حبيباتي بقولكم قصتي مع شغالتي واسعفوني بالحل :شغالتي خلصت سنتين وهي بالدف يوم زعلانه ويوم متعكر مزاجة المهم يوم كملنت سنتين قلت بتقعدين معي رمضان وادبل لك الراتب فرحت وستانست ووافقت وقالت بس ودي العيد مع اهلي حجزنا لها 17 رمضان لاني العشر افكر اروح الحرم المهم اخذها زوجي وداها المكتب علشان المخالصة حقت الرواتب كلمها كلب من جنسيتها وقالها انت بتسافرين قريب عاد هي انهبلت وكل يوم تقولي متى سفر بكرة بعده ابي سوق ابي مدري وشو قلت بتسافرين برمضان زي ماقلتلك اول ماهي مصدقة تحسبني باخذها من المطبخ على المطار مهبولة عجزت معها حتى قامت تتاكد من عيالي متى بروح متى طيارة وبس وش اسوي معها انا مدرسه وابي ارتاح بهالعطله نكدت علي حسبي الله عليها قلت لزوجي فكني منها دبلت كبدي قال خليها تقرقر لين الصبح والله صرت اكره ادخل المطبخ بسبتها وش اسوي نوروني الله ينوركن:rgewrg::eh_s(22)::yaaaaaarb:
