شسوي حاسة بفراااغ عاطفي؟؟

[a7la-elbanat]

الله يجبر بخاطرج
حاولي تتلزقين بريلج عشان يحس

 

[هيفو777]

والله انا نسيت شي اسمه عاطفه وحنان
امي توفت وانا صغيره واختي اكبر مني بوايد يعني حسبت امي بس عصبيه وكلا تصارخ عمري ماحسيت انها تحبني وكلا تذم فيني واذا عجبها شي انا مسويته ما تمدح انا تعوت على طبعها بس الفراغ محطمني
لا ام ولا زوج صار عمري فوق الثلاثين ولا عمري شفت احد خطبني
وانا اصغر وحده باخواني عمري ما حسيت بالدلع مثل باجي البنات بس ماقول الا الله كريم

 

[منو انت]

دقي علا فوزية الدريع تعطيج العلاج

ليش فوزيه الدريع تحل المشاكل بالتليفون :bbbiu:

 

[سكوتي بذوقي]

قولي له اللي حاسه فيه

الله يسخره لك يارب

 

[رحيل المرافيء]

عادي صارحيه لي متى يعني
قوليله ناقصني عطف وحنان وحب
وانتي بعد حضنيه وفرغي عواطفج فيه ياحبيبي ياقلبي لاطلع بوسيه ولادخل بوسيه
لاطالعتوا التلفزيون لميه بحضنج
شلون قايلة العواطف

 

[أملي بعد الله]

استغفري وادعي إن الله يسخر قلبه وحنانه لج ويحنن قلبه عليج

وعندي لج حل صغيرون

لميه واحضنيه وهو نايم

قربي راسج من كتفه وهو نايم او قربي صدرج من ظهره وغمضي عيونج وتنفسي بهدوء وشمي ريحته وتخيلي إن الحناان منه يسري مع أنفاااسج وبترتاحين