شعرج منتف مالج الا ميك اوفر كويتيات..... مع شقرديه ومطيريه ماركه

[الجووورى]

بنات يالله تكفون نبى رايكم معانا يصير كل يوم ولا لا مط مط وينك الباقى يلا تفاعلوا مع الموضوع

 

[مطيريه ماركه]

ترا دشيت خصيصا عشانكم بسسسسسس

ام منصور لو تلاحظين شقلت قلت الزيت ضروري بس ماتكثرين منه واكيد كل شي بزود نتيجته عكسيه انا ماني خبيرة بس اتكلم عن تجربه

صعبة نهتم نهتم وبعدين نقطع مرة وحدة شيصير ري آكشن سلبي جدااااااااا والنتيجة تسااقط انا اقول الوسطية أحلى شي

زيت مرتين وحنا مرة بالأسبوع بعدين الحنا يصير كل أسبوعين كله يسمى عناية

هذا راايي واحترم رايكم

 

[الجووورى]

يسلمكم ربى يالغلا بس احيانا حتا بالصالونات تلقين برنامج مكثف للشعر والناس تسويه وتقطع عادى
ومن هالباب انا قلت بعتبر هالشهرين حمله عنايه مكثفه وانا اصلا حتا بدون الحمله الطبيعى مالى ادهن شعرى مرتين بالاسبوع
وعالعموم انا هم بنطر نتايج البنات وماخاب من استشار
ويعطيك الف عافيه مط مط فديتك

 

[سما الكويت]

وانا رايي مع مطيريه...

بس يا بنات احنا نعالج شعرنا وكل كورس في بدايته يكون مكثف وتالي يتخفف شوى شوى...صح والا لآ؟؟؟

انا قلت قبل وبقولها مره ثانيه...ناويه كل شهر..((بعد اجازة العذر الشرعي))..اعدل في برنامجى واخفه شوى شوى..

يعنى قبل شهر كنت يوميا..والحين انا 5 ايام بالاسبوع..

وبعد اسبوعين راح اخليه يوم وترك..

لين اوصل لحنه مره بالاسبوع وزيت مرتين..وهذا الطبيعي..بس على ما اوصل لهالمرحله يبيلي شهور..

لان هالمرحله حق الشعر الأوكي..يبيله شوى عنايه ويصير عال العال...مو شعورنا تعبانه...خلوها تنتعش وتزين...وبعدين يصير برنامجنا برنامج عنايه مو علاج..

واختلاف الراي لايسد للود قضيه..

 

[سما الكويت]

الجوري سبقتيني وانا اكتب ردي.. ومعاج حق ..

 

[الجووورى]

صح لسانك سما كلامك عدل مدل وراى من رايك وانشالله المعلومه الكل يفهمها
حتا للبشره بنات نفس الشى كل فتره لازم عنايه مكثفه لو كل 6 اشهر ناخذلنا منه شهر شى جميل واهم شى المتابعه
وماتملون بسرعه ترا مافى شى يجى بدون اهتمام

 

[مطيريه ماركه]

فديتكم بنات والله كلامكم صح

هذا اللي اقصده اقولكم اذا تبون برنامج مكثف خففوا اشوي اشوي ولا تقطعون لأن النتيجة ماراح تعجبكم

 

[الجووورى]

فديت قلبك يالغلا وانشالله الكل يكون استفاد

 

[سما الكويت]

وهالشي ينطبق على الامبولات<<<< تروح وترد عليهم..

البنات اللى قالو ينبتون الشعر واذا اتركوهم يطيح لانها بيوم وليله تخلص الكورس وخلاص..لا يبيله تخف لين توصل لامبوله بالاسبوع..وبعدين كل اسبوعين مره..شوى شوى لين تقطعهم..

فديتكم والله حبايب قلبي..

 

[الجووورى]

الله عليك سما لسانك ينقط عسل والله
ومايقول غير الزبده
يخليك لنا ولا يحرمنا منك

 

[الحراير]

شلونج سما والجوري ومط مط عساكم عالقوه حبيباتي

 

[سما الكويت]

الجوري..هذا بعض مما عندكم حبيبتي..

حراير يقويج الرحمن يا الغلا...شاركينا النقاش..شرايج؟؟

 

[الجووورى]

من طيب اصلك قلبى سما / الحراير يقويك الله ياقليبى
عاد بنات بما انكم ماشالله عينى عليكم بارده بسدح لكم سالفه وابى رايكم
بنت اختى شعرها كشه سيامه ههههههه
لا يوكو لا كيراتين ولا شى نفع ابركلها تقصه وتصير صلعه ههههههههه
مسكينه حتا اهى متعقده
ابى خلطه طبيعيه
تملس الشعر وماتطيحه
عيزنا من تقوم من النوم تخرعنا ههههههههه
يلا همتكم حلوا مشكله الشرق الاوسط لوووول

 

[سما الكويت]

لووووووووووووول...

هذى بنت اختج والا بنت اختى؟؟؟؟

الحل من بعضه يا حبيبه...بس الحمدلله انا ما اشوفها الا عقب ماتمشط شوشتها وتستشورها..

جاري البحث...

عاشو الخالات عاشو..

 

[الجووورى]

هههههههههههه اى والله يبيله حل عاشوا عاشو الخالات من قدنا

 

[$$ صعبة الوصوف $$]

هاللــــه هاللـــــــــه

شهالحملـــه الحلـــوه

تحسفت اني مادشيت فيهــآ

وبعدين اقترح عليكم اذا سويتوا حمله سوا لها دعايات دزوا رسايل خااصه .

ماقدرت اقرا كل الصفحات قمت انط من صفحه لي صفحه .

وقريت ردودكم .

بس بعرف . انتوا تحطون السدر عقب تغسلون شعركم و تحطون الدهن ؟؟!!!!

ماتدرون انه السدر اذا حطيتيه على شعرج واهو جاف ينشفه ؟؟ وجربوها وشوفوا .

عشان جذي انا احط الدهن عقب السدر ..! والحنه محاربتها من 3 سنين خخ

مع اني مو صابغه شعري . بس احس السدر انفع من الحنــه ماعندي دليل بس هيك نظريه من عندي < ماعليكم من نظرياتها .!

ومطيريه وشقرديه قالوها الزين كله عند الرشايده والمطران . ولاهانوا الباجي

 

[kakooka]

تسجيييييييييييييييل دخووووووووول
شلونكم بنات وشخبار شعوركم انا من زمان ما دشيت لأسباب قاهره
المهم انا امس حطيت دهن حق شعري
وباجر انشاء الله ناويه احط حنه بس خايفه يحوشني برد وتوني طارعه من مرض وراي امتحانات مادري شسوي

 

[kakooka]

سما الكويت
شريت لي من الحوش الي بالسالميه الكاب الصوف الحياكه ومعاه الشال الصوف الي يلتف على الرقبه قلت بخصصه للحنه اشرايج
هناك بالحوش مقطط كابات الصوف

 

[kakooka]

اي صج عندي سؤال
بما ان الجو صار بارد فقمت انا انشف شعري بالاستشوار يعني بس هوا
فهل هذا يضر بالبرنامج ؟؟
وشنو الحلول البديله له ؟؟

 

[مطيريه ماركه]

شلونج سما والجوري ومط مط عساكم عالقوه حبيباتي

هلا حبيبتي بخير فديتج وقواج الله