بالزعفران والايات اللى تقرينهن علا الماى انتى
بس شرط لازم من الحين لين العمليه لين تحملين لين تولدين
يوميا
واللى مو عارفه وربي اكتب لها واعطيها عنوانى وتاخذهن ماب الادعواتكن
لوجه الله وماسويت الا لاختى لانها رفله لامالها خلق تكتب وتسوى الطريقه
وانا حاسه بمعاناتكن لانى مجربه فشل العمليه

 

[نونو الامارات]

السلام عليكم خواااتي العزيزات....​

وربي يكرمنا كلنا بالذريه الصالحه لي تكووون لنا امل وشمعه تنور لنا حياتنا ان شاء الله...
انا معرسه من 9 سنين ,, وربي ما كتبلي الحمل ,, والحمد لله ,, على كل حاااال ,,,
واحاااول من 3 سنين ,, التلقيح المجهري .. وما نجحتلي غير محاوله وحده ,, بس ماا ثبتلي الحمل ,, والحمد لله
وناااويه اعيدها مره ومرتين وثلاث ... لان ربي بشرني في كتاااابه المبارك... وبشر الصابرين اذا صبرو...
يارب يا رحمن يا رحيم .. يا قادر يا وهاب يا رزااق يرزقنا كلنا وكل محروومه من هاا النعمه ... انه عليك هين يا الله .. انه عليك هين يا الله ...انه عليك هين يا الله...

 

[أوراد التميمي]

حبيبتي ما على الله عسير ربي يرزقك ما تتأملين وفوق ما تتأملين

ويملأ قلبك رضا وطاعة وطمأنينه

استمعي لهذا فضلا لا أمرا بارك الله فيك

المرأه التي استحى الله عزوجل منها ...!! قصة مؤثرة

 

[اماراااتية]

اللهم آمين

الله يرزقنا جميعا

سبحان الله قبل ما ننخطب كنا ننتظر هاليوم بفارغ الصبر ونقول وندعي يارب جيب لنا الزوج الصالح اللي يخافط فينا وبعد ما انخطبنا ياربي متى راح نملج ويوم ملجنا ياربي متى نتزوج ويوم تزوجنا سبحان الله نقول ياااااااااااااارب ارزقنا الذرية الصالحة وها نحن ننتظر والله يرزقنا جميعا يارب العالمين

 

[ابدا يالغالي مانساك]

استغفر الله يارب
لاكن الشعور السلبي فينا طبعا حنااااااا بشر
وتعرفين وش قد تتاخر الدوره وتتهااي
لنا سالفة الحمل
وننطر ونعيش نفسنا
بحلم ممكن يصير وممكن لا
لان العلم عند رب العااااالمين
ويااكثر مثلج
ماتتاخر واحلل
وانحبط
لاكن الحين خلاص
قلت معاد احط عندي هالشعورات والافكاااار واالاحلام
بخلي كل شي بامر الله تعالي ولاعاد بفكر فيها وبلهي نفسي
ورب العباد كريم وبيجي يوووووووم وبيرزقنا
يارب يرزقج ويرزق جميع بناااااات هالقسم

 

[انثى خيالية]

هلا فيكن انا الحين عند اهلى بالسعوديه اسبوع
ودانى زوجى يقول عشان نفسيتج ترتاح يدري انى احب اقعد عندهم ويقول اذا حملتى اجيبهم للكويت عندج اسبوعيا
بس ذابحه عمري ماى حار وليمون علا الريق وانانماس وامشى بمزرعتهم ساعه وتمارين وشابوره وسلطه وكورن فلكس
وزوجى ضعيف حيل ويمشى معى يشجعنى خايفه يختفى
المهم الاسبوع الجاي اول الابر للحقن عند منصور العرف
ومتفائله خير وابجمد
عشان ارجع الشهر اللى وراه ابحاول واتحمل لين الله يرزقنى
وانشالله ابشركن
علا فكره انا وزوجى تزوجنا عن حب
وكنا من قبل الخطوبه نقول اذا جتنا بنت اسمها ---ميلاد--
وهو يقول عشر سنسن نبي ميلاد وماجت واختى نحيسه تبي تسمى بنتها ميلاد
ولما جابت بنتها جكر مو حلوه قالت ماتستاهل الاسم
وماينسما الا لنا طبعا تمزح

 

[انثى خيالية]

لازم نكون شجاعات لما تكون النيجه سلبيه
ونخلى الوضع عادى :eh_s(7):ونمشى الامور قدام الزوج
عشان هو مايياس لان انتى تفكرين بمحاوله ثانيه وهو يقول لمتى
ويفكر :eh_s(10):تفاكيلر ثانيه مثلا زوجه تجيب عيال:klhfl:
بس لما تشجعينه مايتحطم ويعطى دافع لمحاوله ثانيه يمكن تنجح
وروحى بعدها لحالج وابكى وابكى وابكى :eh_s(16):لين تشبعين وفضى عبرتج
والله يصبرنا نعالج ونتعب وخايفين من الزوجه الثانيه وانا حلفت اذا تزوج على تحت ضغوط اهله
انى ماراح ادخل المستشفيات عشان احمل لان تطيب نفسي والا اتطلق واقعد عند اهلى
لانى ماتحمل الزوجه الثانيه:23_asmilies-com:
والله انى خايفه
لان هذي المحاوله الرابع ويقول مليت
متقطع قلبه علا الحمل والعيال
والله يستر احمل واسد حلقه وعينه:rerrerek:

 

[AVE.NJ]

الحمد لله الحمد لله الحمد لله

بنات أنا مو كاتبة مني عشان أبث مشاعري السلبية

و منو فينا ما عندها مشاعر سلبية

بس أنا كاتبة عشان نفرغ هذي المشاعر السلبية و نطردها بعدين نفليها وحدة وحدة

و نقطها بالمحيط الهادي

أنا وحدة و لله الحمد صار لي أنتظر الحمل من 36 شهر تقريبا

شهر بعد شهر

وايد أشهر أحلل بالمختبر - وايد أشهر أحلل بالبيت - ووايد أشهر ما أحلل و أنتظر الدورة :eh_s(2):

و لي نزلت أدري إن اهي ما نزلت إلا بأمر ربي - اللي اهو ارحم فيني من والديني

مرات اييني احساس إن أنا عمري ماراح أحمل

إحساس باليأس و الاحباط و طبعا اهو من الشيطان

أطرح هالاحساس الكاذب ابعيد

يمكن صح أنا مو متخيلة إني بيوم من الأيام ممكن أحمل - بس لأن أنا بشر مالي حول و لا قوة

لكن لو سلمت هالموضوع عند باب رب العالمين --- اللي له الحول و القوة كلها

فراح يرزقني - و يرضيني بعطاءه - لكن بالوقت اللي اهو يعلمه مناسب لي

و كل تأخيرة فيها خيرة

و أحاول أسلي نفسي - افتح المصحف - او ارتب اغراضي - اوادش المطبخ اسوي كيكة

اللهم إني أسلمت نفسي إليك و فوضت أمري إليك


كل وحدة يا بنات تذكر مشاعرها السلبية و تذكر شلون تحاول تتغلب عليها

حبيبتي انتي حركتي مشاعري حيل
انه صار لي 16سنه اعالج فتره واظل فتره انسي روحي
مايظل احد مايسالج الاساله شنو فيج منج والا منه واللي ماتسالج مباشر تقولج انه عرف وحده ماحملت وراحت عند فلان علشان تبيني اتكلم
وانه مره افضفض ومرات اسوي روحي ماافهم
بس ربي رحيم رزقني بعد كل هالسنين والله انه ضليت مو مصدقه حمالي
حتى لما سولي سونار اقول حق ريلي اكيد كيس فاضي
لما تاكدت والحمدالله على كل حال
والحين مسويه محاوله اخيره يمكن تضبط معاي والقى اخووالا اخت سند حق ولدي
والحمدالله على كل حال
وانتي لاتياسين حبيبتي توج بس نصيحتي حاولي تعالجين واذا مافيكم شى عادي سوو طفل انابيب لاتسكتين العمر يمر بسرعه
انه الحين الدكاتره تقولي عمرج وعمرج
ياربي يارحيم ارزق كل محروم اللهم امين

 

[Orchidah]

عزيزي .. اشكرج على الموضوع اولا

ثانيا .. انتي ما تحبين تكونين مع الله؟

مو الله يقول في كتابه العزيز "إن الله مع الصابرين"!!

يعني الله بذاته العظيمة !! ولم يقل الملائكة ولم يقل الرسل ولم يقل الأوصياء بل شرفنا بذاته العظيمة أن يكون مع الصابرين ) متخيلة!!

كذلك تأملي معاي هذه الآية عزيزتي :



الزمر (آية:10):قل يا عباد الذين امنوا اتقوا ربكم للذين احسنوا في هذه الدنيا حسنه وارض الله واسعه انما يوفى الصابرون اجرهم بغير حساب

يعني كل هذا الألم وهذا المرار ان شاء الله هو عداد يحسب لك اجر لا يعلمه ألا الله .. ما هو هذا الأجر؟؟ الله يقول عنه "بغير حساب" يعني كل وحدة فينا عندها - اذا صح التعبير - شيك مفتوح عند الله

تدرين انا ساعات اتصك فيني الدنيا وكأني فجأة اخترع شلون البيت خالي ولا عندي يهال العب معاهم في البيت ويصرخون وآخذهم الزوارة ونطلع كل مكان شلون البيت صخة جذي !!

ولكن كلما سمعت ان في وحدة حملت اتأكد ان رحمة الله قريبة ولا في شيء مستحيل على الله وان قدرة رب العالمين تخرج عن العلة والمعلول يعني الله ما يحتاج اسباب ارضية علشان تنفذ قدرته !! لا بويضات ولا حيوانات منوية .. يقول للشيء كن فيكون من لاشييييييييييييييييييييييء .. سبحانه!

انا راح اكون مع الله وهو يعلم بصالح أمري أكثر مني ولن اتوقف عن الدعاء لي وللجميع

 

[شجرة توت]

اهلين خواتي الغاليات :yaaaaaarb:
انا لي خمس سنوات ماحملت وماخليت شي ماسويته من مستشفي الى مستشفى ورحت ممرخات وقالوا لي عندك ميلان :rgewrg:واخذت اعشاب وسويت تمريخ :eh_s(11):واخذت ابر ومنشطات وفتامينات ولكن لم يحصل حمل الحمد لله على كل حال :eh_s(2):نفسيتي زفت كل ماجت الدورة ابكى واقول مستحيل احمل مستحيل احمل :eh_s(2): فلانه حملت وانا لا .احس ان مافي امل احمل :lkmnkl:
:yaaaaaarb:دعواتكم لي ..........

 

[نشيج الروح]

الله يرزق كل محرومة ويصبرها ويآحرها .... ويثبت حمل كل حامل ... ويقر عينها بذرية صالحة مصلحة ...
الله يرزقج حبيبتي مثل ما رزق إبراهيم عليه السلام وزكريا ... ورزق مريم عليها السلام من غير زوج .... فهو قادر والكل لازم يحط بباله هالشي وما يتغافل عنه لحظة وحدة

 

[عسولتي]

36 شهر ومليتي حبيبتي بقولج قصة رفيجتي تزوجت وصارلها ست سنوات ولاحملت مابقا مكان الا راحتله والكل يقول لها زوجج مافيه عيال بالمرة يعني مستحيل تحملين هذاك اليوم شفتها حامل تبارك الرحمن قلت لها مبروك وشلون صار قالت ولاعلاج ولاشي سبحان الله ربج كريم ويعطي كل واحد على نيته ابدا لاتتحطمين باجر تحملين ويرزقج الله لاتتشائمين حبيبتي

 

[OM-TURKY]

الله يرزقج ياااااااااارب ويرقنا وبناات المسلمييين اجمعييين ياااااارب اللهم آميييييييييين​

 

[كويتية خجولة]

الله يووفقج في حيااتج ويرزقج الذريه الصالحه .​

 

[أم هدوله]

اي والله صح كلامكم أنا يوم كنت ابي يأهل ما خليت مكان ما عالجت فيه لمدة اربع سنين عقبها حجيت أنا وزوجي وكانت اول حجه لي كنت وقتها خالصة لربي وما اشوف غيره كنت بس اقرأ سورة مريم بس اوصل عند آيات سيدنا زكريا ابجي لدرجه ما احس منو يمي قاعد حسيت انه بيوم عرفه انه ربي لا محال راح يطعمني بطفل سبحان الله الذي يرزق لمن يشاء بغير حساب من عقب مارجعت وباول تلقيح صناعي حملت في بنتي احلى هديه من ربي له الحمد والشكر على فضله والحين عمرها تسع سنين بعد محاولات ليلحين ربي ماكتب لي الضنه الثاني عسى الله يرزقني ويرزقج حبيبتي صبري وكثري من الاستغفار وخلي ايمانج بالله وعلى يقين انه هو الرزاق سبحانه