شعري رااااااااح ياناس بعد معناة 10 سنوات ببكي وربي ابي حل ؟؟ ولله لادعيلكم اهئ

[آعشق الكويت ~]

مشكلتي يابنات شعري كان تمام وكثيف شوي والحين
يتساااااااااااقط بشكل مو طبيعي لدرجه احس بدء من الخلف يصلع
وقسم بالله تعبت انا عانيت من الصلع 10 سنوات ومايمديني افرح
الارجع
تكفون الحين ابي زيت مضمون خلطه اي شئ يكثف ويمنع التساقط
وسالتكم بالله ابي شئ مجرب انا عروس وشعري رايح فيها
ومعقول تكون عين ؟؟ اه ياربي اكره الشعر الخفيف :eh_s(16):
والله لادعي كل وحده ردت وساعدتني ولو بدعوه

تككفووووووووووووووون انتظركم وقسم بالله تعباااااااانه نفسيا من شعري :eh_s(2)::eh_s(2): وع فكره انا من السعوديه :eh_s(16):

 

[pink velvet]

حطي زيت زيتون
نقعي في كم فص ثوم مده اسبوع

ويوم وترك اسبوع
بعدها كل اسبوع مره

والسدر فعال بالتساقط سويه مره بالاسبوع او مرتين اذا برنامجك مكثف

 

[آمول~]

خلاص مآرآح تبجين آدخلي الرآبط وشوفي التجآرب وبتفرحين

وفيه لصلع بعد .~


http://www.q8yat.com/t827258.html

 

[aحلم عمريa]

هلا والله ببنت ديرتي
اختي الثوم هو احلى شي لتكثيف الشعر
وهاااذي دعوه
يارب يا كريم ان شعرك يكثف ويطول ويوصل للركب انا وياااك >نصااابه​

لك ودي​

 

[aحلم عمريa]

اب اب اب
اب اب
اب​

 

[• JoJo •]

حبيبتي رحتي لمستشفى ؟

حللتي دم ؟

عرفتي سبب مشكلتك عند دكتورة ؟

مافي علاج يجي من الباب للطاقه لازم تروحين تفحصين وتحللين وتعرفين المشكله وتحلينها ,,

الله يكتب لك الصحه والعافيه ,,

 

[آعشق الكويت ~]

مشكورات ماتوقعت باللقى ردود
من جد فرحتوني
اما عن الدكتور حاليا ماقدر
والله يسعدكم يارب ويحقق امانيكم

 

[غلا التركي]

يمدحون الثوم مع زيت الزيتون
الله يحفظج يارب ويشفيج

 

[آعشق الكويت ~]

غلا تركي
مشكوره
والله يحفظك يارب

 

[G!RLooNa]

انزين انتي تقولين كنتي تعانين من الصلع و تعالجتي شلون تعالجتي

لان عندي نفس المشكله

 

[آعشق الكويت ~]

انزين انتي تقولين كنتي تعانين من الصلع و تعالجتي شلون تعالجتي

لان عندي نفس المشكله

بالثوم وغطى الفراغات الحمدالله :eh_s(16):
بس رجع زي ماكان وزياده عليه التساقط مو طبيعي :eh_s(16):

 

[ريح الزهور]

يمكن فيج صلع وراثي هذا ماله علاج لازم دكتور الله يطول شعورنا اللي رايحه فيها عذاب والله شعر بالحمام علي السرير بالصاله بكل مكان استغفرالله

 

[مهههها]

في ززيوت بس يبيلها وقت شهرين الى ثلاثة
____________

((في زيت براشوت ثيرابي هو يعتبر معالج لتساقط)) وتلقين بالسعودية ببندة

وفي زيوت ثلاثة مع بعض تخلط
زيت سدر زيت خروع زيت سمسم بكميات متساوية
ثلاث مرات بالاسبوع واذا كمل سوي الخلطة مرة ثانية


للامانة ماجربتهم بس عندي ناس استخدموها


وفي زيوت ثلاثة للصلع الشعر وفراغات
زيت مرامية زيت رشاد زيت خروع بكميات متساوية تخلط
____


وحلو ناسبج الثوم لان في ناس مايناسبهم
ومش تستخدمين هذولا الاشياء كلهم مع بعض اختاري منهم
واالله يتمم زواجم على خير

 

[منار البربرية]

ممم يمكن عندج عارض جسماني نقص فيتامين ما او ما تهوين شعرج كله رابطته مثلا في شي غلط انتبيهي له
وقبل النوم دلكي فروة راسج تنشط الدوره الدموية وفتره الدوره سبحان الله الشعر اللي بالجسم كله يطول انا ملاحظه هالشي بنفسي
وبين فتره وفتره قصي أطرافه بس ساويهم حتى لو نتفه

نفس معاناتي يوم حرقوه بالاستشوار الفلبن
قام يطيح مع ان كان شكثفه

صرت احط الثوم اللي مع الوجبات هههه يكون زاهب
وجربت السدر
وشريت زيت الحيه لوول وقطيته ما اساتخدمته
والكثيرة شريتها اهم شي اللي كنت ماخذتها معفنه هههه فرميتها
عقبها عرفت من عطار ثاني تكثف الشعر بس اذا هديتيها تطيحه
و الحين صرت اركز على شامبو نظيف
وجربت طبيب الشعر حلوو وما ضرني ولا فادني واايد عادي يعني
بس نعم شعري نوعا ما
ماكو شي ماجربت لووول

حتى فلفل اسود حطيت يقولون ينبت الشعر ههه قريت بكتاب عن الجمال خخ
امي تضحك علي بس ماضرني عادي نتفه حطيت

وبعد شنو شنو واايد...

بس بسألج انتي فيج قشرة بالشعر ؟؟ لان القشره اذا ما اهتميتي تعالجينها مبجر تسقط الشعر والله اعلم

المهم اذا بتروحين عند احد مادري بس يمدحون هذي
منى الجميع
والله اعلم ماجربتها بس تسوي علاجات للشعر


موفقه ثرثرت عليج واايد​

 

[رنة خلاخل]

اب اب

 

[كيم كارداشيان]

نصيحتي ولا تفكرين بأي خلطة

روحي الصيدلية .. خذي الاشياء التالية

حبوب مناسبة لتساقط الشعر ( لو جسمج ومعدتج قوية أنصحج بحبوب برفكتيل ) كليهم وسط الغدا .. وشوفي نتيجتهم بعد اسبوعين بتبدا ..

بخاخ ( ري ايجن ) رشيه على الفروة الصبح والمسا وادلكي شعرج

شامبو دوكاري للتساقط (ابيض وفيه خط برتقالي ) استعماليه حسب التعليمات ,,


وإن شاء الله بتلاحظين توقف في التساقط خلال عشر أيام .. وخلال شهر بتلاحظين بيبي هير .. وخلال ثلاث شهور بيكون نمى شعرج وصار أحسن ,,


ادعي لي ربي يفرج همي ويرزقني الخير ويحقق لي مرادي ..

 

[sheraZia_Q8]

شوفي حبيبتي واقري كلامي كله عددددل

1. طريقتج للثوم حلوة .. بس معروف الثوم ما تهدينه + لو بتفكرين تهدينه بالتدريييييج مو فجاه

2. النفسيييييييييه تلعب دوور .. لاتفكرين بشعرج وايد وعليج بقراءة سورة البقرة على كل شي بتحطينه بشعرج وتنفخين عليه

3. اشتري لج فيتامينات الشعر ما يطيح الا من نقص محدد .. انتي تقولين ما تقدرين تروحين طبيب .. عيل روحي الصيدليه اشتري حبوب (( فيتامين للشعر عندج هيرفت ب5 دنانير + حبوب زنك للشعر ب5+ حبوب حديد ب5)) واستعمليهم لمده 3 شهور متواصله .. ماعدا الحديد 6 شهوووووووور

4. كثري ماي

.5 قصي شعرج قصييييير يا بوي او كاريه :eh_s(2): كلنا نحب الطويل بس شنسوي مجبورين

6. بلشي كورس عنايه وانسي انج تصبغينه بيوم خلاص بيبااااااااااي :eh_s(11): كورس العنايه عباره عن الثوم اذا انتي مرتاحه له وكنتي تستعملينه من قبل .. او اي خلطه او دهن .. انا عن نفسي بعد ما عالجت شعري بالحبوب وحليت مشكلتي تقريبا 30 بالميه .. ببلش احط سدر

7. اشتري لج مشط يديد واسنانه تكون خشب وكباااااااار عشان لا تقطع الشعر

8 . لا تغسلين شعرج كل يوم وتهلكينه بالخلطات .. مرة بالاسبوع خلطه .. وكل يومين غسلي شعرج .. لان فروة الراس تفرز دهون يحتاجها الشعر

9 . كل يوووم سوي مساج لراسج في باليوتيوب اشكال والوان مساجات انتي تسوينها لشعرج عشان تنشطين الدورة الدمويه

10 . اشتري لج شامبو نفس طبيعه شعرج .. اذا فيج قشرة شامبو للقشره .. اذا دهني شامبو دهني .. اذا جاف شامبو جاف .. ولا تبدلينه لان الشامبو مهم


جربي هالنصايح وانشالله ربي يرد شعرج مثل قبل واحسن
انا قبل شعري كان لي مقعدتي وناااااااااااااااااااااااااااعم واحمر يهبل
كله راح بغمضه عين وربي صلعت ماقام يبين ولااااااااااااااااا شي !!!! عين ما صلت على النبي لا حول ولا قوة الا بالله
عليج بهالنصايح وانشالله ربي يعوضنا خير بشعورنا .. هالله هالله بالنصايح
واكبر نصيحه مني لج

(( لا تتركين حبوب او خلطه او اي شي بتستعملينه فجاه !! .. لا بالتدرييييييييج ))

 

[ماآاريا]

اشربي فيتامينات للشعر تساعد على التساقط

وحطي حنه

 

[دلوعة المنتدى]

اب
اب
اب

 

[صدى الأم]

الله يشافينا واياج..بس ممكن اختي اعرف اشلون استخدمتي الثوم بالضبط..فرك ولا مع زيت وكم مرة بالاسبوع