مشكورين على تبادل الخبرات
ريماس : أي سنفرة في بايوت اللي تستخدمينها ؟ انا جربت اللي بالعسل للبشره الحساسه اللي تدهنينها على الوجه وتقلب تصير زيت ،، هذي اللي تقصدينها ؟
ونصيحه ريماس سوي الشوفان الأول لأنه سنفره بحد ذاته فتنظفين البشره فيه وبعد ماتشطفينه حطي ماسك الخميره مع العسل او الحليب لأنه لشد البشره والروب خليه ماسك بيوم ثاني مع العسل ،، واستخدميه بعد للشعر يرطبه ويطريه
انا بعطيكم نصيحه استفدتها من صديقه تركيه الله يذكرها بالخير وبالصدفه بعد فتره لقيت لي رفيجه لبنانيه ماشيه عليها اهي واهلها وهي كالتالي:
اذا عندج مناسبه في الليله السابقه اعملي لج قلاص بابونج يعني تحطين العشبه وتصبين عليها ماي حار والأهم انج تغطين القلاص عشان الزيوت الطياره لاتطيييييييييير وبعدها شربيه (أنا ازيد معاه نعناع لتهدئة الأعصاب والنوم بهدوء ولنف غرض البابونج وهو تنظيف المعده والأمعاء من عفونة الطعام المتبقي بعد الهضم وتطهيرهم وبالتالي بينعكس صفاء ورونق على البشره وبجذي عالجتوا الجسم واهتميتوا فيه من الداخل قبل الخارج )
ممكن تسوونها كل ليله ماتضر بالعكس بعد اسبوع بتتحسن البشره لو فيها حبوب وبلاوي
والشغله الثانيه اللي تسويها رفيجتي اللبنانيه مع امها وخواتها ومااااااااايطوفونها ولقيت فعلا انها رائعه للبشره (كبسولات فيتامين E) وموجوده بكل الصيليات ،، بعد تنظيف ويهج بالليل تفتحين لج وحده وتدهنين بشرتج فيها مع المساج حتى تشربها البشره ولاتنسيييييييييييييييييييييييييييييييين رقبتج بأي عنايه تسوينها للوجه سواء سنفره او ماسك اوتونيك او سيروم اومرطب
واذا تبون فناتق لماسكات البشره حااااااااضره للطيبين بس عساني ماأضيع الموضوع لأن مع حوسة البيت والعيال الذاكره عندي ترقص على وحده ونص
وعليييييييييييييكم بألف عافيه وعيدكم مبارك انشالله
