شسوي مع بنتي والدوام :( تعبت

[شرطيه حلوه]

لازم في خدامه حق الشغل وخالتج شغلها بس تمسك بنتج
أنا أودي خدامتي وبنتي بيت أمي
أمي تطبخ
الخدم عليهم التنظيف والغسيل وبعدين أمي تجابل بنتي
وأخلي بنتي تنام متأخر علشان تقعد قبل لا أيي من الدوام بساعتين وبس
وأذا أنشالله خلصت أزمة أنفلونزا الخنازير ودي بنتج حضانه أحسن لها

 

[فـدوه]

يعني بنت عمرها 8 أشهر و تبون تودونها حضانة!!!!!! ليش إنتوا لهاذي الدرجة تثقون بالحضانة و اللي فيها؟ أنا أقول إخذي أمومة و إلا رعاية أسرة أو يبي خدامة تقعد مع بنتك لمن تروحين الدوام بس عند خالتك و خلي الخدامة تنام بالملحق أو أي غرفة فاضية بره شقتك

 

[وداعيه]

إيييييييييي عشان جذي الجنة تحت أقدام الأمهات ..

ياقلبي انتي مأجوورة انشالله ... وكنت مثلج


اكره الخدم


خالتي و أمي ما قصروا عسى عمرهم طويييل ... هذا على بكري

لكن يوم اشتغلت وحمل بالبيبي الثاني ... خذيت وضع و امومة و بعدين دخلتها حضانة ... و عندي خدامة في البيت بس ابد ما تجيس اليهال الا بالضرورة فقط

وعالبيبي الثالث انشالله ... باخذ فوق إجازة الأمومة إجازة رعاية الأسرة 6 شهور يعني يصير عمر البيبي على ما أدخله الحضانة سنة !

صبري ياقلبي ميخالف مثل ما قالوا البنات فترة و تعدي ودايما الطفل الأول متعب و هو حياة يديدة الثاني أسهل

و النومة ... لاااااااااااااااااااااازم يكون عندج رووتين ... روتين نوم ... روتين ... أكل ... روتين لعب

و الله إنه بنتي كانت من الروتين حتى الحفاظة صارت تلقائيا بموعد لأن تكرمين حتى خرووجها انتظم


يعني اللي بيمسكها بغيابج لااام يطبق الروتين اللي تبينه


ومن ضمنه : نومة الظهر هذي واايد مهمة لأن تترتب عليها نومة الليل ...
شوفي حبيبتي

الصبح ...خليها تقعد مبكر مو تنام ... تتريق ... وتتتبدل و تلعب

وبعد اقل من ساعتين ... سنااك

وبعد تقريبا ساعتين ... الغدا ... يعني على صلاة الظهر

أول ما تتغدى على طول تتغسل و تتبدل و تتحفظ و تنام

بالكثير ساعتين

يعني مع صلاة العصر لازم تقعد ما تنام


أول ما تقعد سنااك


و تلعب ... إهلكيها لعب عشاان تتعب و تدوخ

و بعد صلاة المغرب زهبي العشا ... وكليها

وعلى صلاة العشا تتبدل و تتزهب للنوم ... وفي ناس يحبون يسبحون عيالهم كل يوم
فتكون السباحة قبل النووم

ويوم خلاص البنت زاهبة للنوم متعشية و متبدلة و نظييفة ( مشطيها كل يوم قبل النووم و دهنيها بكريم جونسون البنفسجي ريحته مالت ريلاكس ... حتى اهي تربط الريحة و كل هالروتين اللي تسوينه بوقت النوم ... هذا واايد مهم انج تكررين الروتين بنفس الطريقة والأحداث كل يووم )

و بعدين ... شفتي القصص اللي تونس اللي بعمرها ... مسكي وحدة و حطي البنت بحظنج و تصفحي معاها و اقريها
ميخالف أول شي تبي تاخذه من إيدج و ما تفهم انج انتي اللي بتقريين ... بس شوي شوي تتعود
و الله تلقينها تتعلم بسرعة و مخها يكبر ... و لما تكبر تحب القراءة ... وهذ يقوى علاقتج فيها و يعطيكم تواصل ... وهو من الروتين اللي تحتاجينه

آآآآآآآآآآآآآخر شي .. تسكرين القصة ... وتقولين لها ... ياللا وقت النوم ... تشيلينها تقرين عليها قرآن شوية ... وبهدوووء حطيها بفراشها بوسيها ... وإذا معلمتها تبووسج خليها تبوسج ... قوليلها إنج تحبينها ... وطلعي من الدار طياري

ملاحظة : زهبي الدار قبل القصة ... خليها ظلمة و فراشها زاهب و الجوو هدووء ..

لو كل يووم تكرريين الروتين نفسه ... بتزبوط معك انشالله

يسلمو حبوبه ماشاءالله عليج كلامج مريح ومفنع
انا قاعده اعلمها تبوسني بس كله تسعبل على خدي لي الحين ماتعلمت لووووول

 

[ام وحش]

حبيبتي انتي مثلي انا ما احب الخدم نهائي علشان جذي لما يبت بنتي هديت الدوام مع اني خريجة بامتياز والله بارك لنا بمعاش زوجي الحمد لله كلة سنة سفرة واحس لبس نلبس! بس اهم شي بنتي ما تمسكها خدامة لانها مو مثل الام وعلاقتي ببنتي روعة والكل يضرب المثل فيها ماااشاااءاللله الخدم ضررهم اكثر من نفعتهم واحنا بس لو نتنازل شوي جان احنا بخير بس حب الراحة والكسل عشان جذي الوحدة جنها درام ... ديري بالج على بنتج هذي امانه الله عطاج اياها حافطي عليها شوفي الخدم وسوالفهم مع اليهال تخوف من جدامج تضحك وراج البلاوي الله يحفط عيالنا من كل شر

 

[^kloOot^]

حضااااااااااااااااااااااااااااااااااااااااااااااااااااااااااانه

هذا حلج


وحبوبه انتى مو اول ولا اخر وحده تحط بنتها او ولدها بالحضانه ترى في يهال 4 شهور


بعد شتسوين



احنا كلنا عايشين هالعيشه



ولا نحطهم عند الخدم ماتعرف تتصرف اذا الله لا يقول صار شي


بس الحضانه تحت اشراااااااااااااااف كادر تربوي مو اى شي وسنين عارفين حق هالمجال والله لا يقول يصير شي بطفل او اذا كان مريض يعرفون يتصرفون




انا بنتى 8 شهور دخلتها حضانه والحمدلله الحين عمرها سنه و7 شهور وليلحين دوام

وكل شي صار اوكي

نومها تعدلت وصارت اجتماعيه وغير جذي اكلها صحي

 

[حبيبت نصورتي]

خدم لالالالالالالالالالالالالالالا حرام عليك فتحتى عليك ابواب جهنم​

 

[وداعيه]

اي بنات انا مابي خدامه ولا حضانه
حرام اوديها عند ناس ماعرفهم ولا اثق فيهم
بس الي كنت ابيه انكم تعطوني حلول او روتين امشي عليه

 

[sweet fashion]

حبيبتي مالج الا الخدامه صدقيني بترتاحين وتلبسين وتكشخين وريلج ماراح تهملينه
ترا الطفل بياخذ وقتج من ريلج وحمولتج واهلج
وانسي الاستقاله بتتعبين من الصوبين مني بنتج ومني المعاش وطار
حرام
خلج علي وظيفتج وطلبي خدامه واخذي اجازه علشان تعلمينها
وبعدين ليش ماتبين خدامه شنو اللي يمنعج ؟؟؟؟