شســوي .. امــــــــــــــي طاحت علي

[The Boutique]

:0bee2e8d89:




بنات ضايق حلقي

انا عندي قطو ذكر ونثيه

من يبتهم البيت وانا وامي خناق ماتبيهم
لين اخر الوقت طخت شوي

المشكله انها من شهرين ولدت ويابتلي ماشاءالله 5
وانا خاشتهم ماتشوفهم
اليوم شافتهم وصار النون ومايعلمون
الا تطلعينهم


وانا متوهقه حدي متعلقه فيهم ووايد يعنون لي شي
لو كان عندي احد قريب من اهلي يعني بنت خال او عم تبي اعطيها يعني اشوفهم عالاقل واتطمن
بس ماقدر اعطيهم احد ماعرفه
قلبي مايطاوعني
اخاف مايوكلونهم ولا يهملونهم
وانا حدهم مدلعين عندي اكلهم ماشتريه الا من مركز سلطان
احبهم وايد وايد مونسيني ومجابلتهم
انا لو اقدر اثنينه عالاقل امشيهم او 3
بس منو اعطيهم ومابي اوزع كل وحده على بيت يستاحشون هذيله صغار

شسوي شسوي
والله متضايقه وايد وايد وااااااايد حتى بجي بجيت

يكسرون قلبي والله مولدتها على ايدي بس بموووت :eh_s(14):

 

[xXBountyXx]

حبيبتي

الملجأ يقدر ياخذهم منج ويلقالهم احد يتبناهم

ويهتم فيهم

بس ما أضمن لج انه اذا تبنونهم راح يكونون كلهم في بيت واحد!

فالغالب راح يتفرقون!

بس احنا حريصين انه اللي ياخذهم يكون قد المسؤوليه

ويهتم فيهم عدل




على العموم احنا موجودين بأي وقت

ممنوع كتابة الايميلات

تقبلي مروري
xXBountyXx

Mini She.lters

 

[AmOoNa-]

حبيبتي انتي قنعيها تخلين الام والابو دامج مربيتهم بس سويلهم عمليه عشان مايبون عيال
واليهال عقب شهرين تقدرين تفصلينهم عن امهم ولاتخافين ماراح يستاحشون بالعكس راح يتعودون عالبيوت اليديده بسرعه لانهم صغاار

 

[كويتية كشخة]

حرااااااااااااااااااااااااااااام
ليش جذي قنعيها مايصير جذي حني حني حني حني عليها لمن ترضى

 

[bint_looda]

اقدر شعورج

 

[The Boutique]

لا ماقدر اعطيهم ناس ماعرفهم
تخيلاو توني شلعت نفسي من الفراش جسمي يعورني ويتني صخونه كل مافيني يرجف
فكره اني ماعرف منو بياخذهم تخليني اين

ماتعرفون مكان يبيع بيوت لهم عالاقل اخليهم بالحديقه جدام عيني؟

 

[بنت رجــــآل]

يااااااربي
احنا عائله كلنا نحب القطاوه شكثرهم عندنا
مايصير لازم تقنعين امك

 

[The Boutique]

امي عدوها اللدود القطاوه
وانا القطاوه عندي مثل عيالي
الحين بروح افتر ادورلهم بيت

مابي مابي ماشوفهم 24 ساعه جدام عيني

 

[sHa6o0ra]

ياتستغنين عنهم كلهم وتوزعينهم على البيوت او ابتدي خليهم يطلعون بالسكه شوي شوي عقب اسبوعين بتلاقينهم بالشارع مايبونج لا اهما ولا عيالهم عالاقل بالحوش امج ماراح تعصب مثل بالبيت وبنفس الوقت انتي كل شوي تتطمنين عليهم

 

[سكارف.فوشي]

اي في تروفاليو اليديد روحيلا في القسم مال القطاوه على الارفف فوق بيوت حق الجلاب وينفعون حق القطاوه مو غالين بعد وراهي ووسيع وايد حلو وحتى شكله حلو
وتقدين تروحين حق حداد يسويلج جبره متر بمتر رخيصه تسوينها وتحطينها شرايج
ولما يكملون 3 شهور بيعي اليهال وخلي الام والابو ولا تسوين لا عمليه ولاشي خليهم على راحتهم بس عزليهم عن اهلج ولا تخلينهم جدام عيونهم عشان لا تتذكر وتقولج قطيهم

 

[daloo3ah]

الـــــــــــــــــحنه تييب لج الشي ليييييييييين عندج >> تجربه شخصية <<

 

[The Boutique]

ياتستغنين عنهم كلهم وتوزعينهم على البيوت او ابتدي خليهم يطلعون بالسكه شوي شوي عقب اسبوعين بتلاقينهم بالشارع مايبونج لا اهما ولا عيالهم عالاقل بالحوش امج ماراح تعصب مثل بالبيت وبنفس الوقت انتي كل شوي تتطمنين عليهم

شطوره اقولج ماتخيل نفسي بدونهم شلون تبيني اوزعهم وبعدين قطاوتي وايد جبانين لاني ماعودتهم على بره مره طلعت الذكر بمشيه شوي حط اظافره بزنودي لين صباو دم
واذا طلعاو بالحوش مالهم رده بعد بيهجون من قطاوه الفريج الهمج

 

[The Boutique]

اي في تروفاليو اليديد روحيلا في القسم مال القطاوه على الارفف فوق بيوت حق الجلاب وينفعون حق القطاوه مو غالين بعد وراهي ووسيع وايد حلو وحتى شكله حلو
وتقدين تروحين حق حداد يسويلج جبره متر بمتر رخيصه تسوينها وتحطينها شرايج
ولما يكملون 3 شهور بيعي اليهال وخلي الام والابو ولا تسوين لا عمليه ولاشي خليهم على راحتهم بس عزليهم عن اهلج ولا تخلينهم جدام عيونهم عشان لا تتذكر وتقولج قطيهم

مشكوره سكارف رحت توني من شوي تروفاليو البيوت اللي بابهم شبك ؟؟ واهم بلاستك
مايكفون اهم ماشاءالله 7
انا كلمت نجار باجر بييني
اخاف امي ان شافتهم بره توز احد من الخدم يطلعهم بسوي قفل !!
بس تعالي وسويلهم باب ودريشه تطلين عليهم وتدش شمس
ومروحه عن حرنا اللي ماله موديل
والله ابتلشت
بس انا مو حمل حنه ورنه امرض بسرعه :0bee2e8d89:
وبعدين ماقدر اسويلهم عمليه انا اخاف عليها وحرام اعذبها
افكر 3 من اليهال اوزعهم بس بشوف
لان امي حنتها مو صج
مقعدتني من النوم العصر
لا امي قلبت وحش مو امي اللي اعرفها :cxxxp:

 

[The Boutique]

الـــــــــــــــــحنه تييب لج الشي ليييييييييين عندج >> تجربه شخصية <<

عفوا مافهمت :tomato2:

 

[The Boutique]

بنات ابي وحده تتبنى ذكر ونثيه منهم مع بعض مو منفصلين او ذكر ونثيتين
ومابي شي لافلوس ولا بيع ولا شي
ابي بس مايكون عندها يهال عشان مايطقونهم او يمجعونهم
وثاني شي تقسم بالله تعتني فيهم

وبس

 

[ღ كحلاء العين ღ]

السلام عليكم و رحمة الله و بركاته

الله يعينج حبيبتي .

و حاولي تقنعين أمج شوي و قوليلها يمى لا تستعجلين هم راح يروحون أول مرة أشوف يما وحدة نفسج مستعجلة على روحة شيء يجيبلج خير . و كل قطرة ماي عليها أجر و امكن ربنا يرحمنا برحمتنا لهم .

و قوليلها تعطيج شهر عالأقل لإنهم صغار و أفضل و قت لهم لما يكون عمرهم ثلاث شهور و انها اذا تلعتهم قبل لا يكبرون راح تاخذ اثم أي شيء يصير لهم من مشكلات نفسية . ( ههههههههه ) بس و الله صج لأنها لازم تتعلم كل شيء من أمها و أخوانها .

و كلميها عن بعض من فوائدهم و الأجر الي بتاخذه .

و انتي طلعيهم عندها و خليها اتشوفهم و اتشوف لعبهم و حوستهم و قلبها راح يحن عليهم

و حاولي أحيانا تسوين نفسج مشغولة و خذي واحد من الصغار و عطيه أمج و قولي لها حطيه عندج يمة شوي و عطيها أي عذر و روحي و رجعي و حاولي تكون بأوقات هي تكون فاضية امكن تستانس عليهم .

و وصيها توكلهم و تلعب معاهم لكن بطريقة الإحتيال <<< هههههههه حلوة هذي

يعني اهي تلعب معاهم و توكلهم بس اهي ما تدري انها تسوي هالشيء .

و بالنسبة للذكر و النثيتين أنا ما عندي مانع اخذهم و أحطهم بعيوني لأني أنا من زمان ودي بذكر و نثيتين لكن أهلي مو راضين أشتري قطو للأسف.:0bee2e8d89:

المهم قبل لا تبيعينهم و تعطينهم أحد جربي الي قلتلج عليه و بعدين فكري تعطينهم أحد .

و آخر لآخر أنصحج أنج تسوين مثل ما قالت سكارف فوشي تبنين لهم جبرة داخل الحوش
و حاولي تخلينها و سيعة ..(مع اني ما أفضل هالشيء )

لأني افضل القطوة تكون قريبة مني .

و ادعي ربج و قبل تعطينهم احد او تبيعين استخيري .

و شكل قطاوتج يونسون و ترا أحلى الأيام لهم لما يكونون صغار ومع أهلهم .

و مع السلامة .:eh_s(8):​

 

[The Boutique]

كحلا

































نبين يوقف قلب امي اسم الله عليها
تموت خوف من القطاوه ههههههههههههه
تبينها توكلهم
تاكلني انا


اذا تبين قوليلي قلبي انشرحلج
بس اخاف تاخذينهم امج تقلب عليج
ههههههه
بس خوش نصيحه
امي تخاف الله بييلها عن طريق ناخذ اجرهم
الحين خشيتهم فوق عندي غرفه حطيتهم
بس بعيدين
لما ييت انزل واخليهم كلهم وراي
شفتي فلم افواه وارانب جذيه
يوم فاتن حمامه تبجي واهم ايرونها
اانا جذي كلهم وراي يتنهوصون وانا ابجي

يامن شراله من حلاله عله يختج

 

[The Boutique]

كحلا مادري ليش ياني ايحاء على الطريقه اللي عطيتيني اياها

"و انتي طلعيهم عندها و خليها اتشوفهم و اتشوف لعبهم و حوستهم و قلبها راح يحن عليهم

و حاولي أحيانا تسوين نفسج مشغولة و خذي واحد من الصغار و عطيه أمج و قولي لها حطيه عندج يمة شوي و عطيها أي عذر و روحي و رجعي و حاولي تكون بأوقات هي تكون فاضية امكن تستانس عليهم .

و وصيها توكلهم و تلعب معاهم لكن بطريقة الإحتيال <<< هههههههه حلوة هذي

يعني اهي تلعب معاهم و توكلهم بس اهي ما تدري انها تسوي هالشيء ".

ان اسم امي الفريدا ولا فكتوريا
مو حصه ههههههههههههههههههههه
امي ستايل قديم حده

 

[عشيقة زوجي]

حبوبه عورتي قلبي
انا بتبرع اخذهم ذكر نثيه
واهتم فيهم ياقلبي

 

[عشيقة زوجي]

مرت اخوي تعشق القطاوه وبتكون هذي احلا هديه لها