شسوي لامن حبيبي ولا اهلي ولا رفيجاتي

[دلوعة الكويت90]

انا بنت عمري 22 سنه مثل وايد من البنات حبيت واحد ومعاه من سنه تقريبا قبل فتره قصيره اهلي طاح علي وشاف تلفوني ومسجاتي ومسجات رفيجاتي عن شباب وصور وسوالف وايد كانوا اهلي مايدرون عنها طبعا تهزات وبغيت انحرم من الكليه وخلوني ادوام شرط ماكو تلفون ولاطلعات ولا سياره يعني سجن مع اعمال شاقه وداخل البيت الوضع زفت اخواني كلهم كارهيني اتحاشا امر يمهم والحب يوم قتله بالي صار معاي تخلى قال مامنها فايده الضاهر دام ماقدر اطلع ومشاكل خاف علا نفسه يمكن كرهته من كل قلبي يوم طحت بمشكله اول من تبرى وفوق هذا قبل فتره وحده اعرفها يت قالتلي حبيبج مرقمني قتلها عليج بالعافيه ودقيت تفلت عليه وقلت كل الكلام الي يبرد جبدي ورفيجاتي كلهم طلعوا مصلحه لان ماقدر اطلع معاهم صاروا مايسالون وخافين اعم عليهم الا وحده وقفت معاي واهلي حاطيلي خطابات يبون يزوجوني بس كل الي قاعد ييون اعجبهم بس مايعجبوني لاعت جبدي واحس ابي اوافق علا اي احد بس عشان اطلع من البيت مادري شسوي تتوقعون ترجع الثقه اتحمل ولا اتزوج اي واحد وخلاص تكفون قولولي شسوي وايد تعبانه من كل شي

 

[ام فواازي]

تستاهلين اللي صار وحمدي ربج جت على جذي
مثل وايد بنات بعمري< من قاص عليج وقايلج هالحجي غير هالبنات الصيع اللي مايفكروون باهلهم
عيب استحي امانه شلون مقابله اهلج بعد سواد وجهج؟
ارضي باللي يرضون فيه اهلج والله ماشاءالله عليهم اهلج معطينج حرية الاختيار
واستغفري ربج عن ذنبج

 

[ام الدرر]

حبوبة
خلي اللي صار يكون درس لج ولغيرج
تبين الله يفرج همج ويرزقج اللي تتمنين
نصحي رفيجاتج اللي ماشين بنفس الدرب وقولي لهم قصتج
عسى الله يستر عليكم ويهديكم ​

 

[ام عفاف الكويت]

هذا درس لج بالحياه
ماكو شي اسمه احبه ويحبني
اللى يحب يدخل من الباب
ماينط من الدريشه
ورفيجاتج مع احترامي لج يعتبرون رفقات سوء
الاخت فرحانه رقمها ؟ الحمدلله والشكر
احسن لج افتكيتي منهم
والحين الزم ماعليج ياحبيبتي
دراستج
رضا اهلج وربج قبل كل شي
وان شاء الله لاتخررجتي مليون خطاطيب بيطقون بابج
توج صغيره والعمر جدام
لاتضيعينه بحب وخرابيط لاتوكل عيش
وخلج مومنه ان الحب عن طريق تلفون وطلعات ومغازل مامنه فايده
اللي يبيج يدل باب بيتكم

 

[ماتغير شي]

شــوفي حبيبتــي آنتي كل شي سويتيهـ غلط بغلط رفيجاتج اقطعي علاقتج معاهن واختاري رفايج غير ' آنا اللي مستغربه منه بعد ماتخلى عنج حبيبج شحقهـ ادقين عليهـ ..! واحد قاعد يقص عليج يبي ياخذ اللي يبيه ووووبس لو صج يحبج جان تقدم لج واصلآ علاقتج معاهـ بكبرهااااا غلط واحمدي ربج اهلج ساكتين عنج للحين ،، إذا ياج نصيبج لاترددين استخيري وتوكلي على الله والله يستــر عليج واحب أقولج شغلهـ اللي صار لج درس تعلمي منه واهتمي بكليتج ووووووبــس

 

[Decoded]

انا صارلي نفسج وتبت بس صدقيني مع الايام بترد الثقة واحسن بعد والله انا اكتشفت انه الحياة بدون حب احلا وخلج مع رفيجاتج وحاولي تحاجين امج واخوانج وتفهمينهم وتقوليلهم انج تبتي انا والله حاسة فيج بس لا تتزوجين الحين صدقيني بيردولج الثقة انتي توج صغيرة استانسي قبل ما تتزوجين و موفقه حبيبتي

 

[دلوعة أبوهآ]

آلله يعينك

 

[" ام حمود "]

حبيبتيء غيري حياتج واللي صار لج درس ..
الحين عرفتي منو معاج و منو اللي مو معاج .. كملي دراستج ومالج شغل
بأحد ومافي حب بالايام هذي تركي هالسوالف والخرابيط اللي براسج
وانتي باين عليج رفيجاتج مخربينج .. غيري رفيجاتج ومالج شغل فيهم
واستغفري ربج وروحي صلي ركعتين والله يوفقج وينور حياتج

 

[لحظآتَ]

انتِ مفروض تستانسين وتحمدين ربج
إن الله كشفه وصحيتي من الغفله بأقل الخسائر المُمكنة !!
لذلك لا تندمين ابداً ,

وبالعكس لو أنا منج أستخير وأوافق عالزواج ,
عيشي تجربة جديده بحياتج وقطي الماضي ورا ظهرج ,
وشدي حيلج بدراستج حطي حرّتج فيها عشان ما تحسين بفراغ : /!

والصديقات أمانه عليج شتبين بناس مصلحجيه ؟
خسارتهم ربح !!
يعني هم ويا اللي اسمه الحب هذا , خسارتهم أكبر ربح والله !!


لذلك فكري بإيجابيه , وموفقه بكل الأحوال : )



,

 

[بطوووطة$بيضة]

حبيبتي ميخالف كلنا نغلط

ويمكن اللي صارلج خيرة

انشالله كل هذا مع الوقت راح يتغير

الله يستر عليج وعلينا

 

[سفييره الكويت]

اهتمي بدراستج وبعدها يحلها الف حلال لا تفكرين لا باهلج ولا بهذاك مستقبلج وبس والله يعوضج باللي احسن منه

 

[اميره1980]

ترا اللي صارلج خيره و الله
الحين عرفتي ان حبيبج للمصلحة و بس و رفيجاتج مصلحجيات
يعني الحين بين الزين من الردي
الله يحبج صارلج هالموقف و يمكن ربي كتبلج ان يطيحون عليج علشان توقف المصخرة هذي و ما تستمرين عمية للأبد

الحين حبيبتي عرفتي ان ماكو حب صح ؟؟
خلاص هذي اخر مره تتعرفين على واحد و توبي توبة نصوحة و بايدج تردين ثقة اهلج فيج بالمشى سيدة و يبين عليج ترا اذا تبتي و لا رديتي للطريج العوي
و اذا تقدملج واحد زين توكلي على الله و وافقي
موففففففففففففقة

 

[*ريــان*]

الله يهديج ويصلح بااالج.......

 

[بيلسسان]

انتي قلتي
"اول من تخلى عنج اهو"

يعني ولد كويتي ومخه مخ خليجي
بيرضا يتزوج بنت استهانت بشرفها وسمعتها
شنو يضمن له انج ماتكلمين غيره.!!
وشنو يضمن له انج بتكونين الام المثاليه لعياله اللي حاملين اسمه
اذا واحد قال لوحده يكلمها انا بخطبج
اقصص ايدي اذا صج يبيها
فيها خير والا هو فيه خير يتزوجها ويخطبها باقرب وقت
كله جذب بجذب
وانتم تتابعون المسلسلات الرومانسيه والتركيه وعلبالكم صج يحبونكم

الواحد اذا حب يحب بنت الجيران لانه يعرف ممشاها ويعرف اخلاقها بس مايكلمها
والا يحب وحده معاه بالجامعه لانها محترمه

اتوقع هذا درس لج ولغيرج
رفيجاتج تخلو عنج
وانتي قلتي انهم تخلو لانج ماتطلعين معاهم
اهلج عطوج الثقه وانتي مو قدها
الله يهيدج ويصلحج ان شاء الله

 

[قمر بيت أبوها]

اهم شي ان الاقنعه طاحت قدامك وماتقدمتي بالعلاقه اكثر من كذا
واهلك اقعدي معاهم قعدة مصارحه قولي صديقاتي اثروا علي بهالسوالف
ومن هالكلام
واشغلي وقتك بشي يفيدك ترا المستقبل قدامك طويل

 

["غـَّلآۅِي ♥~]

ألصصرآحة ششوي الي سسوهـ فيج .!

غيرج حتى الجآمعة مآخلوهم يطبونهـآ !!

وأنتي غلط بعد ششنو سوآلف حب و صور ششبآب .!

أخذيه درس لج و أسستسمحي من أهلج وأخوآنج وأمج وأبوج لييييل ونهآر يمكن يرضون عنج !


,’​

 

[* بنت المطر *]

مشكله لا صار هالموقف مع الاهل تظل نقطه سوده بحياتج قليل منهم بينساها حبيبتي حاولي تعتذرين من اخوانج مره ثانيه

وتطلبين منهم يسامحونج خلي اللي براسهم يطيح قوليلهم قصوا علي بنات ابليس وانا اتعظت وزعلكم على راسي كلميهم واحد

واحد وبروحكم عشان يسهل عليج الموضوع ترا اهم شي الاهل وانتي خسرتيهم وجربتي لاالرفيجات انفعوج ولا اللي عادته حبيب

 

[nawal 2011]

تستاهلين اللي صار وحمدي ربج جت على جذي
مثل وايد بنات بعمري< من قاص عليج وقايلج هالحجي غير هالبنات الصيع اللي مايفكروون باهلهم
عيب استحي امانه شلون مقابله اهلج بعد سواد وجهج؟
ارضي باللي يرضون فيه اهلج والله ماشاءالله عليهم اهلج معطينج حرية الاختيار
واستغفري ربج عن ذنبج

:rgewrg:

حمدالله والشكر عليج خفى على البنت شنو تستاهلين اللى صار استغفرى ربج ترى الله يبليج بالله حاشهااااااا حمدالله والشكر على هالرد البنت نفسياااا تعبانه وانتى تكملين عليهاااا يكفى اللى فيهااااااااااااااا وانقرصت من دنيااااااااا مشكله بعض بنات ردودهم للاسف تهجم وشماته ومايدرون الشماته بترجع لهم من الله الله يهديج بس


الله سبحانه وتعالى قال (( ارحم من فى الارض يرحمكم الله فى السماء )) (( انه الله غفور )) والدين نصيحه .... الله يهداج على ردج هذااااااا ما اقول غير الله يهديج بس

 

[ماركة انثى‘]

انتي قلتي
"اول من تخلى عنج اهو"

يعني ولد كويتي ومخه مخ خليجي
بيرضا يتزوج بنت استهانت بشرفها وسمعتها
شنو يضمن له انج ماتكلمين غيره.!!
وشنو يضمن له انج بتكونين الام المثاليه لعياله اللي حاملين اسمه
اذا واحد قال لوحده يكلمها انا بخطبج
اقصص ايدي اذا صج يبيها
فيها خير والا هو فيه خير يتزوجها ويخطبها باقرب وقت
كله جذب بجذب
وانتم تتابعون المسلسلات الرومانسيه والتركيه وعلبالكم صج يحبونكم

الواحد اذا حب يحب بنت الجيران لانه يعرف ممشاها ويعرف اخلاقها بس مايكلمها
والا يحب وحده معاه بالجامعه لانها محترمه

اتوقع هذا درس لج ولغيرج
رفيجاتج تخلو عنج
وانتي قلتي انهم تخلو لانج ماتطلعين معاهم
اهلج عطوج الثقه وانتي مو قدها
الله يهيدج ويصلحج ان شاء الله

معاج بكككل كلمه :eh_s(15)::eh_s(15):

 

[•» عزتے تهينگ «]

الله يكون بعوونك ..~