شسوي في بنكي المعفـــــــــــــن....حدي منغثه

[قـہۈه فـرنسيـہ™]

السلام عليكمـ ,,,

العيد علييييييييييكمـ مباركـ ,,,وكل عام وأنتم بخييير,,,

مالكمـ بالطويلهـ ,,

سالفتي مع البنك( الوطني) صار لها 4 شهور ,,,وكل مره أقول بصبر بس الحيين خلاص طفح الكــــــــيل,,,

من شهر 6 اللي فات ,,, أول ما ينزل راتبي يحجزون عليييييييييه ....ليش ؟؟ماأدري,,, وأدق عليهم يتعذرون ويقولون غلط بالسستم ... أوكي بلعتها أول مره ,,,شالوا الحجز ثاني يوم ,,,

سافرت شهر 7 ,,, ولما جيت بسحب من هناك يطلع العمليه مرفوووووووضه ,,,ليش ماليش ,,,وأدق عليهم وأنا هناك ,,

تخيلوووووووا ,,,نفس المشكله ,,, عصبت أنا مسافره وبحاجة الفلوس اليوم قبل بكره ,,يقولون اختي ما نقدر لازم نرسل لج طلب وثاني يوم ينشال الحجز ,,,:eh_s(14):
هم بلعتهااااااااااااااااا ...


وصارت معااااي نفس السالفه شهر 8 ,,وعصبت واستنفرت وقلت يالوطني بيني وبينكم المحاااكم ماهي حاله ,,,حلالي وناشبتوني فيهـ ,,,
وكالعاده شالوا الحجز ثاني يوم واعتذروا ودق علي مدير الفرع واعتذر وقال امسحيها بوجهي ماراح تتكرر ...


..والحييييييييييييييييييييين ...تخييييييييييييييييييييييييلوا مو نزلوا المعاشات قبل وقتهاااا ..._03BA:
قبل أمس رحت السوووق وتقضيت ولما جيت بحاااسب بالكنت كله يطلع العمليه مرفووووضه ... تفشلت طاح وجهي قدااام الناس ...وأخلي الأغراض عند الكاشير ...وخانقتني العبره ...وأدق على البنك ,,,

توقعواااااااا شنو قااالوا ,,
ايه انتي محجوز على معاااااااااشج ,,, :eh_s(1):

والله دمعت عيني من القهر ,,,
قلت شالحل ,,,قالوا الحييييييييين ما ينشال الحجز الا الأحد اللي بعد العييييييييييييييييييييييييييييييييد:krkrkr:
شنووووووووووو بكييييييييييفكهم...قلت حق الموظف هذي فلووووووسي أنا حاطتها عندكم أمااااااااانه مو بكيفكم ولا هو حلالكم...ومو كل مره بطووووووووف ,,,

الحييييييييييييين حلفت والله ما أخليهم بحالهم ,, ولا راح أطوووفها لهم ,,,أبي أشتكي وأبي آخذ حقي وأبي تعوييييييييييييييض ,,,

بس شلووون ؟؟

عطوني آراءكم شسوي ,,,​

 

[رورو الحلوه]

انه اعطيج الحل غيري بنكج و روحي بنك اسلامي شلج بالبنوك الربويه

 

[شويهينه]

ياحليل التمويل والله انه شي



بس انتي لاتضايقين خصوصا بتجيج ثروه عقب هالحجز خخخخخخخخخخخخخخخخخخخخخخخخخخخخخخخخخ

 

[*أم*خالد*]

سئلي محامي اهوا أدرى بهالأمور

انا بنكي الوطني وماصارت معاي الحمدلله .. بس اذا مو مرتاحه فيه غيريه

 

[~*~الملكة~*~]

عيدج مبااارك

شي يحر

بس المفرووض من تكررت سالفة الحجز تروحين البنك وتشوفين شنو السالفه

رووحي ان شاءالله بعد العيد البنك وراجعييييهم مو تحليين السالفه بالتلفووون

لأ رووحي واستفسري عن السبب

وان شاءالله يحلوون مشكلتج

 

[الكادي 1981]

ــولي التمـويــل وريحي عمـــرج

 

[costa chic]

وحده من رفيجاتي يمكن 3 مرات يدزون لها مسج ان تم تغيير الرقم السري بنجاح و كل ما تراجع يعتذرون و يقولون ان غلطانين

 

[بحر الرمال]

يمكن عندج فيزا او ماستر؟ او ماخذه منهم قرض؟
اذا مو جذي روحي اشتكي
بس لو تحطين محامي هم راح يكلف عالاقل 500 -800 بس يمكن يطالب لج بتعويض حلو
استشيري محامي و شوفي شيقول

 

[كوارين]

انا بنكي الوطني ما مر علي جذي

 

[كـلا كـلا]

سبحان الله هذا والوطني كل من يمدحه!!!
روحي التمويل او بوبيان
والله يعينج على هالعطلة من غير معاش

 

[بيتي بوب بس كويتيه]

انا بنكي الوطني ووايد مرتاحه منه
عاد صارت لريلي هالسالفه بس من بنك التمويل وكان اصلا مسافر واهناك توهق

 

[waterfall]

انا صار معاي نفس الشي سنه كامله واهما يقولون حجز حتى لما اراجعهم يقطوني من واحد لي واحد ومحد عطانى حق
مع انه ما كان عندي قرض ولا عندي مديونيه بس اول من دشينا الالفيه حولت بعد ما طلعو روحى طبعا

 

[EartH AnGeL]

حبيبتي حولي حسابج بنك ثاني وارتاحي

بس استفسري شنو السبب مو معقولة مني والطريج يحجزون على الراتب اكيد في غلط بالموضوع

 

[وجدان الكويت]

شوفي اذا ماعليج قرض او فيزا روحي قوليلهم ابي براءة ذمة بحول بنك ثاني والسبب وهقتكم لي بكل معاش وشوفي شلون يتصروعوون من هالسالفة اختي مرة سوتها بالتمويل مادري شنو كانو مسوينلها والله لوعوا جبدها كل شوي داق عليها احد

ياربي هالوطني عمري ماشفت احد يمدحة ليش مادري !!!

 

[قـہۈه فـرنسيـہ™]

مشكوووووووووورين بنات ... الله يعطيكم العافيه ,,,وسالفة اني محوووله أكييييييييييييد بحول عقب هالسالفه ,,, بس أبي آخذ حقي منهم مابي حقي يضيييييييييع والله قلبي احترق كل شهر وهذي حالتي معاهم والحييييييييييين يقولون ما فيه شي الا بعد العيييييد,,,يعني حتى فلوووسي حرموني منها ,,, فوووق شينهم قوات عينهم ,,,ماراح أخلي الموضوع يعدي على خيييييييييييير,,, بنشر سالفتي بالوطن انطروا الجريده الأيام الجايه ,,,

ترى ما علي قررررررض ولا ماخذه فيزا ,,,حسبي الله عليهم

اختي الملكهـ ,,,أبوي راجعهم وقالوا له ماراح تتكرر ,,,

 

[جوزائيه مغروره]

اي شي

انتي حاجزين على معاشج

اختي حاجزين على بطاقتها ليمن تكمل 21 بتاريخ 24-9

انزين انتوا شكو؟

ابووي راح عفسهم وما رضوا يطلعونها

انا انحشت منهم ورحت بيت التمويل وحديييييييييييييي مرتاحه من هالنصابين

كانوا يسحبون مني 6 دنانير كل شهر

لانه ماعندي فيزا وماستر واذا نزل راتبي تحت 100 دينار

غثيثيييييييييييييييييييييييييين

 

[جوزائيه مغروره]

اي صج تذكرت

روحي الوطني الرئيسي بالديره وصعدي فووق وقدمي شكوى

انا سويت جذي لما وحده تشتغل عندهم تطلع لي فيزا وماستر بكيفها ومعاملتي مالت البنك تتاخر لما بحول

 

[زلابيا]

صج شي يحرررررر


ما تنلامين ..


ناطرين شيصير معاج ..

 

[فجر الغلا]

سهله غيري بنكج وبس
والله يوفقج

 

[life1]

حبيبتي طمنينه شنو صار معاج