شسوي حاسة بفراااغ عاطفي؟؟

[7oorq8]

السلام عليكم

حاسة بفراغ عاطفي شسوي تعبت انا متزوجة وام بس حاسة بفراااغ راح يقتلني

ابي عواطف ابي احساس ابي ريااال احبه ماكو شي

تعبت من البجي والله تعبت

حاسة اموووت اريح لي

 

[زوجة عزيز]

انا بعد نفسج حاسه بفراغ مكرهني حياتي

 

[iLLuMinaTion]

الله يعين

 

[mannawy]

شوفي الخلل وين وراجعي نفسج وكلمي زوجج بالموضوع. الله يصلح الحال

 

[زيـــنـــه]

والله همن انا احس بملل من هالفراغ

 

[دلوعة يدها]

و عليكم السلام و رحمة الله

ماعليه حبيبتي هذي حاله عاديه
انا لي حاشتني اقعد اشوف افلام و اكل برد اللي ايون تب صغير (( بدايه الحاله عالخفيف مثل ما اقولون))
ريلي اول ما اشوفني جذي اقولي فاقده حنان تبين المج
ابتسم و اسكت لان كاشفني لو ما اتكلم
و اوقات اروح لامي لي رضا ريلي و انام بحضنها والله ارتاح بشكل مو طبيعي

اول مره صار فيني جذي
حاشتني حاله مو طبيعيه قبل رمضان كانت بس بجي و استحي اقوله ان حاسه بفراغ
اخاف اجرحه او ان يضحك علي او يفهمني غلط و هم كنت استحي
كنا ببريطانيا لين الحين ما رجعنا
مسكت قراني و قعدت اقرا والله ان ارتحت و راح اللي فيني

نصيحه
مسكي قرانج و ربي اسهل امورج و اوفقج و اهدي سرج و اريحج يارب
و يبعد عنج كل هم و حزن و كدر انتي و كل البنات يارب​

 

[سفيره الكويت]

بيدكم تغيرون رياييلكم بيدكم وادعي الله يهديهم وحاولو دايما تسعدونهم وان شاء الله يصحى ويتعدل لج

 

[حبيبي مالكني]

تقربي لرب العالمين
فرشي سيادتج وصلي
وإقري قران
وراح تلاحظين اشلون راح ينشرح صدرج
من تقرب الى الله تقرب الله اليه

 

[الأميرة جوري]

عادي صارحيه ..انا مرت علي باول زواجى لايهال ولا دراسه وهماهو مشغول ومو يمى مو ليه ليمن قلت له وصارحته الحين علججججججج

 

[توتا الكتكوته]

دقي علا فوزية الدريع تعطيج العلاج

 

[7oorq8]

مادري تعبت
قلت حق ريلي ماتفهمني ابد

يقولي انتي ما يرضيييج شي؟

تعبت من الدنيا أستغفر الله العظيييم

 

[7oorq8]

عادي صارحيه ..انا مرت علي باول زواجى لايهال ولا دراسه وهماهو مشغول ومو يمى مو ليه ليمن قلت له وصارحته الحين علججججججج

انزين انصحيني شقوووله؟؟؟
أبي كلام يوصله

 

[tooooma]

خواتي في حال انج اتييين اتصارحين زوجج بالفراغ افضل من لا سمح الله انه الانسان يقع في خطيئه

وبعدين بالعقل اطلبي الشي المعقول من الزوج حتى بالمشاعر وقدري هذا الشي يمكن احنا ازواجنا ماعندهم الكلام المعسول

بس يحاولون يعوضون هذا النقص بالهدايا والخ.... احنا مجمتمع العادات فيه ماتسمح انه انكون نفس مجتمعااات الغرب

يعني انا اختي اتشوف فلم هندي ومشهد مؤثر مطر والبطل يلم حبيبته اتقول ليش زوجي مايسويلي جذي

اللي بوصله للجميع خلج قنوعه باللي ربج كاتبه لج والصلاة وقراءة القرآن اهم بوابة السعاااده للانسان

 

[نور الكوثر]

الله يجبر خاطرج

 

[فوفو22]

اشرحي اكثر المشكله

اللي ادت للفراغ

فوفو

 

[الأوركيدة]

عادي حبيبتي اهو ريلج مو احد غريب المفروض يكون اقرب انسان لج واذا هو ما حن عليج ولمج تروحين لمنو بالله
روحي انتي له بادري روحي له تدلعي عليه ارمي نفسج بحضنه هدي كل الحواجز اللي مفرقتكم وصدقيني مافي رجال يعوف الدلع .

 

[وردة^الكويت]

كان حسبالي بروحي

 

[| حور آلمطيري |]

وشلون نسد هالفراااااااااااااااغ ؟؟

 

[رقـة الاحسـآس]

قصدج مش رومانسي؟
ترا نحن نموت ع حركات الرومانسيه
مره قريت مقاله لناعمه الهاشمي بما معناه انه اذا هو مب رومانسي
عيشي انتي رومانسيتج
مب لانه هو ما يسوي خلاص معناتها انتي تخلين هالشي
لا بالعكس طلعي الرومانسيه كلها اللي فيج
ولو في كلام تبين تسمعينه منه
حاولي جي باسلوبج و بدلع تخلينه يقولها جنه بيبي تعلمينه الكلام لوووول

واكثر مكان ترتاحين فيه هو حضنه لان خلقنا من ضلعه فنحس بالراحه فهالمكان
عوديه تحضنينه
طلعي شي اخترعي شي يعني تتشاركون فيه لو صغير
بس وجوده قربج و مشاركته لج لو شو ما كانت صغيره بيكون لها اثر في قلبج

حاولي من صوبج
اذا انتي كلمتيه و هو قالج انتي ما يعيبج شي
خلاص لا تكلمينه
حاولي بالافعال طبعا بدون ما يحس انه انتي تبين شي من ورا هالشي
سوي الشي من قلبج و لا تتريين رده فعل
طلعي مشاعرج و كل اللي فخاطرج

 

[مـزآج ــــية]

حاولي تشغلين وقتج و عاطفتج ما تنصب ع الزوج فقط
نوعي بين زوجج و عيالج اذا عندج او اهلج و صديقاتج

الله يشرح صدرج