شعري طويييييييييييييل وبقصه

[دهن عود مبخر]

سلام بنات....
شوفوا حبيباتي انا ولا مره قصيت شعري من الغزو ليما الحين ..اللهم بس تحديد وترتيب من تحت وصوب القذله... بس ماشالله طويل وايد الحين يعني فوق الركبه بشوي.. وبصراحه احب شعري حيل واتحسف اقصه او اصبغه ... لاني مميزه بالعايله بالنسبه لطول الشعر وبالعروس عجيب للتلوفح .. شغل عدل...
الزبده......... قررت اقصه مدرجات بس على طوله او يمكن اقصر بطول كف الايد ..يعني بخليه يغطي ال(..........) فهمتوا علي... اللي ابيه الحين وحده فنانه بالقص وما تخسرني شعر وايد ولا تخليني اتحسف عليه ... وبنفس الوقت بصبغه .. فشتنصحوني .. من اروحله وعلى هالطول شكثر بياخذون مني قص+صبغ؟؟

ياريت تردون علي وماتكسفونيشششششششششششششششييي......

 

[أسيرة موني]

مشاركة: شعري طويييييييييييييل وبقصه

لاتقصيييييييينه ولا تخربيييييين

الحمدلله والشكر الكوافيرات لم يقصون الشعر تنسى نفسها و تقص تقص تقص لين يخلص شعرج

وعليج بالعافيه فيه

 

[.]

مشاركة: شعري طويييييييييييييل وبقصه

ما شالله....

انا جربت قص جاك حلووووو....

 

[* مـذهـلـه *]

مشاركة: شعري طويييييييييييييل وبقصه



نصييييييييييييييييييييييييييييحة اخت لج لا تصبغينه نصيحه اولا الصبغ يخرب الشعر ثانيا الشعر لطويل اللي طول شعرج ما شالله حلاته اسود سواد الليل و لا تقصينه مدرجات حرام حلو طويل خليه يميزج و الله راح تتحسفين قصي ليما الشسمه على قولتج بس لا تلعبين فيه حرام و الله راح تتحسفين مثلي

انا شعري كان طويل و ماكنت اقصه و كان ميزني هالشي و حيل حلووووو بس لعبت فيه و صبغته احمر و حست فيه و اخترب و تقصف من الصبغ و ما تعدل الا ليما حشيته ليما تحت جتوفي ..

 

[HoNeY_GirL]

مشاركة: شعري طويييييييييييييل وبقصه

نصيحه مني لاتلعبين بشعرج واتخربينه إذا حلو انا كنت مثلج والله مميزه بشعري بين الاهل بس كنت اقص

اطرافه واعدله من قصيته مدرج جم مره ماقام يطول مثل قبل اللحين حده نص ظهري والله حدي متحسفه عليه : (

قبل ماشاءالله كان لتحت الشسمونه وناعم وكثيف بس اللحين لا : (

كله من الصالونات اقولهم اشوي بس قصوه يحشونه لي واعصب بس شالفايده : (

روحي حق وحده ثقه وإيدها فيها بركه وماتحشه لج وخلي وحده من خواتج توقف يمها واتشوف اشكثر اتقص

 

[دهن عود مبخر]

مشاركة: شعري طويييييييييييييل وبقصه

بس شكلي اهو اهو بكل المناسبات ماحس باي تغيير فيه.. لان الشعر الطويل مواي تسريحه حلوه عليه ...
وانا اصلا ماحب التسريحات ............

 

[أسيرة موني]

مشاركة: شعري طويييييييييييييل وبقصه

غيريه مرة ييبيه يميني ومرة يسار

مرة رفعي الجزء اليمين ومرة اليسار لووول
اتغشمر وياج

اذا الاطراف انا اقصها حق نفسي بالبيت احسن وارتب من الكوافيرات الحمدلله والشكر بس

ولا تعصب عليج اذا تكلمتي مال طراقات الحين

لا تقصينه خليه ,, و حاولي تسويلج تسريحه ولا ثنتين غيري من شكلج ,, عادي تتعودين

خو كلها على قولتج بس بالمناسبات يعني جم ساعه ومع السلامه <-ماعندها مشاكل بالحياة

 

[حبنا الله عليه]

مشاركة: شعري طويييييييييييييل وبقصه

عود مبخر ان قصيتيه قصيت رقبتج <<<< شكوووو

لاتغلطين غلطتي والله للحين ميته قهر وياليت الله فكني من هالنيولوك حظي يعني طالعه فيها قصيت مدرج وعند مريم اشكناني وماشاء الله اللي قصت لي ايدينها حلوه لبنانية وشعرها حلووو ماتفقرج المهم قصيت وصبغت عندها وكان اختياري مثلج على طوله .. يعني مغيره وراي عرس اخوي واختي ومابينهم الا اقل من اسبوع فرصه هالتغيير

وماذا بعد ذلك !!!!!!!

الشعر بس طال صار لوووعه منتف وقصيت بمس ون زادوا الطين بله الله يقطعهم اللي قصت لي شعرها كنافه موشعر اللي عقبه شعري ولى وهم كان مدرج ... حرمت عقبها وقصته امي بالبيت وخليته على طوله الحين تقريبا صار على الشسمونه ولو ان قبل يوصل على الفخذ وكثيييييييف يعني قصه حرام .

الحين حاكره اختي ما اخليها وان شاء الله مايحوشها هالفايرس النيولوك ولا يحوشج ولاتقصينه اسمعي مني عشان القرقه اللي قرقتها ... انا اقترح عليج حددي بالبيت وخري عن وجيه الفقر اللي بالصوالين واذا ودج بالصبغ جربي ماركة كادوس حيل حلوه وماتعب الشعر والدارج الحين الغوامج ودرجاته ولون واحد موتخصل .

عطيني ماي مت قرقه وهم تعبانه

 

[دهن عود مبخر]

مشاركة: شعري طويييييييييييييل وبقصه

هاتوا الماااي .. مااااي.. ماااااااااااااااااااااااي لحبناالله عليه ... وبالعافيه

مشكورين حبايبي على ردودكم.. بس جني قلبت عليكم المواجع ...

يعني ولا وحده انصحتني اقصه .. امبيه كنت بتهور واضيع شقا عمريييييييييييييييييي
بسسسسسسسسسسس............ بخاطري ؟!؟!؟! .....شسوي

 

[**سما**]

مشاركة: شعري طويييييييييييييل وبقصه

شوفي حبيبتي عود
انا اول شعري طويل تحت ال.... على قولتج وقطعه وحدة لاسشوار ولا غيره
بس عقب قصيته ولعبت في لين قلت بس وصبغت لين شبعت ( طبعا هذا الشي خلال 14 سنه)
اقصه ويطول شوي وأغير وجذيه وصبغات وبلاوي بس تحسفت اني ما تهنيت بطوله عشان جذيه بقولج عن قناعه وهالنصيحه الحين اقولها حق اختي وبنتي
الشعر الطويل حيييل مافيه حلا يعني كافي عليه لآخر الظهر
بعدين القصه على حسب العمر

يعني من 15 سنه ال آخر العشرين خليه على طوله درجيه وسوي كل تسريحات الطويل من ستريت لكيرلي ....الخ وبالنسبه للصبغ لا تصبغين شعرج الا لطلعلج الشيب لاحقه على حراق الشعر واذا كلش ملزمة ومشتهية سوي خصل أو صبغي بمكان زين ولا تكررينها وايد يعني على مناسبه مهمة واهتمي فيه عدل عقبها

ومن آخر العشرين الى آخر الثلاثين قصي القصات القصيرة والطويله واللي تشتهينه منها على كيف كيفج وسوي كل ماتميتي صبغه ونيو لوك يعني طلعي كل اللي بخاطرج بس لا تنسين تعتنين بشعرج عدل عشان ما يحترق

ومن بداية 40 الى...... الكاريهات والمدرج القصير الناعم وقصات البوي الذربه على حسب ويهج اما الصبغه فأكثر شي الحنه لأن الشعر يكون ضعيف أو بدا يضعف وما يتحمل الصبغات

هذا رايي وقناعتي واي احد يسأل انصحه فيها

هذا موضوع كنت ناويه اطرحه في المنتدي بس سؤالج سبق

ارجو اني اكون افدتج​

 

[حبنا الله عليه]

مشاركة: شعري طويييييييييييييل وبقصه

قيقيقيق <<<< تشرب الماي

عود مبخر مليتي شنو قصدج على الحفلات تبين شغل حلو ترى على المصففه نفسها اختي شعرهــا طويل حيل كل عرس شكل موكله فالته عاد والتغيير اللي يغيرج ترى من جدام يعني القذل حركات الشعر من جدام مره بف مره قذيله مره لميه ... الخ والله يبدعون لج فيه لو طحتي بايد وحده شاطره .

اعرف وحده مصففه شعر غرامها الشعر الطويل تقول لي مجال ابدع فيه واتفنن .

 

[نفيشه]

مشاركة: شعري طويييييييييييييل وبقصه

ما انصحج بالصبغ كلش راح تخربين شعرج ويتقصف ومن يطول نتفة بتملين منه ويا اما تضطرين تصبغينه مرة ثانية او انج بتقصينه حراااااااااااااام

والقص شوي ضبطيه من تحت يترتب ولا تدرجينه

بالنسبة للمناسبات مرة سويه ويفي ومرة رفعيه ومرة سشوار ومرة بف خفيف وفي شغلات وايد للشعور الطويلة

 

[وين^العهود]

مشاركة: شعري طويييييييييييييل وبقصه

نصيحة لا تقصينة حرام بس اذا بتصبغينة صبغية بس لون واحد ويكون من الوان البني او الكاكاو بعد انتي تدرين شكثر عانيت وتحسفت لم قصيت شعري ولكان مثل العباية من حلاتة ومن كثافتة ولونة الاسود , اه واللة قلبي قام يعورني لين حشيتة وقصيتة ومافي صبغة ماصبغتة واخر شي ندمت وانشاءاللة ماتندميت بس سمعي نصيحتي ونصيحة البنات واذا قصيتة واللة اعلم امي وتدرين امي شتسوي ؟؟

 

[دهن عود مبخر]

مشاركة: شعري طويييييييييييييل وبقصه

انتي حق التخرع ... موقلنا بنسويه مدرج ماراح يبن الا شوي منه مقصوص .. يعني الحجيه الله يطول بعمرها ماراح تلاحظ ....

الا عاد من الفتنه ... وانتي تدرين من اقصد... يأم كتمته

 

[عنايد]

مشاركة: شعري طويييييييييييييل وبقصه

حبيبتي اسمعي كلام البنات لان هذا اللي كنت بقوله كلنا لعبنا بشعورنا وتندمنا دام انه زين خليه باجر لي تزوجتي اهو بيخف من كيفه من غير شر عليج يعني غصب تقصين وتصبغين

 

[خبيرة اعشاب]

مشاركة: شعري طويييييييييييييل وبقصه

كان يا ماكان في قديم الزمان



ايام كان عمري 16 ..كان شعري طويل و كثيييييييييييف بس مجعد شويه ...بس لا تسشورت يصير خيوووط ..و كنت ما ادري عن الصبغ و القص و السوالف هاذي ....

لا رحنا عرررس سوينا استشوار و فير فقط ...

بعدين طلع في راسي اني اغير و اسوي نيو لوك حق عرس اختي ..و رحت قصيت كاريه في صالون الجمعيه ...اذكر يومها امي طقتني طققققققققققق و دعت على ان شعري عمره ما يطول ..

و فعلا من يومها نزلت علي اللعنه على قولتهم في الافلام ...مهما حطيت زيوت و شغلات ابدا شعري هوا ما هوا ..ما يتغير ...
اخرتها رحت قصيته بوي مره وحده ...و منها بعد خذيت اكثر من 3 سنين يا ما طال شوي ...

و الحين توه واصل لنص ظهري بس شنو مقصصف و تعبان من الصبغ و القص ...

صراحه لا شفت بنات شعرهم طويل اتحسف على شعري ....نصيحه لا تقصينه و اللي تقول لج غيري اللوك ترى غيرانه منج ...

 

[دهن عود مبخر]

مشاركة: شعري طويييييييييييييل وبقصه

مشكوره seule12..

وهذي انا ماقصيته ولا صبغته ..صامده

بس وديييييييييييييييييي اغير فيه شوي

وارد على روحي واقول ..(( اايييييييييييهه خلك على مينونك .....................))

 

[ام مارية]

مشاركة: شعري طويييييييييييييل وبقصه

نصيحه من اخت لاختها لا تقصينه انا كان شعري طويل ولعبت فيه لعب بالصبغات والقصات شكثر قصيته والحين كل ما طال وصار زين لازم يصير فيه شي واقصه والله ودي اعرف السبب والصالونات اذا قلتي حقها قصي علي طوله تشيل وتجز الشعر كلها جنهم ينقهرون من الشعر الطويل.

لا تفكرين واذا كنت متردده استخيري احسن لا تقولين استخير عشان شعر عادي مافيها شي

 

[حنونة]

السلام عليكم
اول شيء ماشاء الله والله يهنيج بشعرج حبيبتي انا انصحج بصالون دونا كارينا عندهم وحده ايرانيه اسمها شهيناز ( يقولون عنها ايدها خضرا يعني من تقص شعرج بسرعه يطول :eh_s(6): ) قصها رووووعه وصبغاتها عجيبه
وبالنسبه للاسعار وايد مناسبه وتقدرين تقولين رخيصه
عنوانه:
الشعب البحري - قطعه 8 - شارع نافع ابن الازرق - بنابة لؤلؤة الرفاعي - الدور الاول - شقة رقم 2
تلفون:
2655245 :eh_s(17):

 

[حبيبته آنا]

حرااااااااااام لاتقصينه
ولا اتدرجينه لانج لو قصيتيه مدرج وتبين تواسينه راح يروح شعرج كله