شــــنو ســـبب تــــعـــاستج ؟؟!!

[_ظل الياسمين _]

انى وفيه فى زمن خوان.

 

[غرور المطيري]

التعاسة رهن الظروف .. مرات تكون مؤقتة ومرات دائمة حسب الظرف اللي أنا فيه ..

بس كلمة [ تعاسة ] قوية جدااا في وصف الحال < وتخليج يائسة فعلا !

عموما فيه عبارة دايم في بالي لا تذكرتها رددتها على طول : [ كيف أحزن .. والله ربي ؟! ]

والله بعدهاا كل شيء يهون بعيني ؛ وما ضاقت ألا لـ تتسع ..

عسى أيامكم كلهآ سعادة جميعا ..

 

[Muna 93]

ما اظن اني وصلت لمرحلة التعاسه الحمد الله ع كل حااال
على الرغم من ان في واااايد اشياء تضيق خلقي بس مع التفاؤل كل شي يرووووح
والحياة حلوة
:nbvppw:​

 

[ليان العامريه]

رد : شــــنو ســـبب تــــعـــاستج ؟؟!!

سبب تعاستي بالدنيا (استغفرالله) هي أمي واخواني ((((الله كريم )))

 

[توووفية]

سبب تعاستي وفاة امي عرضني حق واااايد اشياء بمختلف النواااحي كان له تاثير الله يرحمها ويعوضني بعيالي

 

[أرنوووبة]

رد : شــــنو ســـبب تــــعـــاستج ؟؟!!

رغم كثرة احزاني لاني عشت عيشة جدا صعبة ما يعلمها الا رب العالمين و انحرمت من اقل الاشياء اللي تتمنهاها كل بنت في الكون لكن ما احس اني تعيسة بالعكس احمد الله و اشكره على وايد من النعم اللي انا عايشه فيها كافي الصحة و العافية و اللي يشوف مصايب غيره تهون عليه بلواه
اللهم لك الحمد و الشكر على كل حال و يا رب يفرج تعاسه كل انسان

:eh_s(21):

 

[om_dodo]

الحمدلله الذى لايحمد احدا" سواه
...,,,...,,,فى اشياء تضايقنى ...,,,...,,, وتحز فى خاطرى
استغفر الله واتوب الية

 

[الشريفه]

الحمد لله المؤمن العارف بربه يهون عليه كل شيء...وأيضاً المؤمن العارف بربه يطمع بكرم ربه ورحمته التي وسعت كل شيء...
سبب تعاستي أو ضيقي وهمي اللي أحاول أتناساه ...زواجي من رجل ماعرف قيمتي برغم أني أمتلك جميع الصفات الحسنه ولله الحمد فعانيت معاه وتحملت الكثير ...ثم إنتهي هذا الزواج بطلاق ظلماً ... وعيال كانوا الضحيه لتبداء رحلة العناء .... سبب تعاستي إني مادخرت فلوسي لمثل هاليوم ...سبب تعاستي طيبتي اللي خلت زوجي وغيره يتمادون في أذيتي ... وأشياء وايد في الحياه تعور قلبي .... واللي يهون على الواحد أنه يتذكر إن هالدنيا فانيه وقصيره وأن الله مايخيب من دعاه ..وإن الظالم بيجيه يوم وكل شيء بقضاء الله وقدره ..يارب فرجك ياكريم ...ياارب لا تجعل الدنيا أكبر همنا ولامبلغ علمنا ولا إلى النار مصيرنا وأجعل الجنه هي دارنا وقرارنا..يارحيم

 

[واثقة بجمالها]

الله يكافينا شر التعااسة ويجعلنا من عباده المتفائلين

والدنيا مرة فووق ومرة تحت وربنا كرريم

 

[فاطمة82]

سبب همي وادعي الله يصبرني ويبعد عني هالنكد اللي انا فيه
الانسان اللي حبيته وحلمت وتحيلت حياتي معاه وجهزنا نفسنا مع بعض ولبعض راح وتزوج وحده غيري وتكسرت كل احلامي ورغباتي واستعدادي النفسي جدامي

 

[جـــــــــوري]

سبب تعاستي ام زوجي

20 سنه عذاب معاها ... مو بس تأذيني حتى ولدها اللي هو زوجي اذته حيل

ياكثر ماتمكر لي ويمكرلي الله وكل ماقول تابت زادت

اللحين لي 3 شهور عند اهلي بعد هالسنين .. ماسكه بيت العمر اللي لي اسنين انطره واقفه عالمقاول واللغت واجهت البيت ولخبطت المخطط ولعبت بالقسيمه لعب ...الله المستعان .. حسبي الله ونعم الوكيل ياخذ حقي وحق عيالي وزوجي منها ولو بعد حين


تكفون ادعولي ان الله يفرج همي ويجمع شملي وشمل عيالي وزوجي وياخذ حقي من هالظالمه

 

[رحيل المرافيء]

رد : شــــنو ســـبب تــــعـــاستج ؟؟!!

سبب تعاستي اهلي حسبي الله عليهم
الله ياخذ حقي منهم

 

[ممرضه حنونه]

المملل والفراغ،،

حوالي وايد ناس بس موقادرة أحس بأحد،،

حزينة من داخل وبعمق وما كو شي يجذبني،،

والله ما أدري شنو سبب تعاستي بس الاكييييد اني تعيييسة جدا للاسف،،

أستغفر الله يمكن مرض الاكتئاب وانا مادري

 

[$مخملية أنثى$]

رد : شــــنو ســـبب تــــعـــاستج ؟؟!!

الحمدلله حمدا كثيرا
مافي شي يخليني لدرجة التعاسة مرة وحدة
لأ في اشياء مضيقة خلقي (المتن )

 

[** باربي **]

المرض

والاهتمام الزايد لناس ما تستاهل وتالي تنصدمين

 

[فرفوقه]

مادري والله اشياء وااااااااااااااااااااااااااااااااااايد
بس انشالله تنفرج

 

[miss mama]

الله يفرج همكم يا بنات ويبعد عنكم التعاسه

 

[كسرة عود]

رد : شــــنو ســـبب تــــعـــاستج ؟؟!!



حبيباتي تعوذوا من ابليس

حنا بشهر كريم

ومن سمعت حديث الرسول صلى الله عليه وسلم :" من بات آمنا في سربه معافى في جسده عنده قوت يومه فقد حاز الدنيا ومافيها"

يعني الامان والصحة وكفاف العيش

بس غيرها من قلة القناعة عند الناس

 

[شيمونه]

رد : شــــنو ســـبب تــــعـــاستج ؟؟!!

والله يالغلا هذي الدنيا مافي شي يستاهل نضايق انفسنا عليها الله خلق عبيده يوم للك ويوم عليك وبالعكس الحياه حلوه ومفروض تفهمين نفسج تحاولين تبعدين نفسج عن النعاسه وماظن في شي يخخلينا تعسين شوفي اصحاب الامراض الخطيره متفألين واهم مرضه الدنيا ابتسامه حاولي تسعدين نفسج بنفسج \وري شي الي يسعدج ياقلبي ولاتفكرين باي شي يغثج:nocommint:

 

[M!Ss Smart]

موضوعج حلو بس ماوصلت لتعاسه لا فيني حزن ونقص حنان لان ابوي توفى وانا صغيره عمري سنتين ماذكر اي شي معااه بس الصور اللي عرفتني بأبووي :eh_s(2): واايد اتمنى ان يكون معاي بس نصيبي ان ابوي مايكون بهدنياا واانا راضيه بأمر الله وتمنى ان الله يعوضني بزوج اللي يعطيني كل اللي فقدته :yaaaaaarb: ​