السسسسسسسسسسلام عليكم ورحمة الله وبركاته
شلونكم خواتي ... ويارب تكونون بصحه وعافيه
خواتي مالي عقب الله والوالده مصدر أسراري ورفيجتي وحبيبتي ألا أنتم لأن ودي أسمع أراء وايد ومابي أتسرع بأي قرار أخذه .
السالفه بنات انا صارلي جم شهر أملجه الفال لكل البنات وليما ألحين ماأتحدد العرس لضروف مرض والده ومرافقته له بالخارج وعسي الله يشفيه ويشفي كل مريض يارب .
السالفه مبلشه بدوامي أنا الحمدلله معروفه بدوامي أستحي من ضلالي وماأحب أحتك وايد بالرياييل مو عن شي لأن أنا طبعي أستحي وماأحب أحاجيهم الأ للضروره وشي يخص العمل قبل جم شهر تعينت عندنا بنيه بس بيني وبينها السلام وعليكم السلام وتصدف أتمر صوب مكتبنا لأن مكتبنا تكرمون أللي بيروح دورة المياه السيدات يمر صوبنا وكل ماتمر توقف وتسلم علي وشلونج وشخبارج جنها تعرفني صارلها فتره صراحه البنيه دشت قلبي بأسلوبها الراقي وبشاشة ويها فكنت أقعد أسولف معاها عند الباب عن الدوام وعن الحياه بشكل عام وأحيانا أدش عندي بالمكتب نطلب قهوه نسولف وصارت علاقتنا حلوه أخذت رقمي وصار بينا علاقه طيبه فصرنا موود أذا فقدتها رحت لها لمكتبها فلانه وينج أنا طالبه ريووق تعالي نتريق وأهي نفس الشي بعد أيام لما علاقتنا تطورت البنيه أدق علي وتقول فلانه أنا متحطمه بواحد وودي أتزوجه ويصير النصيب أنا كنت أقول عادي حلم كل بنيه ولاأكتشف تحاجيه أقولها فلان ليش مايتقدم تقول أهلي مايزوجون هالعايله أوكي شكو عيل تحاجينه خليه يولي عقب مادري الا يدق تلفونها وتسولف مع واحد أنا ماسألتها جان أهي تقولي تدرين هذا منو قلت لأ منو قالت فلان واحد معانا بس يشتغل بمكان ثاني أنا أهنيه بصراحه حييييل كشيت منها قلتلها أنتي جم واحد أتحاجين قالت لا أتحطين في بالج هذا بس أستهبل عليه شغل خبال أذا بستانس قلت لها صبري خليني أستوعب شنو شغل خبال سمعتج خبال قالت عادي ماراح يبلغ احد قلت شدراج ظامنته ووايد أييها تلفونات ندمت أني عطيتها ويه عقب جان أدق علي جان تقول وينج قلتلها بالبيت قاعده قالت بطلعين قلت أحتمال اتمرني رفيجتي ونروح نتسوق قبل العيد قالت يابختج قلت ليش قالت أنا أخوي مايخليني أطلع وأروح وأذا جكاني طالعه مع رفيجاتي يذبحني قلت ألحين يخليج أداومين من بيتكم ألي أخر الدنيا وأداومين بسيارتج ومايخليج تطلعين مع رفيجاتج وقالتلي مايدري عن تلفوناتي جان تقعد تقولي قصص تخوف أنه أكثر حاول يذبحها بالمسدس بس أمه وأبوه يردونه وسوالف تخرع وأنه أتييها مسجات تهديد من شباب ماتعرفهم بيذبحونها صج صج خلتني أكش منها قمت أحاول أخفف من علاقتي معاها أذا دقت قلت فلانه مشغوله فلانه بطلع مع أمي وماتفتهم اذا مارديت علي الموبايل اشتغلت واتس أب ليش أون لاين ردي قامت تطلعلي بالبخت حاجيت أمي بالموضوع قالت حاولي بأي طريقه تبتعدين عنها وقطعي علاقتج بالمره ولاالمصيبه البنت لزقت قامت أتييني كل دقيقه مكتبي وأذا شافت مراجعين شباب يايين يوقعون أوراقهم تنزل وأنا علي مكتبي تبوسني بطريقه تلوع الجبد أموووووووووووووووووح أطلع صوت تبي تلفت أنتباهم أنا أحس ويهي بينقص ماقدر أرفع راسي من الفشيله ويهي يصير ألوان وتقعد تتحرش أشكره جدامي فلانه عطينا ويه أنا أهنيه أبي الأرض تنشق وتبلعني جان أقولها فلانه عيب وعيب البنيه خفيفه وموحلوه بحقج عشان باجر تنخطبين قالت انا مورايحه فيها شقصدج قلت لها انا قلتلج وكيفج بعد هالشرح المفصل انا بقطع علاقتي فيها بدون كوارث تذكر شلووووووووووووووون أخاف باجر تتحجي فيني عند العالم ...
وماتقصروون
