شسوووى مع بنتى ورفيجاتها

[عزة نفسي]

بناااااااااااااااااااااااااااااات



متعقده من بنتى عمرها 7 سنوات


كل يوم ترد من المدرسه تبجىى لين تناام


وكرهت شى اسمه مدرسه


اول ماكنت تقول شى بس تفجاءة منها

كل يوم سباااحه بالحمام ليل نهاار



مادري شفيه

وسالتنى قلت اللى يسبح كل يوم يصير ابيض


بنااات بنتى حلوه سمره

وشعرها اسود

واليوم بذات يتنى تبجىىى


وتقوول البناااااااااااااااات يمه يطقوون ويقولون ياااللى العبده ويالخدامه ويالوسخه ماااااااااااتسبحين


وتقول انااا مالى رفيجات وفعلا ماله احد بالمدرسه لا بنات عمى ولاغير

بس بطه جبدى اخاف تحوشه نفسيه وماتصير عندها شخصيه

حتى اخوانه بالبيت يقولون بالسودانيه

:eh_s(14):

ماادري شسوى

معه

ابي حل ياابنااات

وهل فيه كريمات صحيه تفتح مع انه موسمر حيلل:tek:

 

[cat-girlq8]

حبيبتي شهالحجي الله يهداج
ياهل شنو مع الكريمات
قعدي معاها قولي لها حبيبتي مالج شغل فيهم ولونج حلو وقعدي هديها تري هالاشياء وهالتصرفات دايما تكون بالبدايه يابروضه او الابتدائي
او اذا بنتج متضايقه من هالمدرسه حوليها مدرسه ثانيه

والله يعينج

 

[زيـنـه]

اولا نبهي كل اللي بالبيت لا ينادونها السودانيه او اي لقب ثاني

و ثانيا نبهي اللي بالبيت و نبيهيها انه هذه خلقة ربها و مالها اعتراض عليها و ذكريها بالايه و خلقناه في احسن تقويم .. يعني لو كانت ابيض و لا اطول و الا اي صفه ثانيه يمكن ما كانت بتكون احسن من خلقتها اللي الله خلقها عليها .

ثالثا روحي للمدرسه و خل الاخصائيه تنبه البنات اللي مضايقينها .. و الابلات ينبهون بدرس و الا بحصة الدين و الا بالاذاعه على عدم الاستهزاء بالغير او يعيبون على خلقة الله .

رابعا دوم مدحيها .. و حسسيها انه اذا الله خلقها سمره فلابد تكون فيها صفات ثانيه غير الشكل الخارجي مثلا شاطره ذكيه تحب الرسم تحب اشغال يدويه .. يعني حسسيها انه فيها اشياء اهم من الصفات الخارجيه او المظهر .

و ان شاء الله تتعدل حالتها .

 

[katko0ota]

مع احترامي لج اختي

الغلط منج انتي , انتي المفروض اتنبهيييين الي بالبيت ما ينادونها بهالأسم ( و لا تنابزو بالألقاب) قوليلهم الله و الرسووول ما يحبون الي يعايرون الناس و ما بالكم اختكم ,

و من ناحيه المدرسه كلمي الأخصائيه الأجتماعيه او النفسيه و اهما لهم طريقتهم الخاصه في معالجه الأمور الي مثل هذي

و اخر حل انج تنقلينها بس ماني شايفه انج من الصواب انج تنقلينها ليش ان الموقف يمكن يتكرر بالمدرسه الثانيه.

تحياتي

 

[بتبوتااا]

رايي من راي زينه

 

[رهوف]

حبيبتي يا حلاتها والله

اللي تقدرين تسوينه انج تقوين ثقتها بنفسها انا صار لي موقف شبيه مع بنتي لما لبست النظارة اوووووووووف الله لا يوريج تبجي وكرهت الطلعه وبالذات لناس معينين عيالهم ينادونها ام اربع عيون

شسويت قمت اقولها عمرج شفتي انسان كامل ماكو اللي قصيرة واللي متينة واللي شعرها خشن ووصيتها لما احد يقول لها جذي ترد وتقول لهم مشكورين على الحسنات اللي عطيتوني اياها

وانا لو مكانج اوريها صور بنات سمر وحلوين مثل بيونسي وصدقيني كل شي بإيدج وياما راح تشوف بالمدارس فلازم تكون قوية وتعرف شلون ترد

 

[كويتيه مذهله 87]

اول شي تسوينه لازم تعلمين اعيالج ما ينادونها يا السودانيه

وثانيا لازم تروحين حق مدرستها وتكلمين الخصائيه ما يصير جذي

 

[lolocati]

شي غريب!!!!ثلث ترباع الكويت سمر مايصير جذي.....شدعوة الي معها شقر

عشناا وشفنا..

 

[ChOcoLaTe 'n MarShMaLlOw]

وووووووووواااااااااااااااااي حرام عليهم

و الله روحي المدرسه و دشي عند الاخصائية و قوليلها عن اللي صار

حق بنتج.. و فهمي بنتج انتي لونج حلو .. حاولي انج تقنعينها

و قول حق اخوانها لا يعلقون عليها

و زفيهم

 

[нάγoηά cнεмίsтяγ]

واي حبيبتي ليـش جذي يعاملونهـا .. الله يحفظهـا ويخليهـا لج انشـالله
مثل ما البيـاض له حلاوتـه السمـار بعد له حلاوة .. بس المشكلـة الصغـار شلون يفهمون هالشي !
بسرعه يتأثـرون باللي حواليهمـ ..

يا بعد عمري كسرت خاطري .. انتي كلـه مدحيهـا ومدحي لونهـا
أو مدحي أي بنت سمـره ثانيـه جدامهـا قولي لونج ماشالله شحـلاته
تكلمـي مع احد ثاني عن السمـار إن أحلى من البيـاض

وشكريماتـه البنت صغيـره الله يحفظهـا .. بس المرطبـات اليوميـه تنفع
كلـه رطبيهـا ودهنيهـا و رتبيهـا و عطريهـا عطر حلـو وقوي عشان لا يقولون عنهـا وصخـه
صج مايستحـون هاليهـال .. ينانوة مو يهـال عيـال هالوقت ..
وعليـه باجر إتعقد من لونهـا والا شي .. لازم تعلمينهـا شلون شخصيتهـا تصير قويـه
و أهم شي تكون واثقـه من نفسهـا .. باجر تكبر انشـالله وتنسى ..

إذا اللي داخل البيت معقدينهـا بهاللقب شلون ما اتعقد بره البيت ؟
الله يهديهم

 

[*_*cute bug*_*]

وااااي شهاليهاال ليش يعيبون خو صج وريها ممثلات سمر حلوين وختقوول حق البنات الي يعيبون انه اهيه حلوه نفس الممثلات لوووول

 

[جوك احلى جو]

دايما حسسيها انها مميزه وفي فنانات بامريكا من اختاروهم من اجمل نساءالعالم وهم سمر مثل بيونسيه والحلوه تايرا بانكس يهبلووووون

واسمحيلي الغلط منج يعني شلون ترضين يغلطون عليها بالبيت حرام وقفيهم عند حدهم

 

[عزة نفسي]

يسلمووو بنااات


اي والله متعقده بنتى


كله بحمام تسبح تسبح


اليوم تقول موبي صفى

 

[معكرونه أسبكتى يم يم]

وعليه عورت قلبي

البنات ماقصرو .......... وترى انتى عليج المسؤليه لازم اتحسينها انها قمر واتهبل لان الطفل امه هى منظرته اللى يشوف نفسه فيها

 

[<<love>>]

كلام زينة عين العقل

 

[Fantazya]

اولا نبهي كل اللي بالبيت لا ينادونها السودانيه او اي لقب ثاني

و ثانيا نبهي اللي بالبيت و نبيهيها انه هذه خلقة ربها و مالها اعتراض عليها و ذكريها بالايه و خلقناه في احسن تقويم .. يعني لو كانت ابيض و لا اطول و الا اي صفه ثانيه يمكن ما كانت بتكون احسن من خلقتها اللي الله خلقها عليها .

ثالثا روحي للمدرسه و خل الاخصائيه تنبه البنات اللي مضايقينها .. و الابلات ينبهون بدرس و الا بحصة الدين و الا بالاذاعه على عدم الاستهزاء بالغير او يعيبون على خلقة الله .

رابعا دوم مدحيها .. و حسسيها انه اذا الله خلقها سمره فلابد تكون فيها صفات ثانيه غير الشكل الخارجي مثلا شاطره ذكيه تحب الرسم تحب اشغال يدويه .. يعني حسسيها انه فيها اشياء اهم من الصفات الخارجيه او المظهر .

و ان شاء الله تتعدل حالتها .

نفس الحجي والله يعينج

 

[رفرف]

انا من راي زينة

 

[oranGe~Girl]

اعمري عمرها فديتها

انارفيجة امي بنتها رفيجة اختي

وسمرة ماشاالله تهبل وشعراها ناعم أسود

وصح يعيبون عليها للاسف تخلف

أمي تقول لها لونج لون العسل لو انتي مو حلوة جان بنتي ماصارت رفيجتج

وين قاعدين احنا واااااااي تقول عنصرية

 

[الهما]

شهالحجي شنو كريمات من صجج !!!!
قعدي مع بنتج تفرغي لها على الاقل 4 اشهر ردي الثقة بنفسها
روحي معاها طلعي معاها و ريها صور ناس سمر و بنفس الوقت ناجحين في حياتهم علمها ان البياض و المظهر مو كل شي
وريها ناس بيض فشلوا في حياتهم
و اقترح عليج اشتريلها شي يميزها بالمدرسة
مثلا جنطة مميزة اقلام غريبة تخليها مميزة ترا ساعات هالاشياء تزيد ثقتها بنفسها

 

[jolie_q8]

كريمات !!!

هذا اكبر خطأ راح تسوينه وراح تفقد ثقتها بنفسها لاخر العمر !!

زرعي فيها الثقة بالنفس وقوليها انتي تشبهيني او تشبهين ابوج .. أو يا حلاتج واسلوب المدح اللي

تستخدمينه عاة حق عيالج

ولا تفرقين بينها وبين اخوانها وخليهم يتعلمون هالشي منج

والمدرسة كلمي الاخصائية او حتى ابلتها اللي تحبها علشان تقعد وياها وتكلما

واذا كلش كلش خل تقولج اسامي البنات اللي يضحكون عليها وعلمي عليهم الاخصائية بالاسم

ومع هذا لازم تعلمينها ردود حلوه تزيد ثقتهاب النفس ..وعلشان تقدر ترد على أي احد

يستهزئ في شكلها وخل يكون الرد دبلوماسي ومقنع

ويحرج البنات

(الحمدلله هذي خلقة ربي - انا شايفة روحي حلوه ولوني عاجبني وعاجب اهلي ...الخ )

ودايما خليها مرتبه ونظيفه وساعديها علشان اتفوق وتصير أحسن وحده بالصف

علشان تكون مميزة بين البنات

والله يخليها لج ويحفظها من كل شر