الله ما شرع الطلاق الا ان في حالات فعلا تحتاج الطلاق
و مقولة ابغض الحلا عند الله الطلاق لا اهي من القرآن و لا من السنة اهي جملة تحتمل الخطأ و الصواب
ما ادري ليش الناس مجلبين فيها
طبعا انا ضد الي تطلب الطلاق على امور تافهة و هذي الشي قاعدة اشوفه بالبزارين اكثر شي
بس و الله بيخون اكيد بطلب الطلاق!
الخيانة ما ايي من بعدها الا الامراض الجنسية و اهمال الزوجة شحقه تصبر عليه؟
انزين تعالوا لو المرة اهي الي تخون تتوقعون ان الريال بيصبر عليها على ما تتسنع؟
و لا بيطلقها على طول؟
اصلا الكل بينصح الريال يطلق و اذا ما طلقها الكل بينقد عليه و بيقول عنه مو ريال حاط مرة فالته عنده
اذا الله سبحانه و تعالى ساوى ما بين الذكر و الانثي بالعقاب من ناحية الزنا
نيي احنا البشر و نفرق؟
ليش المرة مجبورة تسامح الريال اذا لعب مع ستين وحدة غيرها و الريال لي جك مرته لاعبة من وراه عادي الكل يقول له طلقها؟
هذا كله من مجتمعنا الذكوري عادي المرة تصبر على خياس ريلها و الريال بكيفه اذا حسها مو على مزاجه طلقها
الحدة تصبر على التدخين, على فوضوية الريال, ممكن ببداية الزواج على عدم المسئولية
بس سالفة خيانة, سب, قذف, طق, سوء معاشرة, هجر لا و الله هني ليش تصبر عليه لانه لو بيتعدل جان تعدل من زمان
لها حق تطلب الطلاق و بنصحها تتطلق
لمجرد اني مقتنعة 100% ان هذا بيكون رايي انا لو لا سمح الله انحطيت بمكانها
لان الله شرع لنا الطلاق بهذي الحالات
الطلاق مو مصيبة و لا اهو عيب
و الي تتحجج بالعيال
وايد عيال الطلاق يكون احسن لنفسيتهم من انهم يقعدون مع اهل بينهم مشاكل مالها حل
