شعري طااااح والسبب..؟!

[عآشقة زوجهآ]

مرحبا بنات شلونكم؟

انا باقي على عرسي يمكن 3 شهور
وقلت بعتني بشعري مع انه ما يطيح لكن خفيف
فشفت تاجره تبيع زيت ب20 دينار وقطعووه البنات بالمدح وشريته قسم بالله العظيم يابنات من 4 استخدام شعري يطيح بشكل مو طبيعي قلت حرام يمكن مو منها
واستخدمته ل7 مرات وشعري راااح انجنيت مابقى شي على عرسي وشعري صار خفيف بشكل واضح وفوق كل هذا يطيح حيل صرت اتضايق لا مشطته وكلمتهآ واخر شي رجعت لي اقل من نص المبلغ حسبي الله و نعم الوكيل

حبيت احذر البنات وماراح اذكر اسماء
لكن بقول الله يسامحها دهورتني قبل عرسي.

 

[فـديـت ^-^ روحـي]

حسبي الله ونعم الوكيل فيها

عليج بالحنا

وزيت الجدايل من القرشي يمدحونه حيل سوي سيرج بقوقل وشوفي

 

[مجنونة ضحكاته]

الله يعينج
حبيبتي حيلك بالصبار الطبيعي والثوم والله رووعه وانا شخصيا جربتهم ونبت شعري الي طاح من جديد

 

[ابـيـض واسـود]

زيـت الـخـرووع داايمـاً اسـمـع ان يـكـثـف الـشـعـرر​

انـاا جـربـتـه عـلى الـحـوااجـب وبـسـرعه طـلـعوو بـس على الـرااس مـاادري

والـثـووم يـطلـع الـشـعـر​

عـلـميننـاا شـسـم الـزييت عـشـاان مـاانـستـخـدمـه ​

والله يسـااعـدج​

 

[عآشقة زوجهآ]

مشكورات يابعد حيي
ماله اسم شريته من تاجره اهني تقول بأعشاب يمنيه ولعب بشعري لعب

 

[احبج q8]

روحي الجوثن وعن تجربه واخذي من عندهم امبولات هم اشوي غاليين بس بالنسبة لمفعولهم والله يستاهلون
انا عقب نفاسي شعري كله طاح ومن حطيت هالامبولات والله اشوف شعر صغير قاعد ينبت وايد وايد زينين

 

[عآشقة زوجهآ]

أحبج "
مشكوره ياقلبي ع النصيحه

انا داومت ع الحنه وزيت ام يعقوب والحمدلله خف التساقط
يااارب شعري يكثف

 

[اوبراا]

اب لعيونج

 

[زمرد Q8]

واااااااااااااااي اخترعت
حسبي الله على اللي مايخاف الله
مادري بس الحنه وايد زينه
سوي حناج بالبيت وروحي اي صالون يحطه لج مع بخار
وايد وايد وايد زين بالاسبوع مره وحده والله يوفقج ويعوضج يارب

 

[(همس المشاعر)]

الله يعوض عليج ياقلبي ويرد شعرج احسن من اول

اختي عليج بالسدر والحنة ولأ تستخدمين زيوت ماتعرفينها

والله يوفقج

 

[هنووووو]

يالله ما نقول الا حسبي الله ونعم الوكيل ...

شوفي اختي مثل ما قالوا الاخوات عليك بالحنا والسدر وان شاء الله شعرك يطول ويكثر احسن من اول ..

ونصيحة مني استخدمي الاشياء الطبيعة وقبل استخدامها اقري عنها وبرضوة انتي سويها وريحي راسك ...

تحياتي ,,,

 

[عآشقة زوجهآ]

مشكورات يابعد قلبي اسعدني مروركم

انا قعد اعالجه بالحنه واحط داخلها ملح عشان ما يتساقط

 

[اوبراا]

انا شعري حت من دون سبب يمكن لاني متوتره ووايد واحاتي شغلات وايد على فكره انا هم بنيه مثلج والمشكله منو راح يخطبني وحالي جذي لولقيتي حل عفيه طرشي لي عخاص

 

[عآشقة زوجهآ]

ان شاء الله ياقلبي

 

[الغنج والدلع]

حسبي الله ونعم الوكيل الخلطات معروف موزينه استخدمي الخروع ترا وايد زين للتكثيف ودابر املا يطول ويعطي لمعه

 

[عآشقة زوجهآ]

مشكوره ياقلبي عسى ربي يسخر لج زوجج وبنات المسلمين

 

[نورعيونك]

حسبي الله ونعم الوكيل ترا اغلب التاجرات خرابيط ويحطون تجارب ناس جذب لان اغلب الى يكتبون تجربتهم مومعروفين بلمنتدى الوحده عندها 40 مشاركه عليج بدابراملا وزيت الحبه السوده وروحي صالون رنيم بخيطان يسويلج جلسات تنبت الشعر جلسات بلفلفل اهما يعرفون علي حسب شعرج 5 جلسات كل اسبوع جلسه ب25 حييييييييييل يمدحونها
بنات لاتجربون اى شي وربي جربت خلطه تبييض من وحده بلمنتدى وجهى كله قب حبوب وانا من عمرى بشرتى صااافيه من يومها قب حبوب وخلطه تمتن تجذب طاحنه حلبه وتبيعها ب15 حلبه مطحونه بس حسبي الله ونعم الوكيل فيهم

 

[عآشقة زوجهآ]

مشكوره ياقلبي
والله يمكن التجارب من اهلها وجماعتها حسبي الله و نعم الوكيل

 

[وش الدنيا بدونك]

لا حووول ولا قوة الا بالله


ماعاد فيه لا ذمه ولا ضمير عندها الي دهورت شعرش


وماعليه فديتش فيه وقت انشالله ويمديه شعرش يتسنع


والله يرده مثل اول واحسن

 

[عآشقة زوجهآ]

وش الدنيا بدونك
فديت مرورج يالغلا و يارب يرد احسن من أول