شعري طااااح والسبب..؟!

[انثى الغموض]

شدعوه تشترون الزيوت من التاجرات ماتدرين شنو يحطون فيها
حبيبتي يبيلج حلبه واحمسيها على النار لما لونه يتشقر وبعدين اطحنيها واخذي ملعقتين منها وحطيهم بعلبة زيت دابر وحطي مرتين بالاسبوع او اكثر انتي فضاوتج
ولاتستغنين عن حمام زيت دابر فاتيكا رووووووعه والحنه حلووه بعد
وربي يعوضج ولاتقطعين العنايه بشعرج بثلاث الشهور اللي باجيتلج *

 

[kAmMoOnH]

ياقلبي

لازم توقفين تساقط الشعر بعدين تبدين تكثفينه ,,

وعشان توقفينه استخدمي موية البصل مع الحنا واذا ماتبين صبغة الحنا اللي هي تجيك حمرا استخدمي معها زيت جوز الهند

وانتظمي عليها كل اسبوع والله وعن تحربه مني وقف التساقط واحس نبت عندي شعر

واذا ماتبين ريحة البصر __________) ملي يبيها ___________) برا

بعدما تغسلين شعرك اغسليه مغلي البقدونس عشان يروح
واكتبي بقوقل خلطات مجربه لنوع شعرك وصدقيني مع الأستمرار شعرك بيكثر ويزين

بالتوفيق

 

[نفسي بيبي]

الله يصبرك ياقلبي

 

[غـلآوي ّ ~]

بـعد 3 شهور العرس < هـآلمـده مرآح تـكفي لـعلآج شعرج لأنه يطول علاج الشعر

نـصيحتي لـج روحي صـآلون لـوزان بـسلوى يمدحـون جلسات علاج الشعر عندهم وِخـلطات طـبيعيه عندهم
ششثكر يمدحوونه وأخـت رفيجتي مسويه عندهم
هذآ رقمهم
25652776
25654595

وعندج السدر يهبببل للشعر والحنا والرشـوش < وحـطي معاهـم ملح خشـن شويه والماي سوي هالطريقه تهببببل

إخذي بصله وسط < قطعيها 4 قطع
فص ثوم 3 < قـطعيهم بالنص
وحطيهم بجدر وصبي عليه ماي وخليه يـطبخ لين يصير لون المآي أصفر
يعني 10 دقآيق واكثر
وحطيه عالحنا او السدر او غيره ...

وعندج ام محمد اللي تبيع الحنا والرشوش والسدر والريحان ام دايم تشتري منها نظيييـف ويهببل ومعروفه ماشاء الله
وكل شغلها من السعوديـه انصحج فيها

وبآلتوفيق

 

[عويتقة]

خدي ثوم مبخر واهرسيه في شوي زعفران عربي واعمليه على جلدة الراس مرة في 3 ايام وبتشوفين الفرق ان شاء الله

 

[سويت فانيلا]

والله اختي الواحد قام يخاف من الخلطات اللي تنباع ويارب يرجع شعرك مثل اول

 

[كيكه حنونه]

بغيت أنصحك رفيجتي الخاصة تروح لصالون رنيم الجديد بخيطان وتسوي جلسات شعر حيييييييييييل ممتاز وبين عليها تبارك الرحمن

 

[شـمـوخ آنـثـى]

حبيبتي عليج بالخلطه جارتنا الله يطول بعمرهااا قالتلي عنها واهي::

فصة ثوم وزيت الخروع وزيت اللوز وزيت جوز الهند وزيت الجرجير وزيت الزيتون..

والله والله والله انه نبتت شعري وللعلم انا قاصته لي جتفي طولته بشهرين تقريبااا

وياقلبي اذا نفعتج لا تنسينا بالدعااااااء...

 

[الـــغـــلآ]

حنه و سدر و زيت برآشوت زييينين حيل

الله يهون عليج يَ قلبي وربي حآسه فيج

مووفقه والله يعوضج

 

[Q 8 Y A t]

روحي لدكتور شعر سنع وافتكي من الخلطات اللي ماندري من وين جايبينها

 

[عسل نحل صافي]

الله يعينج

 

[خلود الزمان]

الحنا احسن حل
وهمن عندج الصبار الطبيعي تقصين لج منه قشريه واخذي اللي داخله مادري شسمه لونه ابيض
مع زيت الزيتون ترى حلوو
اي صح انتبهي ان هذا اهو نوع الصبار الزين للشعر

 

[عآشقة زوجهآ]

مشكورات يالغوالي والله ماقصرتوا
عسى ربي يوفقكم دنيا وآخره

 

[اوبراا]

عاشقة زوجها موضوعج مهتمه فيه يارب تنحل مشكلة شعرج
هم انا مثلج لكن انا بدون سبب شعري اخترب

 

[عآشقة زوجهآ]

اوبرا مشكوره ياقلبي

انا لما شفته طاح مالقيت فرصه افكر بحل
وعلى طول كلمت ام يعقوب لاني اثق فيها ولان ماكو مجال افكر واسوي زيوت
واخذت منها زيت شعر وقالت لا تستخدمينه الا مرتين بالاسبوع وقالت لا تدلكين الفروه والزيت فيه لانه يضعف البصيله وقالت مع الزيت اشتري <حبوب هيرفت> وهم زينات للشعر وآخذ وحده باليوم مدة 3 شهور
وقمت احط حنه واحط داخله ملح عشان ما يطيح
والحمدلله خف التساقط
يارب اكون افدتج ياقلبي واشكر كل من تفاعل معاي

 

[اوبراا]

عاشقة زوجها الملح يضر الشعر غريبه مع الحنا !

 

[عآشقة زوجهآ]

اذا كان شعرج يطيح حطيه مع الحنا يثبت البصيلات مايضر

 

[موناليزا مطير]

حسبي الله عليهم
انا قاعده استخدم زيت الجدايل وللحين زين بس مو مثل مدح البنات له

 

[مٍلإيٍـٍـٍنّ<~]

الله يعينج عليج بالحنا وزيت دابر املا الى فيه زيت الوز

 

[dalaly-angel]

الله يعوضج يارب , ان شاء الله شعرج يكثررررررررر ويطووووووول يارب ياااارب
اللهم آمين