شفتي طليقة ريلج أو شفتي زوجة طليقج <<<<< شنو شعورج؟

[انتظر حبه]

رد : شفتي طليقة ريلج أو شفتي زوجة طليقج <<<<< شنو شعورج؟

الحمد الله الله لايجيب هذي اليوم
بس انا من البنات اللي خاطبهم امووت غيره

 

[سبسيال]

رد : شفتي طليقة ريلج أو شفتي زوجة طليقج <<<<< شنو شعورج؟

<< حزب الطمآآآشه ..

الله يعوووضكم يارب..
موضوعج حلووو حبيبتي ..
بس بنات اللي يجيبون طاري طليقات ازواجهم عفيه مو تحشون فيهم وتذكرون اوصافهم وجذي ياخذون حسناتكم ..

 

[بنت اكابر]

ااااااااااااااااااااااب

 

[A S M A]

رد : شفتي طليقة ريلج أو شفتي زوجة طليقج <<<<< شنو شعورج؟

اذا اهو موقفه عادي منها انا بعد عادي
بس لو انه مشتاق لها ويفضلها علي يا عساه ما يشوف شر والله ما اقعد عنده


بس زوجي مو مطلق ^_^

 

[ورق عنب]

من حزب الطماشة

 

[حـووور]

رد : شفتي طليقة ريلج أو شفتي زوجة طليقج <<<<< شنو شعورج؟

شفت زوجته اكثر من مره

انا ورب الكعبه ماطقيت لها خير ولا حتى تنزلت اعطيها نظره مو عن شي بس عشان الي موجودين مايقولون تطالعها او تغار او او

ولا حتى سويت حركات عشان اقهرها مثلا مثل ماسوت هي بالعكس كنت عادي جدا وكنت حريصه اني اكون عادي

بس هي الحمدلله والشكر ما ادري غيره مدري ودها تقهرني حركات طول الليل والمصيبه الناس يعلموني شسوت

اقول متى ماشفتها اصلا ولا كانها موجوده بالاخير طلعت هي بالشينه قدام العالم

عوافي حبوبه ع الموضوع

 

[ورق عنب]

ااااااااااااااااااااااااب

 

[LadY BuG 80]

رد : شفتي طليقة ريلج أو شفتي زوجة طليقج <<<<< شنو شعورج؟

ana zoje kan m6alg o 3ndah 4 3yal 2wal marah ashofha kan fe 3rs o heya ma kanat kash5ah l2anha mn ahl el m3rs fa kant tsht'3l o tshel o t76 m3ahom o ana knt mn el ma3azem y3ne el kash5ah wa9lah 7adha , 6ab3an mafe wajh mogaranah bene o benha ana bnyah o heya um 4 3yal y3ne maskenah el jesm ray7 o esha3ar ray7 o hewa kan a7la mnha bkatheer , o ana knt a7la mnah bkatheer heya bnt 3amah o b3mrah , ana a9'3ar mnah o 6ab3an yom shftaha 3adee bass 7aseetha maskenah l2anah kan ma'39oob 3alyha bnt 3amah o heya tadre enah ma kan y7bha , o salamt 3alya o galat ana um flan , ana knt ok bass b3daha ebfatra7 e5tah 7asbe alah 3alyha kant t7ke le esh y9eer benah o been 6alygtah zaman enah kan ysawee laha o yjeeb laha o kanat dayman tgole enah '6alamha @@ ahh mnha heya sabab mashklna kolaha fe 2wal zawaje lakn al7een el 7amd lelah 7alena el 2moor o 7aramt asma3 kalam a7ad '3eer zoje , o fe el a5eer alah y3enha o ywafgha

 

[مرهونه]

الله يهديج ذكرتينا بما مضى:lkmnkl:
انا زوجي قبل لا ياخذني كان خاطب وحدة من اهلهم بس شنو وحدة بالاول انا ماشفتها امي واختي الكبييرة شافوها اهههههههه يقولون حلوه بس انا كانت فيني ثقة لابعد الحدود لاني كنت مثل عارضات الازياء الحين ووجهي ماعلية :denya:بعد ما تزوجنا ويبت اول ولد لي شفتها زايرة بيت حمولتي :cxxxp:انصدمت من حلاها واللة تهبل تهبل :sfg:شنو ضاق خلقي اندقرت صج اندقرت حتى بين علي بس بعد فتر اقلمت نفسي وصرت انا ام العيال وانا الكل بالكل​

 

[نـ(المطيري)ـازكـ]

رد : شفتي طليقة ريلج أو شفتي زوجة طليقج <<<<< شنو شعورج؟

مرهونة ههههههههههه مشكلة الثقة بالنفس بس شنسوي كلنا نشوف نفسنا حلوين ههههههه

<< طمــاشه ^_^

 

[عقــد منثور]

رد : شفتي طليقة ريلج أو شفتي زوجة طليقج <<<<< شنو شعورج؟

شفت زوجتة ... بالنسبة لى عااادى والامور سهالات ..
ماحسيت بغيرهـ كلشششششش لان ماضى وانتهى بالنسبة لى ..
يمكن اهى تغير لانها زوجتة .. لكن انا عاادى لاقام عندى ولاقعد .. والله يهنى سعيد بسعيدهـ

بس صراحة استانست لما شفتها .. ...

 

[ياشايل الظبى]

هههههههههههههههههه شفتها وقعدت معاها بحكم اننا قرابه ..وكانت القعده مكهربه فى كل مره

بس هو طلقها وقت الملجه يعنى الموضوع يهووون

 

[بنت امير القلو9]

براي مو بس الزين هو العنصر المهم بالزواج؟؟؟

الكل تقول انا احلا منها!!!!

يمكن سحت ويلقى الريال عندها الراحه وتكون اغلى من عيونه

الله يعوضكم يارب ونصيحه لا تفكرون بالشكل فكروا بالجوهر
سوري لا تفهموني غلط
احبكم ^_^

 

[صديقتك ياليل]

رد : شفتي طليقة ريلج أو شفتي زوجة طليقج <<<<< شنو شعورج؟

مرحبا انا طليقي تزوج من شهر والله بنت الحلال انا ماشفتها بس الكل اللي حظرو العرس قالو اني احلا وانا اصغر منها بكثير والله انا اصغر منها ب17 سنه يالله نصيب بس انا ماشفتهااا للحين واكيد الصدفه تجمعنا

 

[one two 3]

ما أظن يصير لي شي

أول زواجنا كنت شوي اتحسس

لكن الحينه لا

وبالعكس مرة زوجي زار أهلها بحكم القرابة ، وشافها وسلم عليها عادي

وطبعا رد البيت قال لي واذا الطوفة اتحركت انا ما اتحرك ،، لأن هذا الأمر زاد لي انه لي أنا بس وانه ما يفكر فيها

ويا حزب الطماشة .. العقبى لكم اتنزلون موضوعات في هالقسم

ويعجل من زواااااااااااجكم ونفرح فيكم ونسمع ونقرا رايكم في الموضوعات

:fun: كلامج حلووو :fun:

وانا من حزب الطماشه
:23_asmilies-com:

:eh_s(20):



بعدين هو ما طلقها الا وهو عــايفها
والمرا بعد ما اطلبت الطلاق الا وهي عايفه هالريال

بس لابد من الحره والغيره :23_asmilies-com:
والله يبعدكم عن الحرات انشالله :eh_s(17):​

 

[aldanaha]

رد : شفتي طليقة ريلج أو شفتي زوجة طليقج <<<<< شنو شعورج؟

انا طليقه ريلي بنت خاله
مع انها متزوجه وعندها كوكش اعيال والله والله والله ماطيق شوفتها
وبنت الذينا بالعيد احنا بالاعياد والعزايم خلط الرياييل ويا الحريم مع انها متحجبه من الاعناد فكت الشعر
ومت من القهر
ماداني شوفتها
مع ان ريلي مو في باله وواثقه بس مو متحمله مو متحمله
ومانعه يروح بيت خاله لاي سبب من الاسباب

 

[aldanaha]

رد : شفتي طليقة ريلج أو شفتي زوجة طليقج <<<<< شنو شعورج؟

والله موضوعكم فتح علي مواجع
بس اهيا تسوي حركات وطريقه بالحجي بس انا اسوي روحي مو شايفتها
بس الحمدالله والهل مو مدح بنفسي
بس انا احلى واصغر منها هذا الي مهونها علي
يمكن تقولون منا لقهر
بس هم مو مدحا بنفسي احلى منها انا
بس هم هم هم ماحبها

 

[((shoOoshoOo))]

موقف وايد صعــــــــب !!!

 

[كوكه احلي بنوته]

رد : شفتي طليقة ريلج أو شفتي زوجة طليقج <<<<< شنو شعورج؟

بقول بنفسي

أكبر قهر شوفت وليفك مع الغير

يضحك ويعطي مثل ما كان يعطيك

لا تقدر اترده ولا معـــــــــــك تدبير

وعندك خبر عقب الغــــلا ما يدانيك

أكبر قهر لا ضاع عمركـ ورى انسان ..

تبي غلاه ..!!

أكبر قهر لاعشتلـك حلـم مـادام

ومثلك بديت الحلم بـس إنتهابـك


مع العلم أنه لا قام ولا قعد عندي ولا عمري حبيته ولافكرت أرد له بس انا انثي والانثي بطبيعتها تحس وتغير وأجذب عليكم لو أقولكم ماعندي حساس ولا غيره والعشره مهما تكون ماتهون علي
لا وبشركم عرسه قريب طليقي وبيعلق الزينه على بيته الي بتنور داري لانه جاري :denya: ناس مستانسه وناس تبجي على مخدتها محد داري عنها

الله يعينج ويمسح علي قلبج


يعني لو كان بعيد عن عينج حتي لو مايهمج اهون

ياربي دنيا صعبه

الله يعوضج باللي احسن منه ويخليلج ولدج

 

[المطيريه]

رد : شفتي طليقة ريلج أو شفتي زوجة طليقج <<<<< شنو شعورج؟

طماشه تو دوت كوم
6amash2.com



والله المواقف منها تفطس من الضحك ومنها تنزل الدمعه

بس صج صج احنااا حريممم

الكل احللاااااا

والكل اصغرررر


والكل مو غلطااااان