شـاركـونا: تجاربكم مع عمليات التجميل

[كويتيه وبس]

أنا سويت خشمي عند د. عبدالمحسن جعفر وصار لي اسبوعين .. بس انا ارتح اسويها عندة لأن اهو مو بس د تجميل اهو استشاري انف واذن وحنجره ... كنت خايفه اسويها عند اي د تجميل عقبها ما اشم وله يسوي شي غلط

تسلمين ع الموضوع الحلو حبوبه

حمدالله على سلامتج الله يهنيج فيه يارب
سولفيلنا عن العمليه بالتفصيل الممل قبل واثناء العمليه وبعد لان اهو خيارنا الثاني بعد الحربي
واشلون اطلعت النتيجه معاج؟ زين سويتي كمبيوتر قبل العمليه ؟
اهم شي النتيجه اشلون ؟​

 

[دنيا جديده]

كويتيه وبس بشتخته قالتي بالتفصيل الممل ماقصرت والله جزاها الله خير
تقول مااخذت صور بالكمبيوتر لانها وثقت فيه ولانه الكمبيوتر مايعطيها شكل 100%
وتمدح الدكتور بالها طويل ونفسيته حلووه
جاوبت بدالها شتبين بعد لووووووووووول

 

[بشتخته]

كويتيه وبس

الله يسلمج من كل شر حبوبه

وماقصرت اختنا المزيزنه كفت ووفت يا حلوها

وانا مثلكم كنت ناطره د. الحربي بس كنت من سنتين متردده وقررت اسويها فكان خياري الثاني د.عبدالمحسن جعفر شفت وحده مسويه خشمها عنده عجبني انه طبيعي وماشي مع ويها
وتطمنت اكثر انه استشاري انف واذن وحنجرة وانا اساسا كنت بسوي اللحميه فرحت له قبل شهر تقريباً وقعدت معاه اكثر من مره وشرح لي العمليه بالتفصيل الممل.

واذا على النتيجه ليما الحين حلو صاير بس قالي بعده يبله 6 شهور ويبين عدل معاج
وبعد يومين بشيل البلاستر ورايح يبين معاي

وانشالله راح احط لكم الصور .. بس خل يشل البلاستر ويخف الورم شوي

 

[كويتيه وبس]

دنيا جديده مشكوووووره والله يعطيج العافيه

بشتخته الله يهنيج فيه ياااااارب انه نفسج اهم شي عندي النفس وهذا اللي مخوفني و احاتي اللزقه عقب العمليه ماراح اتنفس وجذي الله يعين وصح كلامج انه لما شفت عملياته شغله طبيعيييي واغلب الصور اللي عنده شباب ونفسه حلوه وقالي بالضبط مثل ما قالج ما اعطيج 100% اعطيج 80% عكس البعض اللي ينصبون عالمريض كان صريح وحليو ويعطيج من وقته انه قالي صوري (حسب طلبي) واقعد معاج ساعه عالكمبيوتر رفيجت بنت خالي راحتله انه شايفه خشمها نتفه بس مو عاجبها راحتله مارضى يسويلها قالها خشمج صغير ما يحتاج وتمدح عملياته تقول شفت الصور طبيعي طبيعي ما شاء الله بصراحه انه بروحله بإذن الله

 

[بشتخته]

كويتيه وبس


الله يوفقك ولا تحاتين النفس تره يفرق على حسب العمر
وانا اكبر منج :O_SHH_: مو تقولين حق احد
لووووول
وبعدين انا تأذيت من اللحميه .. انشالله تسوينهاوتصيرين احلى ويطلع خشمج مثل ما تبن واحلى ​

 

[الجوررري143]

انا تفخت شفايفي عند طلال العلي بس بسررررررعه فشو مو شي

 

[كيكه]

بنات المنتدى ( تبادل الخبرات فى العمليات التجميليه)

مساء الورد عالناس الورد

بالمختصر المفيد نبي نتجمع كلنا ونفيد بعض منو فيكم سوت ( نفخ شفايف / نفخ خدود / رفع حواجب / تبيض اسنان وتلبيس / غمازات / تقشير / ليزر بأنواعه / شفط دهون / الخ)


نبي نعرف وين سويته ؟

جم السعر؟

الخدمه زينه ؟

تحسفتي والالاء ؟


بلييييييييز فديتكم ابي تفاعل عشان كلنا نستفيد ناطره ردودكم​

 

[&شوارفسكيه&]

رد: بنات المنتدى يلا كلكم

هاي حبيبتي انا سويت تقشير لبشرتي عند الدكتور عماد النجاده وبشرتي طلعت روووووووووعه قولو ماشاء الله بس للعلم انا بشرتي من زمان حلوه بس كان مافيها توحد في اللون عاد قالي بسويلج تقشير وبعطيج كريمات توحد لج لون البشره وعطاني كريمات حلوه وقطاره تعطي نضاره للبشره عاد جربتها وبشرتي تطلعت ماشاء الله روعه



وجربت تفتيح الاسنان بالليزر في عيادة الثريا وتحسفت قد شعر راسي اني سويته لان نتيجته مؤقته ولا تصلح للوحده اللي تشرب قهوه <<<خبركم شوارفسكيه تموت على الكوفي
عاد ما نفعني وسبب لي حساسيه باسناني لدرجة اني الحين اذا فرشت اسناني ودي ابيج من الام واذا شربت شي بارد تالمت الم مو طبيعي <<<<<<يعني بالعربي ندمت قد شعر راسي اني سويته

 

[فديت عيوني]

رد: بنات المنتدى يلا كلكم

يا بنات ترا تغير خلقة ربج حرررررررررررام
انا بس حبيت اقول جذي لان ربي بيحاسبني
اني شفت هالشي وما نهيت عنة

 

[كيكه]

رد: بنات المنتدى يلا كلكم

هلا وغلا شوارفسكيه

مشكوره حبيبتي على ردج بس بغيت اسالج شنو نوع التقشير اللي سويتيه كرستال والا الفواكه والا شنو بالضبط ؟

 

[كيكه]

رد: بنات المنتدى يلا كلكم

شدعووووووه

 

[رنه خلخال]

رد: بنات المنتدى يلا كلكم

انا سويت عمليه شفط حق بطني عند دكتور اسماعيل ندا كلفتني 1800 هذا غير دشت المستشفى والمسكنات بس للاسف تسرعت فيه لان سويت العمليه وانا بطه ماضعفت فبعد العمليه ماكو كرش بس فخوذ وظهري صار مترهل فودي اسويه بعد بس خايفه اسوي شي ويطلع شي فقلت اسوي رجيم بلا عمليات بلا بطيخ

وسويت عمليه بايران حق خشمي كان وايد عود امخرب شكلي واااااااااايد وكلفتني تقريبا 500 دينار بس شغل الدكتور وصراحه هذا احلى شي سويته وعمري ماتندمت عليه وصارلي تقريبا 3 سنين من سويته والحمدالله النتيجه روووووووووووووعه الف حمد وشكر

 

[النوالنو]

رد: بنات المنتدى يلا كلكم

ماعرف

 

[دنيا جديده]

رد: بنات المنتدى يلا كلكم

انا من شهر سويت عمليه بخشمي عند دكتور عبدالمحسن جعفر بــ 2000 الحمدلله بصرااحه خشمي طلع رووعه
وللحين فيه تورم شوي بس مبدئياا حييل حلو وغير من شكلي

 

[نـور الكويت]

رد: بنات المنتدى يلا كلكم

بنااات تغير خلقت الله حرااااامم

الله بلغت اللهم فشهد .. اتقوا الله

 

[كيكه]

رد: بنات المنتدى يلا كلكم

رنة خلخال

مشكوره على ردج يا قلبي

صح صاجه المفروض مسويه بالاول ريجيم وبعدين بقية التعديلات :dddds:

انزين ماتذكرين اسم دكتورج اللي بإيران ؟


ومبروك على اللوك الجديد :ggdw:

 

[HASB_83]

رد: بنات المنتدى يلا كلكم

انا سويت تبييض اسنان بعيادة الميدان

مو الليزر لا الجل اللي انتي تاخذينه تحطينه بالبيت
كلفني 100 دينار

والحمدلله النتيجه واايد عاجبتني وافرقوا ضروسي واايد
حتى من اللي شافوني 3 راحول سووا ضروسهم ههه

 

[ريمه الكويت]

رد: بنات المنتدى يلا كلكم

انا سويت تقشير عند د قنال ولا استفدت شي على فكره سويت عندها تقشير الكيميائي واحماض الفواكه طلعلي كلف الظاهر لاني سويته والجو كان بادي يحتر شوي ترا جونا مومال تقشير الا الي بتقعد بالبيت

وسويت تقشير كرستال بمجمع الشعب الطبي والنتيجه مؤقته وسويت حقن الميزو ثيربي وجربتهم عند كذا دكتور بس الي عجبتني بشغلها د سحر غنام بس لازم استمرار عشان النتيجه تستمر معاج يعني تشوفين مع الوقت كل ماسويتي جلسات اكثر النتيجه تطول معاج يعني بالبدايه تشوفين نظاره بس اسبوع اسبوعين ومع الجلسات النظاره تستمر شهر واكثر بس الوحده تمل يبليه وحده تتحمل الابر ولها خلق

السنه الي طافت سويت الفراكسل خففتلي البقع وصغرت المسامات بس لازم المحافظه على النتيجه بالكريمات والابتعاد عن الشمس كثر ماتقدرين

 

[أم منصور]

رد: بنات المنتدى يلا كلكم

انا الشي الوحيد الي سويته وبذمة الدكتور الفراكسل وحطيت تجربتي لا اعادها الله من تجربة سيئة

تخيلي بشرتي ما فيها شي صافيه وبيضا حسبي الله عليه الدكورر حرق بشرتي وقعدت اعاني سنه كاملة على مارجع لون بشرتي مثل ماكانت وظلت بقعه عند العين ذكرى لهذه التجربة التعيسه الدكتور قالي يحفز طبقة الكولاجين تحت البشرة طل لا حفز الا بقع وخلى ويهي خريطة العالم والله الشاهد ان لوزن رقبتي حليب ووجهي كاكاو شي لا يصدق

الفراكسيل نصيحه اي وحده ما عندها اي مشكله في بشرتها ماتسويه

 

[كيكه]

رد: بنات المنتدى يلا كلكم

فاعلة خير

حياج الله وتعلمي من باجي البنات