شسوي أأخر ولدي سنه بس يتأسس ؟ ولا ادخله أولى ابتدائي واتابعه ؟

[& مــشــايــخ &]

السلام عليكم

شلونكم ؟

ماشاء الله الأيام تركض واحنا مانحس فيها

وعلى أساس بدخل ولدي روضه خاصه بأي مدرسه ثناؤية اللغه بس الله ماكتب صارت لي ظروف وتأجل كل شي

وتلاحقت على ولدي على آخر شي بس ماقدرت ألحق لما وديته المدرسه الباكستانيه اليوم وسوو له اختبار قالو لي

ولدج لايمكن يدخل اولى ابتدائي مستواه مايتناسب مع مستواهم وقالو لي ندخله الحين kg2 وعالفصل الثاني لما تبتدي

عندهم السنه لان الباكستانيه تبتدي السنه عندهم من شهر 4 عد يروح اولى ابتدائي

انتم شرايكم بنات؟

 

[الفنانه79]

رد : شسوي أأخر ولدي سنه بس يتأسس ؟ ولا ادخله أولى ابتدائي واتابعه ؟

لا طبعا دخليه اولى ابتدائي حكووومه حرام عليج اتأخرينه عن اليهال اللي كبره مالج شغل بكلامهم دخليه وتابعيه من اولى ابتدائي وودي مكان ايأسسه لج بس انج اتأخرينه لاحرام باجر لي كبر ولقى كل اللي كبره سابقينه بسنه بيعاتبج وبيصير بقلبه وعااااد شنو يفهمهم ان انتي كنتي تبين اتأسسينه
لا لا حرام خليه حاله حال اليهال

 

[صبا الهوى]

up up up

 

[أم@الحلوين]

لا حرااااااااااااااام وديه شنو تأخرينه تروح سنه من عمره@@
وديه الحكومه ومن اول السنه جابليه وأسسيه ودخليه القاعده الحلبيه وغيرها وصدقيني راح يتأسس 100%
والله يوفقه يارب

 

[& مــشــايــخ &]

مشكورين بنات عالمرور

عاد تدرون اختي تقول لو يتأخر سنه بس يتأسس عدل لان ولدها نفس الحاله وتقول كاا قاعده تقط عليه دم قلبها من فلوس حق المدرسين تقول ياليتني خليته بالباكستانيه حتى لو يتأخر بس يتأسس عدل

 

[&دلوعة القمر&]

انا مع البنات حرام دخلية حكومة والعصر جابلية اودية القاعد حلبية اوفي هدية تقوية العصر كل المواد
وتعبي والسنة الي واراها ودية اي مدرسة انتي تحبينها

 

[قوس المطر]

رد: رد : شسوي أأخر ولدي سنه بس يتأسس ؟ ولا ادخله أولى ابتدائي واتابعه ؟

لا طبعا دخليه اولى ابتدائي حكووومه حرام عليج اتأخرينه عن اليهال اللي كبره مالج شغل بكلامهم دخليه وتابعيه من اولى ابتدائي وودي مكان ايأسسه لج بس انج اتأخرينه لاحرام باجر لي كبر ولقى كل اللي كبره سابقينه بسنه بيعاتبج وبيصير بقلبه وعااااد شنو يفهمهم ان انتي كنتي تبين اتأسسينه
لا لا حرام خليه حاله حال اليهال

نفس راي الفنانه

 

[كويتيه عالي سماها]

استخيري حبيبتي
انا ولدي اخرته سنه ودششته الباكستانيه بسم الله عليه متفوق وشاطر وعايش طفولته وفيه نفس حالته
وما شاء الله تبارك الرحمن ماني متحسفه
والحين دششت اخته اولى روضه معاه
اللي تشوفينه بصالح ولدج سويه وان شاء الله يكتب لج اللي فيه الخير
بس لازم تكونين مقتنعه مو تسوينها وتتحسفين
واهم شي انج بتستمرين معاهم ع الاقل الابتدائي
بالتوفيق

 

[& مــشــايــخ &]

مشكورين بنات

الله يكتب اللي فيه الخير

بس هم بسمع بعد آراء

 

[ms gucci]

رد : شسوي أأخر ولدي سنه بس يتأسس ؟ ولا ادخله أولى ابتدائي واتابعه ؟

لا تأخرين الولد دخليه حكومة بعدين يا بنات الباكستانية تصلح بس حق تأسيس الروضة لأن الجهال ما يقدرون يتحملون فيها أكثر من جذي ويكرهون المدرسة لأن ما فيها أنشطة وبسبب كثافة المنهج والواجبات فيها .... عادي حتى لو ولدج ما تأسس روضة يتأسس في أولى حكومة صدقيني أنا مدرسة ودرست أولاد صاروا أشطر بوايد من الي تأسسوا في روضة خاصة لا تحاتين توكلي على الله وتابعيه في أولى أول بأول وراح يصير متفوق بذن الله الروضة مو أساس هي مجرد تمهيد ... الأساس في أولى

 

[رووحي لغاليها]

رد : شسوي أأخر ولدي سنه بس يتأسس ؟ ولا ادخله أولى ابتدائي واتابعه ؟

حراااااااام عليج دخلية حكومة وانتي حاولي تاسيسنة ودشيشية القاعدة الحلبية حرام انا راحت علي سنة وقعدت طول عمري اعاتب اهلي بس سنة تخيلي والحين انا موظفة والامور ماشية دخلية ولا تفكرين تضيعين علية شي الله يوفقة ويخلية لج وتشوفينة متخرج من الجامعة يارب

 

[& مــشــايــخ &]

آمين ياروحي

أقنعتوني بنات

 

[& مــشــايــخ &]

فووووووووق

 

[& مــشــايــخ &]

الجازي احس انج فاهمه الموضوع غلط ههههههههه بس مشكوره ماقصرتي

واسدحي لنا رقم بومحمد يمكن بعض البنات يستفيدون

 

[m'3rOoOra]

حبيباتي ممكن سوال عن القاعده الحلبيه وينها ؟؟

انا غشيمه اول مره ادرس بنتي وودي اساسها صح