شسوي مع اهل زوجي؟

[σм 3ℓαωɣ ™]

الله يعينج على ما ابتلاج
الحمدلله ان ريلج يعرف اهله عدل

وانتي يا حبيبتي كلمي زوجج وفهميه الفرمان اليديد ان انتي ومرت حماج المسكينه تسوون فطور
اما مرت حماج الثالثة فهي عندها اعفاااااء

وتفاهموا مع ام ريلج
اذا الكل راح يسوي الفطور راوويهم السنع
ولا اذا السنيورة معفيه

خلج بشقتج وطبخي لقمتج
ترى الخبز المعجون مع الذل النفس تعافه وما تبيه

 

[المميزه84]

اختي اسمحيلي انتي تقهرين الواحد طيبتج هذي الي زياده عن اللزوم هذي موطيبه

حبيبتي خل يولون عساهم ماكلوا زقووم ببطنهم كل شي له حد شنو تصرخ عليج بقولج شغله ترى انتي معطيتهم حجم اكبر من حجمهم ومعطيتهم مجال واذا بتظلين جذي باجر راح يحطونج ويطقونج عادي بيقولون هذي ماعنددها شخصيه ولا كرامه

حبيبتي لو زوجج مع اهله بقولج تحملي وسكتي بس دامنه يدري فيهم وعارفهم عيل مفروض تحطين لهم حد
خل يولون قولي مااعرف اطبخ وما احب ادش المطبخ لان امي من يوم الصغار ماعودتنا تخاااااف علينا و
من باجر لاتنزلين مو مجبوره تنزلين ولا انتي تحبين تنقهرين وتستانسين لما يهينونج؟؟؟؟زلي جدامهم وانتي كاشخه ومتبخره وقولي السلام وطلعي بيت اهلج واخذي زوجج معاج

بليز لاتطبخين لهم والي يقولون اجر انا اقول طبخي حق الي بالشارع احسن هذول مو كفو اجر

والله والله قهرتيني حسيت ان ماعندج شخصيه لا حبيتي من الحين خلي شخصيتج قويه وحطيلج هيبه شنو هذا تصرخ عليج وين قاعدين لا لا الشرهه عليج الي سمحتيلهم

لاتزعلين من كلامي بليز بس والله حدي منقهره منج ومتضايقه من الي صار
الله ينصرج عليهم ويزلزلهم يارب

 

[انتظر حبه]

رد : شسوي مع اهل زوجي؟

الله يعينج

 

[أنفاسي دخون]

افطري في شقتش انتي وزوجش بناتش احسن

 

[قطوه سوده]

امبيييييييييييه لو انا منج اسحب عليهم طااااااااف من قلب .....
اسمحيلي انتي غلطانه شنو اتخلينهم يزفونج وين قاعدين .. انا ما قولج قلي ادبج وغلطي عليهم بس وقفي كل واحد عند حده بأدب واسلوب خليهم يستحون ويحسون على دمهم .. خلي عندج شخصيه عشان يحترمونج..
اكيد مرت حماج الثالثه لسانها طويييييل عشان جذي يحترمونها.. مادري اشفيهم هالايام اهل الزوج اذا مرت الولد احترمتهم واعتبرت خالتها ام ريلها مثل امها تدوس عليها ولا تحبها ..واذا عطتها لسان تحترمها وتحسب لها الف حساب انا ما اقولج طولي اللسانج على خالتج مهما كان هذي مره كبيره وام ريلج وتربيتج ماتسمح لج تغلطين على احد..باجر خالتج تعرف قيمتج ..

 

[غمزه وإبتسامه]

الله يعينج

 

[حجيه هيونه]

ماشفته الا متاخر

ان شاء الله تكون عدت الامور على خير

 

[MoonDiamond]

اهم شخص زوجج
ورايه اهم

 

[توووفية]

بداام ما يبووونج سلمي وباركي وامشي اشحادج تقعدين يهينونج او يضايقون اللي عليج سويتيه