شسوي لامن حبيبي ولا اهلي ولا رفيجاتي

[beauty rose]

اللي صار لج شي حلوو اول شي انج افتكيتي من الغلط اللي كنتي فيه و انقرصتي

و ثاني شي انج عرفتي الوهم اللي كنتي عايشة فيه .. ان رفيجاتج و حبيبج قلبوا عليج

كلهم طلعوا انانيين و يحبون نفسهم و يلعبون

حبيبتي شوفي نفسج و لمة تعطين الثقة تأكدي ان الشخص اللي جدامج يستاهلها

و لا تقطين سرج عند اي احد لان ممكن هالشخص اول واحد بيفضحه و بيتكلم بسيرتج

الله يستر عليج و يرزقج بولد الحلال و ان شاء الله اهلج بردون يثقون فيج هذول اهلج مهما سويتي ماراح يتخلون عنج
بس لانهم خايفين عليج انج تسوين شغلات طايشة طبيعي ردة فعلهم

و اذا ياج النصيب الزين لا تترددين الحياة زواج و استقرار و حب
ياما ناس تزوجت عن حب و من بعدها مشاكل
و ناس تتزوج ما يعرفون بعضهم و تصير بينهم علاقة حب مو طبيعيه

 

[كسرنى الهم]

البنات ماقصرو
بس حبيبتى الكل يغلط مافيه احد مايغلط بس غلط عن غلط يختلف
والى صارج خير ه انتى بتمرين بهلفتره تفكير وتعب وتحاتين وظغط عليج
بس فتره وبتعدى صديقنى الله سبحانه معاج ايذا تركتى كل صديقاتج السوء
وتركتى هطريق ترى انه ماقول الكل انه اقول البعظ من شاباب بهزمن لاتوثقين فيهم ابد
والله مافيه شاب يكلم تلفونات بنات وبعدها يتزوجهااا الا الى صج نيته زينه ويجى من الباب
انتى الحين كثرى الاستغفار وصلى واقرى قران وانسى الى صار توج بدايه عمرج تهنى فيهم وكملى حياتج ودراستج
وهشي الى صارلج درس عشان ماتوقعين مره ثانيه نفس الغلط خلاص انتى الحين شفتى شنو نهايه هشي
وجربتى الله يعينج ويوفقج باجى حايتج امييييييييييين يااااااااااااااارب

 

[LoLaTi]

لا طبعا لاتتتزوجين اي واحد عشان تبين الفكه بس مو تطلعين من جحيم وتدخلين جحيم ثاني لان الرياييل اللي ايون من ورا الخطابات اغلبهم عاهااااااااااااااااااااااات ديري بالج
انتي غلطتي ماعليه تحملي لان الثقه ماترجع بين يوم وليله يبيلها ايام وشهور واخوانج ماينلامون ترا بس ماكو انسان معصوم من الغلط
وحبيبج هذا واحد واطي لو يحبج صج جان خطبج ما نحاش مثل الخرفان
و مع الايام راح يردون لج التلفون بس المسأله يبيلها شوية صبر و حمدي ربج اهلج مخلينج تداومين ما طلعوج من الكليه
تحملي كلها ايام وتفرج بأذن الله

 

[SWiiiRZ]

هذا درس تتعلمين منه انتي و غيرج

و كل بنت عندها ماضي و جذابه اللي تقول غير هالشي مع احترامي لكم كلكم

مو ماضي اقصد فيه دايما في حب او علاقه
لا
كل انسان يغلط بس الشاطر اللي ما يرد نفس الغلط

ونصيحه من اخت

لا تفكرين تتزوجين اي واحد
ان يالج واحد وارتحتيله صلي استخاره و ربي بيوفقج ان شاءالله
والبنات اللي موزينين تركيهم عنج ما وراهم الا الخراب والمشاكل
والحين فرضتج انج تعدلين صورتج جدام اهلج

و تركي سوالف الحب ما حب
ترا الكل يلعب الحين محد صادق بالدنية حتى انتي مع نفسج مو صادقه
ديري بالج على روحج و ربي يهديج ويوفقج

 

[مزاج عنزيه]

،'




آمممم ؛ إنتي گل اللي مسويته غلط بغلط وصلتي
نفسسج لآمور وسوالف إنتي فغنى عنها ؛ عالعموم
إذا على آلثقه مسستحيل ترد إلآ بعد فتره طبعاً
وآفقي على الشخص آلزين مااقولج وافقي على آي
واحد لآن يمكن تعيشين حياة معاه تقولين ياليتني
قعدت عند اهلي ولااخذته ؛ يعني مووترفضين اللي
يجوونج على آسباب تافهه ، وإسستغفري ربج
وتوووبي لله وإدعي إن الله يثبتج ويغير آهلج ويردهم
مثل ماكانوا ؛ يعني رجعي لله سبحانه وإبعدي عن
رفيجات ماوراهم غير المشاكل وعوار الراس ..
الله يهديج ويصلحج ان شاء الله








-
​

 

[فجرر]

اتزوجي

 

[عادت ذكرياتي]

الله يرزقج الرزق الحلال ...

 

[غرام 20]

حبيبتي انتي حالج حال البنات اللى حبو والحب موعيب ولاحرام بس بجيلنا عيب لانه صار كله مصلحة ورغبات غلط بغلط
صح غلطتي يومفكرتي تحبين وتكلمين وتصرف اهلج هذا تصرف كل اهل لاتلومينهم يخافون عليج ولا سمعتج اتسوي عليج كل الناس تدري انج تكلمين والله تطيحين بجبد نفسج وهذاك ماراح ينفعج
تزوجي وانسي الحب والحب الصجي بعد الزواج
لا تقولين يحححبج اللى يحبج يتزوجج
موفقه قلبي

 

[خفايا البحر]

يعينج الله وحاولي تسفيدين من اللي صار
وردي ثقت اهلج فيج

 

[سكوتي بذوقي]

عرفتي الحقيقه هذا المهم

أهلك يحبونك ويبون لك الخير

اثبتي لهم انك تغيرتي علشان هم يتغيرون بعد

وإذا على الصديقات مافيه بهذا الزمن صداقه حقيقيه

وهذا درس لك ولكل وحده تحب واحد وتظن إنه يبيها

وهو يلعب بشرفها بس ويلعب بمشاعرها ويضحك عليها

الله يستر عليكِ يارب وترد ثقة أهلك فيكِ

موفقه اختي

 

[قمولة]

تبين الصج انتي سويتي كل هذا بايدج
اكيد انتي كان ببالج الي مسويته شي مو كبير ولج مبررات
بس احنا ناس ونغلط ومو معصومين
وحمدي ربج ما صار بينج وبينه شي اكبر من جذي
عزيزتي اهم ما على البنت اخلاقها وسمعتها الطيبه
والمجال للحين مفتوووح يدامج وتقدرين تردين ثقه اهلج فيييج مثل اول واكثر بعد بس بالصبر وكوني بنت سنعه مثل ما يقولون
طبعا راح تتعبين وايد على هالشي وتحسين روحج مع احترامي بالذل شوي وانه اهلج ما يعاملونج مثل باقي خواتج او اخوانج
بس تقدرين تغيرين نظرتهم لج
وباب التوبه دائما مفتوح وما يتسكر واذا يئستي من كل العباد وتسكرت بويهج كل الابواب فباب الرحمن مفتوووح امامج
وتاكدي انه ربج يحبج وبينبهج وما يبيج تضلين عالمعصيه

 

[حمام شاقني فنه]

مرحلة الطيش كللللللللللل البنات مرو فيها
الي انتي فيه الحين من معامله زفت راح يحسسج باحساس بايخ حاسه فيج
بس ماعليج مرحله وبتعديي

 

[مـهـرة]

ادعي ربي يسخرهم لج هو مقلب القلوب

 

[صيتة الخالد]

اذا حاسة صج بفراغ وجاج النصيب الزين توكلي عالله
واشغلي نفسج بدراستج
ودير بالج تقصين على روحج وتحسين انج انظلمتي>>جذي راح تنتكسين مرة ثانية

 

[فطوم السعوديه]

حبيبتي لاتتضايقين معليش انتي غلطانه وانتي عارفه هالشي
عشان كذا ماراح اقسى عليك واقول كلام فاضي


اللي اقوله انك ركزي اهتمامك على طاعه ربك اولا
واتركي هالخرابيط حب ماحب والله مامنها الاعوار الراس واللي يحلي هالامور صاحبات السوء او قريبات السوء
واجهي اهلك جلسي معهم بيني لهم انك ماتهتمين للجوال ولا الانترتنت وان بس تفكيرك دراسه
وانك ندامه ومع الاندماج بيسامحونك وينسون شوي

اذا جاك زوج صالح وظيفته زينه خذيه ولاتترددين ..

انستري وكملي نص دينك
اما انك تاخذين اي واحد هذا مشكله اكبر بالعكس انتي مافي شي ناقصك والله سبحانه وتعالى يعفو ويغفر



الله يشرح صدرك ويوفقك يارب ويستر علينا وعليك

 

[zezeio]

حاولي تقنعين اهلج وسويلهم اشياء تونسهم علشان يغيرون فكرتهم عنج وتوبي لله سبحانه وادعي الله ان ييلج ولد الحلال وتتزويجين واحد يعجبج وتعجبينه والثقة ترجع مع الايام وعلى صداقاتج ادري ان شي مو هين ومو سهل يتطوف بس حاولي وخلج مع اللي ما هدتج ودوريلج صديقات يدد بعاد عن هل خرابيط وانا ماراح اقولج ما في حب وما ادري شنو لاني اتوقع ان في بس لا يقصون عليج بهذي الاشياء ووخري عن المشاكل كثر ما تقدرين

واتمنى تستفيدين من كلامي

 

[MSA]

؛


حبيبتي يمكنن خيرهه ...

اللهه يهداج المفروض ما تكلمين وتطلعين ...

اللهه يوفقج

 

[o s h i]

ااول شي احمدي ربـج انج كشفتيهم على حقيقتهم *وانج طلعتـي من البقعه الفاسده هذه *وفرراقهم عييدين مو عيد*

وكل انسان يغلط مافي انسان معصوم عن الخطأ لكن الخطأ انج تستمرين عليه*

حبيبتي*
توبي لله وججددي حياتج مع ربج ونفسج وهلج *تصدقيني مع الوقت راح تحسين براحه نفسيه واستقرار نفسي*

والثقه على حبه حبه راح ترد لج على حسب*
انتي شلون صرتي تغيرتي ولا لا*

ونصيحه اخيره لا توافقين على اي واحد *ومن الاساس لا تزوجين وانتي بالنفسيه هذه *يمكن يكون الزواج *نتيجه عكسيه لج خصوصا وانتي مب مقتنعه بس تبين اي شي يخلصج من هالوضح*
*
الا لما تحسين انج مستعده تماما للزواج ، *تزوجي *

وعسى ربي يوفقج ويرزقج بالزوج الصـالح

واتمنى من بعض البنات يتقون الله فيما يكتبون*
لانه ردودهم*اتزيدن الطين بله.*

البنت ماتبه الموضوع لانها بحاجه للمساعده موب اتعبونها ازيااده

ماعجبج الموضوع لا تردين *

اسفه عالاطاله

 

[ღرحت فيهاღ]

حبيبتي الي باعج بيعيه لاتفكرين فيه لو يبيج جان طق باب بيتكم وخطبج وتوبي و تاسفي من ابوج وخليج زينه جدامهم وحتى من وراهم قوي علاقتج بربج واهو سبحانه الوحيد الي بيساعدج وحتى القرآن لاتنسينه والله يوفقج ويلين قلوب اهلج

 

[cute lulu]

انتي قلتي
"اول من تخلى عنج اهو"

يعني ولد كويتي ومخه مخ خليجي
بيرضا يتزوج بنت استهانت بشرفها وسمعتها
شنو يضمن له انج ماتكلمين غيره.!!
وشنو يضمن له انج بتكونين الام المثاليه لعياله اللي حاملين اسمه
اذا واحد قال لوحده يكلمها انا بخطبج
اقصص ايدي اذا صج يبيها
فيها خير والا هو فيه خير يتزوجها ويخطبها باقرب وقت
كله جذب بجذب
وانتم تتابعون المسلسلات الرومانسيه والتركيه وعلبالكم صج يحبونكم

الواحد اذا حب يحب بنت الجيران لانه يعرف ممشاها ويعرف اخلاقها بس مايكلمها
والا يحب وحده معاه بالجامعه لانها محترمه

اتوقع هذا درس لج ولغيرج
رفيجاتج تخلو عنج
وانتي قلتي انهم تخلو لانج ماتطلعين معاهم
اهلج عطوج الثقه وانتي مو قدها
الله يهيدج ويصلحج ان شاء الله

:eh_s(15):