شعرج منتف مالج الا ميك اوفر كويتيات..... مع شقرديه ومطيريه ماركه

[سما الكويت]

اليوم انا حاطه ماسك الجرجير وبغسله الساعه 12..

 

[الجووورى]

هلا حبيباتى شلونكم شخباركم منورين الكل
انا حاطه الخلطه العجيبه للصبح
عذرونى ما طولت بس راسى مصدع بس هم مقاومه ومستمره على البرنامج الى اخر نفس

 

[سما الكويت]

ماتشوفين شر يا قلبي..

 

[شهووده]

شهووده صالون فيزيك وين صاير وانتي اش بتسوين عنده

انا رحت وسويت لي اشتراك حنا بصالون بالمسيلة عندنا آخذ حنتي وهم يحطونها لي عشان لا يدشني برد



بنات احبكم واحس شعري صار حيوي وريحة الحنا مو صج تهببببببببل

هلا وغلا مط مط :*

سلمج الله صالون فيزيك بالسره عند مطعم ومعجنات قيصر ..

اذا تعرفين دوار الجمعيه اللي فيه مسيد .. اذا كنتي يايه حق السره من شارع طارق بن زياد من صووب قرطبه ..

تدخلين الشارع وتكملين سييييده بتشوفين الدوار بويهج .. قبل لاتوصلين الدوار بتشوفين مدرسة عبدالرحمن البحر ..

الدخله اللي قبل المدرسه .. تدخلين وتكملين سييده شوي بتشوفين على يمينج نفس فرع صغير فيه قيصر وبقاله .. هني

الصالوون ..


ان شالله عرفت أوصفلج وفهمتي علي



وزين تسوين اشتركتي بالصالون .. أنا أتعاااااااااايز من غسل الحنه ..

عشان جذيه بهالحمله ماحطيت ولا مره .. معوضتها بالسدر :/

ومشالله عليج بالعاافيه حبيبتي تتهنين بالنتاايج الحلووه :*

أنا بعد اللهم لك الحمد حسيت شعري صار فيه حيويه ولمعه والتساقط خف شووي عن قبل ..

 

[مطيريه ماركه]

وااي بنات تأزمت نفسيتي شنو هالاسلوب بعض البنات اسلوبهم راقي حيل ترا جيت اشتكي لكم انتم خواتي حبيباتي

 

[الجووورى]

شسالفه ياقلبى منو مزعلك مط مط ماعليك من احد واسم الله عليك مو محتاجه احد يفزعلك والنعم فيك اخلاق وادب
والل مايعجبه حقريه
ولاتزعلين روحك كلنا نحبك ونقدرك ونعزك ونغليك يابعدهم وحره بقلوب العواذل

 

[مطيريه ماركه]

ان شاء الله الموضوع يتصكر بس شوفي آنا غلطت بشي

http://q8yat.net/showthread.php?t=255064

 

[عيون كحـال]

هاي بنات شلونكم

وشلونج مط مط

اتفقت مع امي ان كل اسبوع احط سدر

وقررت اقص اطراف شعري المتغصف

 

[مطيريه ماركه]

شهوودة اي هذا الصالون اللي قالت عنه دلع شكلي بحجز هناك

عيون كحال هلا حبيبتي بخير فديتج عساج ع القوة فديتج يالسنعة

 

[الجووورى]

حشا ياقلبى ماغلطتى بشى وكافيك ان الكل فزلك وفاهم قصدك واسمك مو يحتاج ياغلاهم
استغفر الله صج لا حشيمه ولا ادب حسبى الله عليه الل كتب الموضوع
ما الل يفهمون الشى على مزاجهم فهذا مشكلتهم وحضر ولا بدو كلنا واحد وكلامك من الاول للاخر ماعليك شعره ياقلبى ولا تزعلين روحك

 

[مطيريه ماركه]

الووري بعد شبدي والله احتريت حدي بس مابغيت ارد عليها لأن هالأشكال رداحة ماتحشم احد

 

[عيون كحـال]

مط مط ماعليج منها

بس امبيه الموضوع والكلام تقشعر له الابدان استغفرالله

 

[الجووورى]

ياقلبى زين سويتى وطبعا هذا من زين تربيتك واخلاقك والنعم فيك والله
بس في ناس تدور الهواش
وشيلى من راسك ولا يهمك

 

[شهووده]

مط مط حبيبتي لاتتضاايقين .. احنا نعرفج ونعرف أخلاقج وتربيتج ..

والنعم فييج والله ..

 

[مطيريه ماركه]

يسلممممممممممممو حبايبي فديتكم

شهودة شنو برنامج بالصالون بقلدج

 

[سما الكويت]

اسمحيلي مطيريه انتى غلطانه اللى تشاركين بهالمواضيع..

انا من بدت السالفه فى المنتدى موجوده واراقب المواضيع تنفتح واحد ورا الثانى..وقريتهم كلهم بس ارفع نفسي عن هالاشكال وبدال ما اضيع وقتى بالرد عليهم.. ارسلت مسجات لكل المشرفات اللى كانو متواجدين علشان يسوون اى شي..

ووصلنى رد انهم بلغو الاداره..

وميخالف يا الغلا هذى تعلمج عن الجايات..لاتشاركين باي موضوع مشبوه وتدرين انه بينحذف...بلغي المشرفات وراقبي من باب الفضول..

ومالج شغل فيها انتى معروفه ومو محتاجه تدافعين عن نفسج..

 

[مطيريه ماركه]

سما حبيبتي انتي قريتي ردي ما اتلكم عن الموضوع البنت اخذتني على اولها وطاحت تسفل جد ما كنت ادري عن الهوشة واللوية اللي سوتها الا لما البناات قالولي تعالي وضحي قصدج بس صج كل داء وله دواء الا الوقاحة اعيت من يداويها مايسوى علي شفت الموضوع خخخخخخخخخخخ مرت اخوي يمي تقولي خلي بشوف ومن اول كلمة @@ قالت صكري صكري شنو هذا

 

[سما الكويت]

انا ما اقصد البنت...اقصد ردودج على مواضيع سوداويه..

صج زعلت لما شفتج مشاركه...لا واقول هذى شمسهرها لهالحزه ما وراها دوام؟؟وشجايبها هنيه..الحياة الزوجيه...لووووووووول...احمدى ربج منتى عندى...لوووووول...

والا ردج مع العضوه مادرى سشمها هذى وحده دايخه مأثره عليها الغربه..والحوسه اللى هى قاعده فيها...!!!..فاتحه المنتدى..والمسن..والتى في..ومدرى شنو ...كلهم بوقت بواحد...عفيه تركيز<<<<<راحت فيها البنيه...لوووول...

 

[دلـــع_الكويــت]

مط مط حبيبتي...ولا تزعلين انتي اكبر من جذي...وبعدين تعالي تعالي يالخاينة...وين الي بتروح معاي فيزيك؟؟! صالونج بالمسيلة قلتيلي هااااااااااااا...يعني يم بيتنا..انا اوريج .. وراج وراج..لوووووووووووول

خلاص بنطر شهودة وبروح ان شاء الله بس عالاسبوع الياي...مع المعاشات علشان اسوي اشتراكي..بفيزيك ...

سما بعد قلبي شنو ماسك الجرجير...؟ بس انا مابي وايد شغلات ابي شي خفيف,,,,,,,,,,,شنو باكله !! خخخ

لاااااااااااااا قصدي يعني ماسك يكون مكوناته جرجير وشي ثاني بسسسسسسسس مابي لويه وشنو تنصحيني فيه ؟

الجوري وينج صارلج فترة تدخلين شوي وتطلعين ...جنج مستحية ...خخخخخخخخ

كاكوكا يالكسلانة انا اعلمج...الجو برد وانا اعرف هالحركات ترا ....انزيييييييييييييييين

 

[دلـــع_الكويــت]

up

up

up