شعرج طويل تعالي قوليلنا شلون طولتيه وعندي نصايح من بدويات شلون طولوه خلونا نتشاور :)

[ام سليمان 2008]

والله تعبنا من هالشعور ماخلينا شي ماجربناه بس انا الحين قاعدة اجرب الخلطة اللي قلتها لكم وان شاء الله خير

 

[خذااني الشووق]

بنات والله دابر الكل يمدحه ولا يعلي عليه بس يبيله وحده تستمر وتستحمل الريحه
وحده بمنتدى ثاني تحلف تقول اختي كل شوي شعرها طايل وتروح الصالون تقصه

شنووووو السبب؟؟؟؟؟؟؟؟؟؟؟

دابر املا + ثوم تحطه بالعلبه مالتها تنقعها يومين فيها والنتايج عجيبه


يبيله يابناااات دابر املالا

 

[Toadette]

الخلطات معروفة ومكوناتها موجوده عند كل وحده
بسسس
يبيلها استمرار !

انا شعري تحت جتوفي بشوي وناويه بعد امده انشالله عندي أهم شي كريمات الشعر
من بلسم وسيرم
طبعا غير ادوية التساقط
مثل فيجي وريقين ودوا مال هيربال قلو
والحبوب مايبيله فيفيسكال

شعري احس راده فيه الصحه .. انسو ادش صالون عشان اقصه مستحيل .. اذا كان ولا بد امي تقصه
الأم ايدها مباركه على الشعر
اما الغريبه احسها حقوده مادري تودر الشعر

دكتورة حنان ودلال التركيت قالو الزيوت تسد مسام الشعر ,, لازم تكون الخلطه اساسها مائي
يعني تضربين جرجير بالخلاط مع ماي او ثوم مع ماي .. الصبار مايبيله ماي اهوا بروحه ماي مايووه
تقول الزيت ينحط على الشعر نفسه مو على الفروة

وقالت ما اخلط وايد أشياء مع بعضها واخلي دايما الخلطه تكون احاديه مو أكثر من شي ويا بعض عشان ماتتضارب المكونات
يعني مثلا يوم جرجير يوم ثوم يوم صبار جذي

اي نسيت اقول حاليا انا قاعده بالبيت ماكو دوام فآخذ حلبه بس الله لا يوريكم الريحه لوووول مو متزوجه !!

الأشياء المفيده للشعر
الحنه - الثوم - الجرجير - الصبار - البيض - الحلبه - الخروع - جوز الهند - أملا - السدر - ماء الورد - الزيتون - اللوز -
حبوب الفيتامينات - حبوب زيت السمك

 

[كويتيات]

انا الحمد لله شعري فيه صحه وكان طوييييل بس قصيته بوي توه قبل شهرين والحين صار لين جتفي بالظبط
وانا من زمان مداومه على دابر املا صج صج عجيييييب ومن بعده قمت اقص بوس وكاريه وما احاتي الطول

بس شكلي بسويلي برنامج عباره عن (شامبو ميتال+دابر املا+حبوب كبد السمك)وبستمر عليه 3 شهور والله يوفق الجميــع

 

[lolwah]

انا مو مهم الطول اهم شي الكثافة

شنو اللي يكثف الشعر ؟

 

[عالي مستواها]

انا شعري واصل ليما فوق الركبة بشوي " قل اعوذ برب الفلق " مابيه يطول تعبني بس مابي أقصه عاجبني طوله جذي

المشكلة خفيف مقارنة بقبل كان من ثقله ماقدر الفح الحين بقالي نصه او اقل ذبحني التساقط شنو الحل يابنات ابي يرجع مثل قبل

 

[raw]

لوووووووووووووووول عاد والله سجلت دخول باسمي واذا ماطلع نكي نك اختي كيفها والله كل ماشبكت ولا شابك بنكها شسالفه


raw انا هم سمعت عن هذا الكريم ماكسام بس منين خذيتيه ويقولون اكو اصلي وتقليد شلون عرفتي

الله يسلمج وصيت وخدة تجيبة لي من السعوديه
ويقولون ان الاصلي مكتوب على مغطاته من فوق كريم ماكسام الاصلي بالذهبي

 

[Toadette]

حبيبتي اللي سألت عن الكثافه
1) وراثه
2) تغذيه
3) اهتمام وعلاج

شوفي شنو تحتاجين وشنو يلبق حق شعرج

ملحوظة : الثوم ماينحط بروحه .. حطيه مع الحنه عشان الريحه ماتعلق معاج !!

 

[بنت^الشيخ]

للرفع

 

[غير كل الناس]

اللي تبي شعرها يطول ماتقصه موكل شوي قاصه وتقولين ليش مايطول

ثانيا الحنا

السدر

الزيوت مثل الخروع والحل والسمسم نتيجتهم روعه

عدم مشط الشعر وهو مبلول

الابتعاد عن الاستشوار والاستريرت بالذات الا بالمناسبات الضروريه

استخدام تونيك السورسير

وهذا اللي اعرفه

واتمني الافاده

غير كل الناس

 

[Brounzi_girlly]

الصبار يا بنات هل يوقف التساقط ويكثف يريت تفيدوني آنا أساسا شعري خفيف بس الحين زاد وصارت فراغات بشعري حدي متحبطة؟؟؟؟

 

[miss_busy]

الله يعطيكم العافيه بس بنات بقولكم شي يلوع الجبد يمدحون حشاكم بول البعير ا(سامحوني عالكلمه)نا عن نفسي ماعندي اشكال اني احطه بس من وييييييييين احصله والبدويات عندهم فكرة؟؟؟؟؟؟؟؟؟

 

[بنت^الشيخ]

مس بيزي انا سمعت بعد انا بدويه بس ماعندنا احد حطها ولا اتجرا يقولون تطلع ريحه بالشعر ولا تطلع ريحته لو بعد سنه


صج من كثر مايمدحون املا اذا استمريتي معاه ودي استمر بس من تخلص خلطه الزيوت اللي عندي

واللي تسئل عن الكثافه شلون يصير كثيف
عندكم الريحان والمحلب يكثفون الشعر بس اهم شي الاستمرار

وحبيت اعطيكم طريقتي بالحنه انا وخواتي وهي كالتالي:حنه ريحان محلب سدر صندل ورد
تخلطونهم مع بعض بعلبه وتستعملونهم وسلامتكم

 

[Brounzi_girlly]

تسلمييين بنت الشيخ
مع التحية......................

 

[بنت^الشيخ]

بنات الريحان مطبوخ تطلبينه من الحواج تقوليله ريحان مطبوخ

 

[ام علوش]

المحلب شلون تستخدمونه

 

[بنت^الشيخ]

أم علوش المحلب ينخلط مع الحنه ولا مع السدر تاخذينه مطحون وتصبين فوقه ماي مع الحنه وتحطينه بشعرج عادي

 

[مـــــــذهـلـة]

انا بدويه بطن وظهر بدويه قــــــــــــــح

وحنا نخلط مع الحنا امشاط

ونحط مع زيت الزيتون .. زيت خروع

وفي خلطات شكثر

بس نمووووووووووت على الحنا لا يمكن نستغني عنه << أيام قبل الحين تكيسلت بالمره ماادري شصار فيني

وتمون باللبن بعد << بس ما اشربه

عشان هالشكل شعري مو ذاك الزود وخفيف بس والله جربوا الي كتبتهم بخمس شهور جربتها وحده مره كبيره من جماعتنا كان شعرها لي كتوفها صار لي خصرها والكل استغرب منها على ايام قبل يعني ما كان فيه توصيل

وبس

 

[مـــــــذهـلـة]

لا تنسون تونيك سورسير ترى من اول الايام يوخر القشره ويقضي عليها ويفضل معاه الشامبو ماله والله بشهر شعركم بيصير كثيف وكبسولات زيت كبد السمك القد

وسلامجكم

 

[امون حبيبة الكل]

وااي انا ماحطيت حنه من زمان بس اموووووووووووووووووووت على ريحتها بالشعر تجنن

ريحتها بالشعر غييير عن ريحتها اهي نفسها واهي براسج

بالشعر من عقب الشامبووو واااي تدوخ بس تلقوني اشمشم شعري

غير جذي تعطي الشعر نظااره ونظافه وحيويه موطبيعيه والله ميته عليها بس ناويه اصبغ شعري عقب انفاسي