شــنو كليتــي اليــــوم ((الجزء العاشر)) تعـــالي و شاركينـــــا بالصـــــــور؟

[ريمه الكويت]

رد : شــنو كليتــي اليــــوم ((الجزء العاشر)) تعـــالي و شاركينـــــا بالصـــــــور؟

يعافيج كميثره

يعافيكم بنوتات

غدانا اليوم مرق سمج وعيش بالكاري واشتهيت محمر اول مره اسوي محمر يدوخ مع دبس تمر واسبجاتي



سلطه بطاط









محمر





صحني

ولازم عصير الليمون

 

[ايمانو حلوة]

غداي امس انشيلادا




وسلطة خضرة

 

[ايمانو حلوة]

زيف الابتسامه

لووووووول حياتي البيكن بالعربي يعني لحم مقدد يكون لحم بقر او تيركي يجففونه شوي ويكون طعمه سموووكي واللي يسوونه من لحم الخنزير اسمه بانشيتا

 

[CANDLES]

الله يعافيج حبيبتي
اذا رحتي طلبي رولات سبانخ يمي يمي

تعرفين عماره المبروور الخياايييط يمه بالضضضضضبط

دوااار الجوازات لا تدخلين لفه سيتي سنتر لأ
الي بعدها تشوفين عماره كبيره اسمها برج خديجه دشيها وتشوفين المطعم اعلانه كبير بالازرق والابيض علي ايدج اليسار

اها يعني عند سطرة قيصر والفايز الي بالسالميه

مشكوره حبي :eh_s(6):

 

[الـــدفـــشـــة]

آآخ ليتني آكل بس سويت رجيم وانعدمت شهيتي للاكل

عوااافي بطات لاتخافون ترى موقاعده احسدكم looooool

 

[مانسيته]

رد : شــنو كليتــي اليــــوم ((الجزء العاشر)) تعـــالي و شاركينـــــا بالصـــــــور؟

عليكم بالعافيه ياحلوآآت
عشآي انا واختي امسس
طلبنا بيتزا بيبروني من بيتزا هت

مع خبز بالثوم والجبن <<الجوع شين ما قدرت امسك نفسي لين اصور:lololoe:



ثلاث انواع سلطه بعلبه وحده لان طلبنا عررض


طبعا لازم الحبيييييييب ويانا ولامايحلا الاكل



غدآي بعد مارديت من الكليه


رديت متأخر فما أكلت مع اهلي


مرقة ربيان

ولااااااااااازم بيبسي بس ماصورته

والحمدلله عالنعمه​

 

[digital]

عليكم بأأألف عافيه

ريمه المحمر شكله عجييييييييب يم يم الفلفل الله يسلمج من الجمعيه تحصلينه بس اخذي هالماركه وترى تحذير .. حاااااااااااااااار جدا ولذيذ جدا

ام حسون الباشن طعمهه حامض شوي وشريتعع من لولو الكيلو بأقل من دينار وبمركز سلطان الكيلو ب 4 وشوي

 

[أم حسون]

ديجيتال وااااااي فرق بالسعر ههههههههه وعوافي حبي
يه يه ايمانو اكلج صك على المطاعم ظبطينا يبا ههههههههههه ابي طريقة انشيلادا مالتج لووول

 

[أم حسون]

غدانا بفيلا فيروز الافنيوز
تبوله

كبة برغل مع بيديان عجيببه

عرايس

جبدة دياي بدبس الرمان

وكان في جوانح دياي بالكزبره والثوم وتكا بس ماقدرت اصور اكثر
والححححب الاول والاخير

 

[ايمانو حلوة]

غداي قبل شوي

سويت تكساس فرايز عجيييبة بنوعين صلصة طلعت شي شي

 

[كويتيه مذهله 87]

ريومه حبيبتي مجرمه اشتهيت المحمر وقاعد اسويلي الحين لوووول انتي الوحيده الي تشجعيني علي الاكل الصحي ماشالله عليج عيني عليج بارده

كاندل حبيبتي ايوااااااااااا يمه قيصر

اموووووووونه يمي يمي عليج بالعافيه حبيبتي شنو صلصله التكساس ؟؟


,,,

 

[ايمانو حلوة]

ام حسووووون

حبيبة قلبي تسلمين وتامرين امر

شوفي سلقي صدور دياي وفتتيها وخليها على كتر وبصينية فرن حطي طماط قطعيه ارباع مع بصل ارباع وثوم وفلفل علوب ورشيهم زيت زيتون ملح وفلفل ودخليه الفرن الين يتحمر وتذبل الخضرة

وبجدر على النار حمسي بصل الين يذبل وورق غار وثوم وقفشتين طحين وحركي بسرعة تالي ضيفي مرقة دياي وقلبي الصلصة الين تتكثف وتثقل

نيي حق الخضرة اللي بالفرن حطيها بالخلاااط مع شدة كزبرة وكمون وفلفل اسود وبهار مكسيكي مشكل وعصير ليمون اخضر وخلطي وضيفي هالصلصة على خليط البصل ومرقة الدياي اللي عالنار وقلبيها شوي وعدلي الملح تالي شيلي منها نص الكمية وخليها على كتر عساس نصبها فوق الانشيلادا واللي بالجدر حطي عليه الدياي وذرة وممكن فاصوليا حمرا او سودا كيفج وحمسيه شوي والحين ييبي خبز التورتيلا انا استخدمت الصاج من امير الامراء احلى من التورتيلا الجاهزة ريحتها موشي حطي شوي من خليط الدياي وحطي جبن مونتري جاك او شيدر انا استخدمت شيدر اصفر وبرتقالي ولفيها رووول طويل وحطيها بصحن بايركس صبي فيه شوي من الصلصة اللي شلتيها وحطي الرولات وصبي فوقها باقي الصلة بس لاتغرقييينها عساس تتقرمش شوي الذ ورشيها اجبان ودخليها الفرن وقدميها مع الساور كرييييم ورشة بصل اخضر وكزبرة وطماط مفروم مووو طبيعييه وايد لذيذة ومميزة وغير عن الانشلادا الحمرة المتعوين عليها

جربيييها وعطيني رايج

 

[طـالبة]

اجرااااااااااااااااااااااااااااااااااااااام

هذي يسمونها اسلحه دمار شاااااااااااااااامل

بالعافيه كلكم

 

[ايمانو حلوة]

كوكووو

انتي تعرفين طريقتي اللي كتبتها بقسم الطبخ صح؟؟

شوفي نفس طريقة اللحم بالضبط بس ضيفي بهار مكسيكي وبابريكا وصلصة هويزن عجيييبة تلقينها بالجمعيات صوب الصلصات او مركز سلطان تعطي طعم مو طبيييعي هذي اضافتي للحم وتضيفين مرقة الداياي وصلصة وورشتر شير تعرفين الطريقة

هذا اول شي وثاني شي اليدي الصلصة البرتقالية
حطي مايونيز 3 قفاش وصلصة بافالووو موجودة بالجمعيات بعد عليها صورة اجنحة دياي وحطي سكر بني وخل ابيض وكتشب فلفل وصلصة حارة انا استخدمت صلصلة حارة تايلندية خلطييييهم عدل

والصلصة الثانية صلصة الجبن كتبتها بوصفتي نفس الطريقة

تحطين البطاط فوقه اللحم وفوقهم الصلصة البرتقالية تالي صلصة الجبن ورشييييهم شيدر برتقالي واصفر

اذا ماعرفتي الصلصات قوليلي اطرشلج صورهم

 

[ايمانو حلوة]

هني وعااافية ام حسوووون
بروح اشتري يرييييييش بسوي يريش منهنه واثقب اذن بنتي حق الترااااجي

 

[ايمانو حلوة]

مانسيته ريوووووووم

بالعااافية ماكليتوا

 

[غيدآء]

حاليا قهوه وشاي


ولقيمات وفطاير مشكله صناعيه منزليه :d






ومكسرااااات غرااامي خصوصا حب شمسي:d







والحمدلله على النعمه

 

[** باربي **]

عواااافي

 

[*ماي الورد*]

رد : شــنو كليتــي اليــــوم ((الجزء العاشر)) تعـــالي و شاركينـــــا بالصـــــــور؟

يعافيج كميثره

يعافيكم بنوتات

غدانا اليوم مرق سمج وعيش بالكاري واشتهيت محمر اول مره اسوي محمر يدوخ مع دبس تمر واسبجاتي



سلطه بطاط









محمر





صحني

ولازم عصير الليمون

ممكن طريقة العيش

 

[أم@الحلوين]

عليكم بالعافيه


عشانا اليوم ،،


أنواع من الأجبان والزيتون ومقدوس وطماط يم يمييي






وسويت فطاير مشكله وبيتزا





وحاليا جاي و CoConut