شسوي

[طفلة غبية]

والله هم اللي يبلهم دكاترة
والله وصلت حالة بصراحة احتاج دكتور حيل حتى الاطفال يقدرون يسيطرون علي
ومكان في ناس وايد استحي امر ومارفع عييني

 

[جمبلو جمبليله]

لازم تتزوجين يااااااااااااااااااااااااارب تتزوجين بأقرب وقت وتفتكين من وجيهم

الاهل ما وراهم الا الفلس وليش ما تقدمين على منازل دراسه مسائي اذا انتي


من الكويت حبوبه ،، وشدي حيلج وقهريهم واشتغلي وخل يطقون راسهم باقرب حيطه

 

[الحللللوه]

ياااحيااتي الله يسعدك ويحفظك ويشفيكي وربي حتى انا كنت مريضه
قعدت ست سنوات مريضه حساسيه اكزيما شوهت يديني ورجولي وربي كانه حررررق والناس تسال واللي تقول الوصفااات انا كنت واايد اتاذى بس شنسوي مالنا الا نحمد الله ونشككره
استغفري كثييير
وقولي
حسبي الله الذي لااله الا هو عليه توكلت وهو رب العرش العظيييم

ربي اني لما انزلت الي من خير فقير اليك

استغفر الله واتوووب اليه

ودااايم خلي الشككر على لساااانك واعرفي مادااام ضااقت بتفرج

دعواااتك لي من قلب بالسعااده والزواج بالرجل الصاالح واكوون مرتاحه

 

[الحللللوه]

الله يفرررج همي وهمك وكللل مهموووم

 

[ޢޢޢإيمانޢޢޢะۣۨ>]

ياحياتي حاولي تتقربين من الوالد دام إنه غير عنهم وسولفي معاه دايما
يمكن إذا شافوا معاملة الوالد لج راح يسوون لج حساب ويهتمون بوجودج أكثر
ولا تعطين أحد مجال إنه يمنعج من الكلام
عبري عن رايج وقولي كل اللي تبينه بثقه وبدون تردد وخوف
مثل ما لهم حق يكلمونج إنتي بعد لج حق عليهم إنهم يسمعونج
ولا تحسسينهم إنج محتاجه لهم وايد
​

 

[بنوته كيكه]

لحول الله اختي عساء ربي يهديهم انشاءالله
اختي انتي طيبه معهم وهذا دليل التربي والخلاق فيج طيبه
شوفي اختي ماعليج منهم طلعي وتمشي ولا تردين عليهم
عهطيها طاف اختج غفلي علي فلوسج والذهب
وبعدين كوني صداقه مع بنات جماعتكم زميلاتج في المدرسه

 

[طفلة غبية]

ماقول ان الله وان الية لاراجعون اللهم اجرني في مصيبتي واخلف لي خيرن منها

انا وايد ارتحت لما حجت معاكم واحس كل اللي بقلبي قلتة
لااحد
بنات انا عندي صديقة
بس عيب اقولها عن اهلي مهما صار ذيلن اهلي
والله دعت لي لها بالمثل يارب ومشكورة ع الاذكار لا الة الا الله

واي احاتي العيد واحاتي عندنا زواج
اللهم يسر امري وقوي قلبي ياقوي

وصج صج اننا ناوية اتغير واحقرهم حيل مع اني محتاجة امي

ادرس ماقدر امي خربتها علي من زمان وسدتها بويهي
والمكان اللي ابي ادرس فية اختي درست فية وسبحان الله للحين تطالب بشهادتها ماخذتها شفتو الله حق

 

[ذوق بريستيجي]

الله يفرج همك

 

[طفلة غبية]

ولج بالمثل

 

[رنين]

شوفي حبيبتي و سمعي مني و لا تزعلين.....
يقولج صديقك من صدقك لا من صدّقك.........

في نوعيه من البنات يحبون يعيشون وضع الضحيه الفقيره المسكينه مهضومة الحق....
انتي واضح منهم!


يعني امج لا ظلمتج و لا حرمتج... هذا انتي قادره تروحين مكان ما تبين لبغيتي
تشترين الي تبين لبغيتي

عندج ابوج عازج و حنون عليج
عندج رفيجتج و مجال لرفيجات غيرها

عندج امكانيه تدرسين مكان غير الي ما تيسر لج
عندج مجال تتوظفين علي حسب وضعج حتي لو وظيفه بالنت او حتي لو تكونين داعيه لوجة الله بالنت


يعني باب الحياة و الدنيا مفتوح جدامج و انتي قاعده تنوحين على شنو (((ما))) سوت لج امج.....

طيب اهي شخصيتها جذي
تعاملها معاج جذي
طبيعتها ماتدلل
لها نظره فيج مو شرط تعجبج




المهم ان ها العلاقه ما ضبطت لج عالشكل الي تبينه .....عندج الف و ستميه علاقه غيرها تقدرين تحسين بقيمتج لما تبنينهم.
ليش حاكره روحج بالمجتمع الي حاسه انه رافضج....

على قد ما ضروفج تسمح نشري جناحج و طيري.

و تظل امج امج لها حق البر و الطاعه
و تظل اختج اختج ان فهمتج صح و الا غلط

و يكون عندج مكان تتروحين فيه
بيئه تنجزين فيها
روحج تنتعش......



كلش كلش صكت البيبان بويهج

فرشي سيادتج و صلي و طثري من الصلاة و الصياه ابني علاقه بالي ما يردج سبحانه و لا تقعدين تنوحين عند بيبان مسكره


و عسي الله يرفع عنج همج و يصلح امرج

 

[طفلة غبية]

رنين
سبحان الله محد يحس بالنار الا رجل واطيها
وانتي اشدراج عني وابدن مابين قدام الناس اني مسكينة
بس بعد شكلج ماتعرفين ان الشخصيات تنهدم من سؤ المعاملة وانا من كنت صغيرة مستحقرة
وماتعرفين ايش يعني الا نسان ينكسر
الا نسان حتى لويفقد انسان عزيز بينهم غلا ود ينككسر فمابالج باهل اللي عايش بينهم
عايش غريب
وماتعرفين نوعيات الشخصيات وفي شخصيات معاهم انفصام شخصية نففسج معاج تشتت بالحجي

واذا انتي من النوع اللي عادي اطلعين وتروحين وتردين احنا بدو اصحاب البراقع
ماطلع الا بالف والف احساب
واذا بيطلعون يحسبون الف والف حساب كلة اشان ماطلع معاهم وافلانة ماتشوفكم

واسأل الله من يلومني ان يذوقة ماذقت وعسى الله اشوفج منزلة موضوع نفسي قريب


وانتي شكلج من النوعية هاذي نوعية اختي وانا بالعكس ماجيت اسبهم واسلوبي كان راقي
وانا مو داخلة اكسر خاطرج يأم خاطر

وحبيبتي اعرف الله زين تدعين لي بعد تناقض
وحياتي المريض دايم يكون حساس اكثر من الا نسان الطبيعي مو نفسج صاحية واحساسج احساس ريال

وقالت ايش فرشي جناحج وطيري ماشاء الله كناري انا

 

[Vdieta]

الله يعينج

 

[برنسيسة2007]

حبيبتي امج ارجعيلها بحب عمر الام ماتكره اولادها رجعي لامج وسخري عمرج لطاعتها وراح باذن الله تشوفين السعاده لو تسوي امج اللي اتسويه انتي مجبوره تسكتين وصدقيني حل مشكلتج بايد امج فاكسبي امج احسن لج
وماراح ننساج من الدعاء

 

[اتعبنى جمالي]

حبيبتي مجرد كتابتج عن مشكلتج هذا بحد ذاته انجاز ومن خلال اسلوبج كشفتي انج انسانه قادره على التعبير بس ينقصج المواجهه الفعليه بدون خوف او تردد اسالي نفسج ليش ما اندمج مع الناس؟؟ وليش احس بالخجل والهروب؟؟اشمعنى انا؟؟بتلقين ماكو اجابه واضحه فعطي نفسج الاهميه اللي مفروض تكون فيج واجهي الواقع بجرأه نفس جرأه اسلوبج..منو اللي يخليج تتقوقعين على نفسج وليش هم اللي ما انعزلوا مو انتي؟؟ابدي صفحه جديده بحياتج ولاتسمحين لاحد انه يحطمج نهائي توج صغيره والحياة حلوه جدامج تفائلي واستغفري كثير واقري سورة البقره دايم بتلقين الحياة صارت اجمل واسهل بدون هالتعقيدات اللي تحسين فيها وغيري نكج بالمنتدى وابتسمي ..ولاتضيعين عمرج بهالافكار واتمنى تنزلين موضوع ثاني يكون العكس تماما لهالموضوع الله يوفقج حبيبتي دووووم

 

[maha99]

الله يعينك

 

[رنين]

سبحان الله!!!!
قريت ردي كذا مره ادور وين جرحتج و أنا كان كل قصدي اساعدج ... مالقيت!!
لا قلت انج كاسره خاطري و لا قلت انج غلطانه أو لمتج.....


علعموم العفو و السموحه ان كان شي (((ماقصدته))) بين كلامي جرحج او ضايقج.....

بس أنا من الناس الي لشفت اختي طايحه ما اقعد يمها و انوح.
اسحبها من ايدها و احاول من كل ما لها بقلبي غلا اخليها تقوم. حتي لو كان بسحبتي لها شويه شده
و الله ما تكون الا من غلاها.

و انتي اختي بالله
و لج غلا من غلا الدين و الاسلام
شفتج طايحه مابغيت امسح على راسج و اطبطب هالشي يونسج دقيقه و يروح اثره بعدين.... كل الي بغيت اقوله شوفي الي عندج و لا تبجين عالي انتي خسرتيه.
عيشي حياتج و ابنيها على قد ما تقدرين و تسمح لج ظروفج.

انتي مكسوره ادعي الجبار يجبر كسرج.....

لوقفتي علي ريولج بيكون انفع لج .... و القوة الي رديتي علي فيها لما ظنيتيني جرحتج حطيتيها بانج تدورين سعادتج وين ما كانت تكون......




و اكرر اعتذاري لأن ردي ما جا و لا انفهم على المقصود....


و اكرر دعائي لج ان ربي يجبر بخاطرج و يرفع قدرج عنده و عند الي حولج

 

[كويتيه واقعيه]

السلام عليكم .. هالمشكله صغيره لمن يشوفها لكن كبييييييييييره لمن يعيشها وانا معاج ان الانشان المريض حساس اكثر لانه يحس بالنقص اكثر من الانسان الطبيعي والمشكله اذا ماعرف علته : (
بالبدايه راح تشوفين هالشي صعب لكن مع الوقت بتتعودين يبيلج اعاده ثقه للذات قدام الناس واضح انج واثقه بنفسج لكن من تجين عند العايله تنقص هالثقه والسبب معامله سيئه واكثرها بالتمسخر والتطنز طبعا هم ترا مايدرون انهم يجحون بالكلام لان تفكيرهم ان الانسان المريض يتقبل نفس الانسان الطبيعي ومايدرون انه حساس فعشان جذي ياحبيبتي التمسي لهم العذر وسامحيهم عشان نفسج مو عشان احد ثاني ثاني خطوه التزمي بالاصلوات واكثر الاستغفار والادعيه وحصني نفسج واقري الرقيه الشرعيه واذا حسيتي بتغيير استمري فيها واقري على نفسج واقري سوره البقره وايضا شغليها في غرفتج ع الاقل ثلاث ايام متتاليه وان شاءالله تطرد الجن من بيتكم وتصفي النفوس واهلج ابتسمي في وجههم مهما تصعبت عليج هالشي غيري اسلوبج معاهم خلج ارقى شوي لاتستحين ترا الحياء راح يتعبج ومايخليج تتقدمين وخاصه من اهلج فكري بكلمتج قبل لاتقولينها خلج انسانه هاديه اكثر حاول بخطوه خطوه بالتدرج يعني مثلا اليوم ابتسمي باجر تكلمي معاهم بهدوء وضحكه وهكذا انتي غيري اسلوبج معاهم ان تغيروا كان بها واذا لا هذي مو مشكلتج لانج حاولتي وادخلي على مواقع تعزز الثقه في نفسج واقري كثير وحاولي تبعدين عن جو الكابه قولي اليوم لازم استانس وحاولي تبدين من يوم العرس اللي عندكم خلي الناس تشوفج بطله ثانيه تغيري ابهريهم انتي متضايقه عشان ماكملتي دراستج او فشلتي في عده امور بس هذي مو اسنها فشل اسمها تجارب وتعلمي منها لاتخلينها نهايه لدراستج وتعبج تفقهي اكثر في الدين واقري وابحثي واشغلي نفسج بما ينفع واتركي عنج الدنيا تراها لهو ولغو واعملي للاخره وطبعا هالكلام مو معناته انج تهملين الدنيا لكن لاتجعليها اكبر همك الله يجعل الاخره اكبر همومنا انتي نفس حالتي تقريبا تحطمت نفسيتي فجاه وعشت في صدمات عده مرات احس اني استخفيت والله العظيم اقولج هالنصايح لاني ناويه امشي عليها طبقت بعضها لكني ماستمريت للاسف لكني والله حسيت برتياح لما طبقتها

الله يشافينا ويعافينا ويجبر خواطرنا المكسوره .. قولوا امين
الحمدلله لا اله الا الله لاحول ولاقوه الا بالله الله اكبر ..

 

[طفلة غبية]

الله يعطيكم العافية بنات والله يجبر بخواطركم بأسمة الجبار

 

[نفـــائس]

يبيلج ثقه بنفسج
ولسان طويل

وتاخذين حقج وحق هالاسنين

تجراي شوي لاتصيرين خوافه

بهزمن اللسااااااانج يجيب حقج

 

[Tom ♥ Jerry]

.


آمبيه لا حول و لا قوة الا بالله !

حبيبتي اذا حآلتج الصحيه تسمحلج تروحين و تردين
طلعي ويا ابوج ويا بنآت عمآتج
حآولي بشتى الطرق تخلين آختج تصير وياج
قوليلها آنج تحبينهآ و ودج تقعدين و تسولفين وياها
حآلكم حآل اي خوآت ! و تطلعون مع بعض

و روحي حق امج طيحي على راسها و طلعي كل الي بقلبج
ابجي يمكن دموعج تكسر قلبها و تحن عليج !

و عليج بالدعاء و الصبر لمآ يتغير حآلهم الى آحسن : ) !
اذا تقدرين روحي نآدي دورة منهآ تتعرفين على رفيجآت تشغلين وقتج
و منهآ تتعلمين شي يديد و تستفيد من وقتج :**


الله يعينج ! مشكلتج تعور القلب !