شعر بنتي وايد خفيف ...

[د.شريفة]

شنو اسوي طايحتلها بالكريمات والزيوت
خفيف خفيف خفيف تقولين ريش من كثر ماهو خفيف عمرها 3 سنوات كلش مو حلو
ابي الحل ؟؟؟؟؟؟؟؟؟؟؟؟؟؟ظ

 

[همس الجــليــد]

رد : شعر بنتي وايد خفيف ...

بصراحه نفس معاناتي ياريت اللي تعرف الحل لكثافه الشعر تفيدنا
بشــــــــــــــــــــــرط يكون من مواد طبيعيه

 

[د.شريفة]

رد : شعر بنتي وايد خفيف ...

اي والله مواد طبيعيه 100% حرام يهال
وابي بعد اقصه بس وين الصالون الزين حق هالعمر
انصحوني

 

[د.شريفة]

رد : شعر بنتي وايد خفيف ...

صباح الخير

 

[شوشو العنزي]

عليج بالحنه والزيوت
وترا القص يجيب الشعر

 

[شذر وألماس]

والله ما خليت شي لشغر بنتي بس من صار عمرها سنتين ونص جان اللطخ عليها خلطت امي وهذا الحجي شهر 4 و الحين اسم الله عليه شعرها احسن واحسن واحسن

 

[coralia]

رد : شعر بنتي وايد خفيف ...

حبيبتى عرضيها على طبيب اوطبيبة جلدية ترى وااايد شطار بهالسوالف

 

[معلمة رياض اطفال]

رد : شعر بنتي وايد خفيف ...

السلام عليكم
عيدكم مبارك
لعيون اللى ارسلن لى حطيت الخطوات وكل التوضيحات اللى تبنها

طبعا للى ما قرت موضوعى القديم اقولها السالفه

الحمد لله انا من دخلت على حمولتى ناس طيبه وعلى الفطره وتحب النفع لغيرها وخالتى وحمواتى ما عندهم نحاسه الحريم
لحظت ان شعورهم صبه وحده اشعورهم كلهم خالتى معنها عجوز وبناتها كلهم وبنات بناتها
لون شعرهم بن غامج حيل وطويل حيل تحت الدبه وناعم وصبه وحده وخالتى لو يموتن ما تخليهن يقصن ولا يصبغن
وانا حسبالى هالشى وراثه عندهم ما عطيت الموضوع اهتمام بس كنت اشوفها كل جمعه يوم جمعت بناتها من الصبح تقعد وتعجن لهن الحناء وتنقعها واول ما يجن سيده بالدور وحده وحده حتى المتزوجات هى بنفسها تحط لهن وترب على شعورهن شيال خفيفه قطن وانا كنت داخل نفسي اقول شخباري صج مغبرات للحين يحنن الناس تطوروا وانبولات وخلطات
بس ماكنت ادري انى انا اللى مغبره انا وشعري الى كان متنتف كلش
المهم بعد ما جبت بناتى خالتى قامت تحط لهن مع بناتها وشفت بناتى صارت شعورهن مثل حمواتى ونفس اللون
المهم عاد عرفت ان السر بالحنه وخلطة خالتى اللى تسويها
وقعدت اخليها تحنينى معهم وسبحان الله تحسن شعري حيل ملمس ونعومه ولون وطول وكثافه ونبت

بعدين خالتى فديتها علمتنى لانى استحى لما تحط لنا وحمواتى واجد اسمله عليهن
قلت انا احط لعمري انا وبناتى


وهذا برنامجها اللى من يوم دشيت بيتهم وعرفته مستمره عليه وبستمر للابد
لانه شى طبيعى ويهبل وسنع شعورنا ليش نخليه وسهل جدا وبسيط ويا حلو القديم والفطره


طريقه خالتى بالحنه :

اول شى تطبخ شاى كشري ( الفله الورق ) لما يعقد ويصير اسود وتنطره يبرد
بعدين تجيب طاسه كبيره وتحط فيها
قفشتين عسل
فنجان الخلطة القصيميه ( وهى حنه من القصيم معها اعشاب )
شويه زيت جوز الهند
ملعقه حوس ملح
تعجنها بالجاى لين تصير اخف من الروب وتخليها تخمر ساعتين على طاولة المطبخ بعدين تحطها لشعورنا

وتتركها 6 ساعات ويصير اكثر ومرات الجهال ينامون فيها ما نغسلها الا اليوم الثانى
بس حنا لانا متزوجات نخليها بس 6 الى 7 ساعات

نغسلها بماء فقط لانه مو زين تحطين شامبوا عالحنه

ثانى يوم نحط خلطة الزيوت ( وهى دابر املا جولد + زيت برشوت ) اخلطيهم بغرشه قزاز وادهنى فيها شعرك


بعده اغسليها بالشامبو الاحمر القديم وعليج بالعافيه

واستمري لا تقولين شهر شهرين لا اقولج استمري على قولت البدو الى الميته اي الا الابد

لانا انا مستمره عليها من سنه 2005 بعد ما جبت بناتى


والحمد لله الشعر ياربي لك الحمد جنـــــــــــــــــــــــــــــــــان قليله عليه
وادعولنا الله يحفظنا من العين ويديم علينا الوناسه وسعه الصدر واللمه الحلوه



واهنيه يا بنات انا احط لكن برنامجى الخاص بالصور واغراضى لشعري وشنهى الاشياء اللى زدتها من عندى عن برنامج خالتى الى علمتنى


هذى اغراضى اللى استخدمها

1- هذا الرعاصي احط فيه الحنه وهو حق الكتشب تلقنه بترافيليو

2- هذى خلطة زيوتى ( برشوت + دابر )

3- شامبو العجايز الاحمر القديم تلقنه بالمحاميد والجمعيات وتري بو قزازه الاصلى ولا تاخذن البلاستيك تقليد

4-حمام زيت فاشكول من الحواج - حمام زيت فوتو ب 9 دك من صيدليه بوتس بالافنيوز

5 -كريم مرطب اسمه ماكسيمام اشريه لسافرت السعوديه بالكويت ما لقيت الاصلى احطه لشعري وشعر بناتى مسحه خفيفه لجيت امشطه حلو ويرطب الشعر



هذا جدولى

هذا طريقه الحنه اللى تحب تسيف الصوره اسهل وتحطها بتلفونها عشان ما تنسي الطريقه الصح

 

[عواشه بنت بو حسين]

رد : شعر بنتي وايد خفيف ...

السلام عليكم
عيدكم مبارك
لعيون اللى ارسلن لى حطيت الخطوات وكل التوضيحات اللى تبنها

طبعا للى ما قرت موضوعى القديم اقولها السالفه

الحمد لله انا من دخلت على حمولتى ناس طيبه وعلى الفطره وتحب النفع لغيرها وخالتى وحمواتى ما عندهم نحاسه الحريم
لحظت ان شعورهم صبه وحده اشعورهم كلهم خالتى معنها عجوز وبناتها كلهم وبنات بناتها
لون شعرهم بن غامج حيل وطويل حيل تحت الدبه وناعم وصبه وحده وخالتى لو يموتن ما تخليهن يقصن ولا يصبغن
وانا حسبالى هالشى وراثه عندهم ما عطيت الموضوع اهتمام بس كنت اشوفها كل جمعه يوم جمعت بناتها من الصبح تقعد وتعجن لهن الحناء وتنقعها واول ما يجن سيده بالدور وحده وحده حتى المتزوجات هى بنفسها تحط لهن وترب على شعورهن شيال خفيفه قطن وانا كنت داخل نفسي اقول شخباري صج مغبرات للحين يحنن الناس تطوروا وانبولات وخلطات
بس ماكنت ادري انى انا اللى مغبره انا وشعري الى كان متنتف كلش
المهم بعد ما جبت بناتى خالتى قامت تحط لهن مع بناتها وشفت بناتى صارت شعورهن مثل حمواتى ونفس اللون
المهم عاد عرفت ان السر بالحنه وخلطة خالتى اللى تسويها
وقعدت اخليها تحنينى معهم وسبحان الله تحسن شعري حيل ملمس ونعومه ولون وطول وكثافه ونبت

بعدين خالتى فديتها علمتنى لانى استحى لما تحط لنا وحمواتى واجد اسمله عليهن
قلت انا احط لعمري انا وبناتى


وهذا برنامجها اللى من يوم دشيت بيتهم وعرفته مستمره عليه وبستمر للابد
لانه شى طبيعى ويهبل وسنع شعورنا ليش نخليه وسهل جدا وبسيط ويا حلو القديم والفطره


طريقه خالتى بالحنه :

اول شى تطبخ شاى كشري ( الفله الورق ) لما يعقد ويصير اسود وتنطره يبرد
بعدين تجيب طاسه كبيره وتحط فيها
قفشتين عسل
فنجان الخلطة القصيميه ( وهى حنه من القصيم معها اعشاب )
شويه زيت جوز الهند
ملعقه حوس ملح
تعجنها بالجاى لين تصير اخف من الروب وتخليها تخمر ساعتين على طاولة المطبخ بعدين تحطها لشعورنا

وتتركها 6 ساعات ويصير اكثر ومرات الجهال ينامون فيها ما نغسلها الا اليوم الثانى
بس حنا لانا متزوجات نخليها بس 6 الى 7 ساعات

نغسلها بماء فقط لانه مو زين تحطين شامبوا عالحنه

ثانى يوم نحط خلطة الزيوت ( وهى دابر املا جولد + زيت برشوت ) اخلطيهم بغرشه قزاز وادهنى فيها شعرك


بعده اغسليها بالشامبو الاحمر القديم وعليج بالعافيه

واستمري لا تقولين شهر شهرين لا اقولج استمري على قولت البدو الى الميته اي الا الابد

لانا انا مستمره عليها من سنه 2005 بعد ما جبت بناتى


والحمد لله الشعر ياربي لك الحمد جنـــــــــــــــــــــــــــــــــان قليله عليه
وادعولنا الله يحفظنا من العين ويديم علينا الوناسه وسعه الصدر واللمه الحلوه



واهنيه يا بنات انا احط لكن برنامجى الخاص بالصور واغراضى لشعري وشنهى الاشياء اللى زدتها من عندى عن برنامج خالتى الى علمتنى


هذى اغراضى اللى استخدمها

1- هذا الرعاصي احط فيه الحنه وهو حق الكتشب تلقنه بترافيليو

2- هذى خلطة زيوتى ( برشوت + دابر )

3- شامبو العجايز الاحمر القديم تلقنه بالمحاميد والجمعيات وتري بو قزازه الاصلى ولا تاخذن البلاستيك تقليد

4-حمام زيت فاشكول من الحواج - حمام زيت فوتو ب 9 دك من صيدليه بوتس بالافنيوز

5 -كريم مرطب اسمه ماكسيمام اشريه لسافرت السعوديه بالكويت ما لقيت الاصلى احطه لشعري وشعر بناتى مسحه خفيفه لجيت امشطه حلو ويرطب الشعر



هذا جدولى

هذا طريقه الحنه اللى تحب تسيف الصوره اسهل وتحطها بتلفونها عشان ما تنسي الطريقه الصح

للجنة إنتي وخالتج إن شاء الله

 

[اوبراا]

رد : شعر بنتي وايد خفيف ...

بنتك كسرت خاطري مثلي انا شعري خفيف حيل ومن جدام مصلعه وانا بنيه

 

[om.googi]

روحي اخذي جلسات علاج تكثيف واعادة الحيوية للبصيلة نفسها عند صالون برونيل بحولي مجابل قاعة الشيخ صباح الأحمد يم معهد البنات التطبيقي .. قوليلهم ابي خلطة الفلفل لعلاج الشعر .. رخيص وحلو تعاملهم مع الناس ويومية الجلسة ابـ2د.ك يعني بالشهر 50د.ك
مديرة بنت خالتي كانت قرعة من جدام بمعنى الكلمة .. داومت عالخلطة ما يقارب 6 أشهر بس حق مقدمة راسها .. الحين أتحداج تشوفين الفرق من كثافته ماشاء الله انا انصدمت حتى شكلها تغير لأنها ماكانت تحط اكستنشن ولا تغطي المنطقة.. فا في فرق وموفق كل من يبي يعالج عند برونيل ..

 

[خذاني الشوق]

شنو الخلطة القصيميه

 

[الحلوه القمريه]

اخذي لها من الجمعيه زيت براشوت اللي مكتوب عليه صالح للاكل وزيت اللوز بعد مال الاكل تلقينه بالجمعيات صوب الزيوت ملوت الاكل وخلطيهم ببطل زجاج وحطي معاهم حلبه ومحلب من الحواي واستخدمي شامبو سيباميد او نونو او بيجون واستمري لج ولها بعد وحطي لها حنه كل اسبوع وانتي انصحج بسورسير يهبل ولاتقطعين خليها خلطتج الا الابد لان كل ما تغيرين الزيوت الشعر يتعب

 

[( مي )]

مشكلة بنتج مثل بنتي ،، وشكله يا الدور على اختها الصغيرة ،، جان زين بس خفيف ،، الا خفيف وما يطول
اللي سويته 3 :-
- وديتها دكتور اطفال وكلمته عن شعرها وقالي صح خفيف وايد ،، وسوالها تحاليل وطلع عندها فقر دم فعطاني شراب حديد وفاتح الشهية + الوراثة لها دور وترى اكثر من شغلة تخلي شعرها خفيف غير فقر الدم هم قلة فيتامين ( د )
- استعمل لها زيت املا دابر الذهبي
- على طول اقصه ما يمديه يطول شوي الا قصيته بطريقة تعطيه كثافة

وسلامتج

 

[د.شريفة]

رد : شعر بنتي وايد خفيف ...

مدرسه رياض اطفال
مشكوووووووووره مشكوره يالغاليه على الطريقه الحلوه

 

[حتاتي]

رد : شعر بنتي وايد خفيف ...

بصراحه ماعندي فكره حق اليهال بس عشان خاطرج
للرفـــــــــــــــــــــــــــــــــــــــــــــــــــــــــــع