شسوي بالعيش في ورق العنب مو راضي يستوي ..!!!

[fsamn]

مرحبا بنات
/
/


عندي مشكله في المحاشي

خصوصا ورق العنب .. والملفوف

لما اسويه والفه واطبخه .. العيش ما يستوي ... ليش ؟؟؟

صرت احمس العيش مع الخلطه علشان يستوي ولو شوي ما كو فيده لي الحين يابس

وصرت انقعه نص ساعه تقريبا قبل لا احطه علي الخلطه لكن المشكله ما زالت قائمه

الي عندها طريقه سهله واكيده تساعدني ..


مشكوووووووووووووورين

 

[بنت الونان]

يمكن انتي تحطين ماي شويه كثري الماي بس بحد معقوول ..

واضغطيه بصحن وانشالله تضبط معاج ..

اختج بنت الونان ..

 

[طيرشلوا]

حبيبتى المحاشى ماتخلين الماى قدها لازم تزيدينة وبعدين غطية بغطا اصغر شوى من الجدر الى انتى حاطتة وحطى فوقة شئ (انا احط النجر علشان ماتطلع المحاشئ يعنى يمسكها علشان ماتطلع فوق وتفكك) ولاتخلين النار عالية
لازم توطينها لان النار العالية تحرق الاكل وماتسوية
تدرين ان ورق العنب والمحاشى اخليها اقل شئ ثلاث ساعات علشان الطعم يطلع لج شئ
وتطلع ورقة المحشى ذايبة عن تجربة روعة

 

[(طيبه)]

اذا تبينة بسرعة يخلص ويصير لين ولذيذ طبخي العيش مع بهاراتة نص استوى وبعدين حشي وبالعافية

 

[غلاي غير]

نقعي العيش نص ساعه
والخلطه الماي لازم تطبخينها وتصير حاره
وصفي الورق العنب بس لايكون مرصوص حيل عند بعض
وصبي الماي على ورق العنب
وفوقها تقريبا اصبعين وبعدين غطا الجدر اصغر من الجدر الي فيه ورق العنب وفوقهم ثقل وقصري حيل على النار وخليه يطبخ ساعتين ولين ينشف الماي

 

[روتيل]

انا دايما افوحه نص فوحه

 

[fsamn]

مشكوريييييييييين

حبيباتي علي المعلومات القيمه

مع اني سويت كل الي قلتوه الا ان فيه معلومات كانت غايبه عني

تحيااااااااااااااااتي للجميع