أختي الكريمة شوق وحنين مشكورة وتسلمين على ردودج ياقلبي ... قصتي الثالة مع قانون الجذب العام ....
بصراحة بنات من كثر ما قمت أمارس الاسترخاء بين فترة وفترة ، واطبق قانون الجذب العام وأتحكم بعقلي الباطن ، زادت عندي الحاسة السادسة بشكل ملحةظ واضطريت أني أزور استشارية لأنه ... شوي الله يهداه عقلي الباطن قام يخوره الظاهر البطارية صار عليها لووود وايد لووووووول من بين القصص الغريبة والي ادري انه وايد ماراح يصدقونها :eh_s(1)::eh_s(1):
1-مرة كنت نايمة وسبحان الله وأنا نايمة كنت أسمع صوت بنت جيرانه ، تقولي فلانة عفيه لحقيني ،نادي أبوج خل إيي بيتنه ، جان أفز من النوم وأطالع الساعة وإلا 3:00 الفجر قلت : بسم الله الرحمن الرحيم ، وحاولت أرد انام بس ماقدرت طلعت الصالة ورحت أطل في بيتهم شي في راسي يقولي طلي عالدريشة مالتهم ..... وإلا أشوف الليت مال السلم داخل مالهم مبطل العادة أهم يسكرون ،لأنه قوي ويعكس على بيتنه ... استغربت شوي والله العظيم يا بنات وغلاة عيالي ، رن التلفون جان يفز قلبي رديت: ألو ، والا تقولي: بصوت مخنوق فلانة عفيه لحقيني قولي حق ابوج ايي بيتنه الحين بسرعة ، انا مت تخلبصت ، قلت لها : ليش شصاير قالت : لي بصوت يرجف وواطي ، أنا اتصلت عالشرطة وقافلة علي على عيالي في صوت بالبيت ، في أحد قاعد يبوق ... قمت بسرعه نزلت لبوي وقلت له ... وصج رحنه بيتهم والشرطة يووا وقبضوا عالحرامي .... والله حفظهم لأنه كان معاه سكين وعارف البيت ومتعاون ويا الخدامة
