شسوي بنتي والمعاكسات ما في فايدة انصحوني أمانة

[طرطعانه]

خلي البنت تعيش حياتها .. بس ديري بالج انها تطلع مع احد

والا تروح اماكن بروحها .. يعني لاتطلع الا معااج

ولمن تكبر بتعقل من روحها

 

[om fares]

البنات ماااقصورو ردودهم كلها صحيحه بس اضيف عليهم دايما ذكريها بموضوع السمعه والشرف ومكانتها بالمجتمع ونظرتهم لها لما تشوه صورتها والبنت السنعه والراقيه ترفع نفسها عن هذي التصرفات

 

[برنسيسة زمااني]

راقبيها عدل و خلي ريلها بريلج

طلعاتج كل معاها لا تهدينها

وشيلي مفتاح غرفتها

و نصيحها نصايح بهدوء

والله يستر عليها وعلى بنات الناس يارب

 

[! بــدويه وآآيــد !]

،


حبيبتي بنتج الزف مآنفع فيهآ !

والثقه مآنفعت معآهآ !


خلج شديده معآهآ واحرميهآ من كل شي وحتى مفتآآح غرفتهآ اخذيه منهآ

خلج على هـ الحآل اسبوعين خليهآ تقول بين نفسهآ انج كرهتيهآ لأن البنآت هذآ تفكيرهُم


وبعدين كلميهآ وتفآهمي معآهآ وقولي لهآ الثآلثه ثآبته وبخلي ابوج يذبحج


والله يستر عليهآ ويهديهآ


ويعينج على مآ ابتلآج

 

[abo0osha]

انا اقوول احسن حل (الطـق ) لؤوؤل

 

[ام عباير]

الله يعينج على اللي طايحه بنتج فيه
اعتقد ان تسهيل الامور للمراهقه
مثل التمشي المجمعات على غير ضروره ومعنى
و فتح عيونها على آشياء امبجر انها تعرفها
و اخطر شي ( التيلفون ) !!
غلط غلط غلط بنت توها بالمدرسه وياها تيلفون
الاغلبيه بهالعمر مراهقه ومشاعرها متخبطه
اي شاب يغازلها بكلمتين راح تصدقهم وتدق عليهم بسسسسرعه !

الله يعينج ويعين الجميع على التربيه الصالحه

 

[candeya]

احنا مبرة طريق الايمان تقدرين اتخلينها تطوع معانا في دروس خفيفه لهم او نشاطات او يمكن تستفيد او تاخذ اجر او ربي يغفرلها بمجرد قعدتها او ييتها اذا حابة اتعرفين اكثر دزي عالخاص

 

[lovely jojo]

الله يعينج بس لازم تقتنع ان اللي اتسويه غلط وكلمي رفيجاتها وخرعيهم

 

[العين الكحيله]

مآينفع معآهآ الآ العين الحمرآ

 

[al-musk]

احرميها ودخليها دورات دينية وصحبة صالحه

 

[عاشقه رويشد]

البنات ماقصروو والله يهديها

 

[على الدنيا سلام]

اخذيها بالسياسه لا تشدين عليها نصيحه لانها مو حل تعلمين ابوها عطيها الثقه انا قبل كل اعصب واحاتي خواتي بس والله كل شي بالسياسه ورافجيها بنتج هذي في فترة مراهقه اعرفي رفايجها وخلي خواتها يرافجونها ترا الصاحب ساحب ...الله يبعدها عن هالسوالف ......

 

[βάđrè 3Łěκ]

الله يههداها

اخذي الفون منها وحاولي تفهمينها انه غلط

 

[قَلبيْ صُويبكْ !]

,


آلله يهديهآ لج ويصلحهآ ~

 

[مهااوى]

اختي ما ينفع معاها الا الشده والزف ولا تكلمينها خير شر وقولي لها ان الناس قامت تتحجى فيها خرعيها وابجى يعني سوى فلم سوى نفسج ان الضغط ارتفع عندج وتميرضي كم يوم وراح تحس بالمسئوليه بس بينج وبين نفسج واذا كلمتج قولي لها ان وحده من رفيجاتج كلمتج وقالت عنج كلام وانها فضحتج جدام الناس صدقيني هذا الحل وحاولي تعرفين منها يوم كانت صغيره في احد متحرش فيها ولا لا الي صارت عندها ردت فعل انتي طبقي الي اقولج علي وشوفي النتيجه اما سالفة تتقربين منها ومن هالسوالف كلام ماخوذ خيره هذى بنت مو لد تعطينها فرصه وكل شوى تجربين حل حطى ببالج انها بنت واذا نا نفع قولي حق ابوها صدقيني ما ينفع الا الابو يا ما اعرف بنات من مشوا بالطريج هذا والحين نادمات عنسوا ببيت اهلهم بسبت السنعه الي راحت وادرى كلامي قوى بس هذا الحل عندج كذا بنت انتي وخافي يمشون ممشاها

 

[الولو]

البنت تسوي اللي بالها لو تصكين عليها امية باب صيري صديقتها ونصحيها قولي لها اشكره الريال يفكر بالجنس ماكو حب هالايام

 

[الولو]

وادعي لها بالهداية دعاء الام مستجاب

 

[مريانا ام ماريا]

حبيبتي هذا سن مراهقه وطبيعي تمر فيه انا لو بنتي اصادقها وافهم الي تبيه من علاقتها بالشباب ترى الزف عمر ما يفيد ومرحله وبتعدل وطبيعي بهالعمر جدا البنت او الولد يعيش الحب ويحتاجون للحب ادري بتزعلين مني بس انا واقعيه ودايما احط نفسي بمكان عيالي وافكر بنفس جيلهم مو جيلنا احنه الي ما نعرف وين الله قاطنا

 

[law love]

اول شي لازم تكلمينها كمره عوده
قوليلها انا و ابوج عطيناج الثقه و للاسف طلعتي مو قدها و ابوج لو دره بالسالفه يمكن يصير فيه شي حتى الدواوين ما راح اروح لان اسمك بصير على كل السان (هالشي بخلي ضميرها يصحى)
و اول شي تليفونها لا يصير عليه قفل على طول يكون موجود جدامج تقدرين تبطلينه
و دارها ممنوع تتسكر حتى لو تدرس تخليها مبطله
واي طلعه حتى لو الجمعيه انتي معاها
وقولي حق ابوها ابيك تشد على البنات شوي كبرووو

 

[غرشة عطر]

انا ردي قووووووووووي تحمليه












































ماينفع حرمان بنتج متمرده وتري بتعود ليما تكبر وحتي لي تزوجت يمكن ماتترك هالطبع ومن شب علي شي شاب عليه اهي الحين كبيره اكسري راسها ولوانا منج اعلم ابوها اخليه يغسل اشراعها لاتخافين ماراح يذبحها بيسطرها كم سطار وبيدوس بطنها ولا انها بكره تسوي لنا مصيبه الصراحه الحين الاهل اهم اللي يخربون البنات اقسم بالله كلهم تلفونات ولابلاك بيري واي فون حنا كبار ماعندنا مثلهم واعمارهم تحت ال17 سنه شتبي بالتلفون انتوا عطيتيهم النار بايدهم واذا احرقتهم قمتوا تدورون حلول والله لوتفحط بنتي ماتشد التلفون الا لي دشت الجامعه بس عشان الطريج ولاب توب مافيه عندنا كمبيوتر واحد بوطاوله ينثبرون عليه وابشرج بعد مافيه شبك خخخخ يطبعون شغلهم ويلعبون ويعينون خير ولابغت شي من النت مواضيع انا اسوي وياها واطبع لها الصراحه الزمن يخرع ويسحب البنات والعيال قبلهم يمه انا وحده اخاف علي اعيالي بشكل كبير والواحد لازم يخاف علي بناته حتي لوتعطينها الثقه كل شي يخوووووف تلفونات مغازل +لاب توبات شاتات وخرابيط ومواقع اباحيه ياناس ارجعوا لزمنا قبل اللي مانعرف لاتلفونات ولاخرابيط مدرسه ونرجع وبس ولاسينما ولاعفنيوز ومخلب لوووول حق الخبال والسوق معانا امي وابوي بعد الحين بعض المتزوجات كل وحده عندها بوي فريند موكفو رجال واعيال


الله يصلحها يارب ويهديها لج ويستر عليها وعلي بناتنا وقولي لنا اخر التطورات وسامحيني قسيت عليج بالرد بس احتريت تخيلتها بنتي اذبحها والله موتهديد وبسسسس