شسالفه ترى مو زين جذي

[يعنني أتغلى]

بسم الله الرحمن الرحيم

بدون مقدمات صراحه في كم كلمه فقلبي بقولها وعن جد مضايقتني هالشغله

والكلام اللي بقوله للمصلحه العامه ومن شي نشوفه وزهقنا وطقت جبودنا واحنا كل يوم

نشوف حاله طلاق ومشاكل بهالمحاكم لها اول مالها تالي

انا من قلبي حابه الخير للكل

ومن قلبي اتمنى للكل السعاده والأستقرار

السالفه ومافيها

هالردود اللي مالها سنع

اي وحده تحط مشكله تجي وحده تقولها دامه مايبيج تطلقي

دامه يخونج تطلقي

دامه مو معطيج وجه تطلقي

مو ناقص الا يقولون دام مايدز لج برود كاست تطلقي

ليش الطلاق صار شي سهل عندكم وليش استسهلتوا الكلمه هذي

وهالشي ابغض الحلال يعني حلال بس لا الله ولا الرسول راضين فيه

والطلاق الله شرعه في ديننا اذا استحالت العشره بين الزوجين

مو والله اذا اي شي صار تتطلق الوحده

والمره مو كل يوم لها رجال

كل وحده تقول تطلقي تحط نفسها بمكان هالبنت تخيلي انج متزوجه شخص بعد مده تتزوجين واحد غيره

ترى الطلاق له ضرر نفسي كبير والانسان يبي له وقت على مايتعود

واحنا نستسهل الكلمه واللي تفكر بالطلاق كـ حل لمشاكلها اقولها انتي شخصيتج ضعيفه

وانتي مو قد المسؤوليه واللي مو قد الزواج لاتتزوج

وطبعا انا ما اعمم على كل الي تطلقت لكل حاله ضروفها الخاصه

بس انا تعليقي على الردود في المشاكل اللي يكبرون المشكله براس البنت ويقولون لها تطلقي

ترى الطلاق مو سهل وما اضن انتي مستعده
تعيشين الباجي من عمرج بروحج

منتي ضامنه تتزوجين مره ثانيه

واذا كان عندج عيال

بتتحملين تربينهم بروحج

والرجال يتزوج ويستمتع بحياته

ماراح يضل على ذكراج يبجي عل الأطلال

لاتخربون حياتكم

الله موجود ارجعوا له في حل مشاكلكم

وماخاب من لجأ الله

عندنا الله رب الناس ونلجأ للناس في حل مشاكلنا

ليش اتجهوا لله في حل مشاكلكم

ارفعوا ايدينكم بالدعاء

والله كريم

هذي شغله

الشغله الثانيه اللي تكتب مشكلتها وتالي

شوفي الردود عاد

اكيد شايف له شوفه

اكيد عنده وحده ثانيه

اكيد عافج

وانتي شدراج باللي بينهم

ليش مانشوف رد اتجهي لربج بالدعاء

قيمي الليل واطلبي ربج يهون مصيبتج

اقري سوره البقره عسى الله ان يصلح مابينكم

ليش مانشوف هالردود

واحنا مسلمين

ليش مافي وازع ديني

يعني اغلب شي اشووفه كل وحده تسوي نفسها استاذه في العلاقات الاسريه

وتعطي وجه نظرها وتمشي

ومن وراها تخرب بيوت وعوايل تنهدم وكل ذنبهم برقبتج وانتي كتبتي رد لا راح ولا جى

اتمنى من قلبي

وكل من قرى هالموضوع اتمنى ماتزيدون النار حطب

وتحاولون تهدون المشكله ماتزيدونها

لان بس شبعت محاكمنا من قضايا الطلاق

واتمنى للكل حياة سعيده برضا الله والوالدين

واتمنى للكل الاستقرار


ارجو رفع الموضوع للأستفاده


دمتم سالمين

:eh_s(17):​

 

[الشيخة@]

يسلمووووووووووووووو
اول وحدة ترد شدعو وينكم بنات

 

[بولندية]

صح لسانج حبيبتي

 

[أتراب]

صادقه
واللي ايده بالماي مونفس اللي ايده بالنار
​

 

[حصه111]

جزاك الله خيرا نعم القول والعقل

 

[zaina alotibi]

والله كلامج عين العقل , للأسف كلمة الطلاق صارت عند البعض مثل شربة الماي ......

 

[۞ F A N T A S Y ۞]

وليش الخيانة صارت شي سهل و عادي ما يحتاج الموضوع لتكبير وو قفة حازمة ؟؟

عن نفسي ما احب انصح وحدة بالطلاق لكن في المواضيع الي تكون نقاش و اخذ راي يعني اذا زوجج جذي
شتسوين و لا شرايكم في الخيانة و جذي اقول رايي بصراحة الخيانة = الطلاق بالنسبة لي

اما غيره لا ممكن يتصلح الوضع يعني الي زوجها مهملها و اللي ما يصلي او يدخن و حابة تغيره تغيره و تدعي له اوكي
بس الي يخون مستحيل اقعد معاه و ما في اي سبب يخليني اقعد معاه شايفه نماذج من الي يستغفلون زوجاتهم
و يلعبون من وراهم لاعت جبدي منهم و كسروا خاطري زوجاتهم لو كنت مكانهم بحس اني مغفلة و مهانة و هالشي
ما ارضاه لنفسي ،، و الي يخون مرة بيخون عشرين مرة : ) بعدين شلون ترضى الوحدة تتعب نفسيا و جسديا و تحاول
ترضي زوجها و اهي تدري انه يخونها ،، ودي اعرف شلون و ليش يرضون ؟؟؟ لأنفسنا علينا حق : ) احنا مو مجبروين
نتعب نفسيا عشان ناس ما تستاهل الي ما يقدر يمسك نفسه عن الحرام مهما حاولت الوحدة و سوت مستحيل يتغير
يمكن البعض يتغير لكن نسبة 1% يعني من كل مئة خائن واحد بس ممكن يتعدل هذا رأيي ،،
بعدين تحسسوني ان خلاص الوحدة بتضيع و تتشتت بدون زوجها !!!
من صجكم ترى مو للهدرجة و كلمة مطلقة ممكن تضايق بمجتمعنا بس فيها راحة و حرية نفسية ،، : )

مثل ما قلت لج الطلاق مو على اي شي في أشياء وايد ما تحتاج و تقدر الوحدة مع الدعاء و الصبر تغيرها بس الخيانة
لا مسألة كرامة و استغفال ما ارضى فيه : )

و الله لو الشباب و الرجال كانوا رجال فعلا هني الوحدة تحاول ترضيهم و توفر لهم الراحة و السعادة و تصبر على
بعض عيوبهم << بالنهاية محد كامل ،،،بس انتو شايفينهم شلون صايرين : ) خصوصا جيل ما تحت 25 مو كفو حق
شي كلش ما اعمم لكن الاغلبية و صعب تلقين واحد ما عنده علاقات شي ناادر ،، ههههه انا توني ما كملت
العشرين و كنت مفكرة ما اتزوج كلش بس غيرت رايي بعد فترة لان مثل ما اشوف نماذج سلبية هم نماذج ايجابية
وايد اشوفها ،، اولهم ابوي الله يخليه ،،

و بس هذا رايي انا معاج ان الوحدة تصبر على زوجها و تحاول تغيره للأفضل بس هذا في عيوبه
و بعض سلبياته لكن انها تسامح على الخيانة لا و الف لا : )

انا كثر ما اقدر احاول اتجنب الرد على مواضيع المشاكل الزوجية لان مثل ما قلتي ممكن نرد ردود تخرب
بيوت بدون قصد منا بالنهاية احنا ما نعرف كل شي عن المشكلة و لا نعرف أطرافها عدل

يعطيج العافية حبيبتي و جزاج الله خير

 

[مهمومه92]

وليش الخيانة صارت شي سهل و عادي ما يحتاج الموضوع لتكبير وو قفة حازمة ؟؟

عن نفسي ما احب انصح وحدة بالطلاق لكن في المواضيع الي تكون نقاش و اخذ راي يعني اذا زوجج جذي
شتسوين و لا شرايكم في الخيانة و جذي اقول رايي بصراحة الخيانة = الطلاق بالنسبة لي

اما غيره لا ممكن يتصلح الوضع يعني الي زوجها مهملها و اللي ما يصلي او يدخن و حابة تغيره تغيره و تدعي له اوكي
بس الي يخون مستحيل اقعد معاه و ما في اي سبب يخليني اقعد معاه شايفه نماذج من الي يستغفلون زوجاتهم
و يلعبون من وراهم لاعت جبدي منهم و كسروا خاطري زوجاتهم لو كنت مكانهم بحس اني مغفلة و مهانة و هالشي
ما ارضاه لنفسي ،، و الي يخون مرة بيخون عشرين مرة : ) بعدين شلون ترضى الوحدة تتعب نفسيا و جسديا و تحاول
ترضي زوجها و اهي تدري انه يخونها ،، ودي اعرف شلون و ليش يرضون ؟؟؟ لأنفسنا علينا حق : ) احنا مو مجبروين
نتعب نفسيا عشان ناس ما تستاهل الي ما يقدر يمسك نفسه عن الحرام مهما حاولت الوحدة و سوت مستحيل يتغير
يمكن البعض يتغير لكن نسبة 1% يعني من كل مئة خائن واحد بس ممكن يتعدل هذا رأيي ،،
بعدين تحسسوني ان خلاص الوحدة بتضيع و تتشتت بدون زوجها !!!
من صجكم ترى مو للهدرجة و كلمة مطلقة ممكن تضايق بمجتمعنا بس فيها راحة و حرية نفسية ،، : )

مثل ما قلت لج الطلاق مو على اي شي في أشياء وايد ما تحتاج و تقدر الوحدة مع الدعاء و الصبر تغيرها بس الخيانة
لا مسألة كرامة و استغفال ما ارضى فيه : )

و الله لو الشباب و الرجال كانوا رجال فعلا هني الوحدة تحاول ترضيهم و توفر لهم الراحة و السعادة و تصبر على
بعض عيوبهم << بالنهاية محد كامل ،،،بس انتو شايفينهم شلون صايرين : ) خصوصا جيل ما تحت 25 مو كفو حق
شي كلش ما اعمم لكن الاغلبية و صعب تلقين واحد ما عنده علاقات شي ناادر ،، ههههه انا توني ما كملت
العشرين و كنت مفكرة ما اتزوج كلش بس غيرت رايي بعد فترة لان مثل ما اشوف نماذج سلبية هم نماذج ايجابية
وايد اشوفها ،، اولهم ابوي الله يخليه ،،

و بس هذا رايي انا معاج ان الوحدة تصبر على زوجها و تحاول تغيره للأفضل بس هذا في عيوبه
و بعض سلبياته لكن انها تسامح على الخيانة لا و الف لا : )

انا كثر ما اقدر احاول اتجنب الرد على مواضيع المشاكل الزوجية لان مثل ما قلتي ممكن نرد ردود تخرب
بيوت بدون قصد منا بالنهاية احنا ما نعرف كل شي عن المشكلة و لا نعرف أطرافها عدل

يعطيج العافية حبيبتي و جزاج الله خير

كلامج حلو بس اللي بالاحمر لفت نظري

يعني اذا الريال مايصلي ومايخاف من ربه عادي اقعد عنده !!!! واذا يخون هذا السبب اللي يخليني اتطلق؟؟؟ يعني ماصلى ماخاف من ربه بيخاف مني لا بغى يخووووون:gr4uu:
هذا رايي والاختلاف ف الراي لايفسد للود قضيه ^^
ع العموم الوحده لازم تصبر وتحاول انها تصلح الريال وتدعي له بالهدايه
يعطيج العافيه صاحبة الموضوع وكلامج عين العقل الوحده مو كل يوم لها ريل

 

[ناتشوو]

جزاج الله خير
الطلاق ارتفعت نسبته بشكل مرعب

 

[وردة-الكويت]

جزاج الله خير وصح لسانج

 

[۞ F A N T A S Y ۞]

كلامج حلو بس اللي بالاحمر لفت نظري

يعني اذا الريال مايصلي ومايخاف من ربه عادي اقعد عنده !!!! واذا يخون هذا السبب اللي يخليني اتطلق؟؟؟ يعني ماصلى ماخاف من ربه بيخاف مني لا بغى يخووووون:gr4uu:
هذا رايي والاختلاف ف الراي لايفسد للود قضيه ^^
ع العموم الوحده لازم تصبر وتحاول انها تصلح الريال وتدعي له بالهدايه
يعطيج العافيه صاحبة الموضوع وكلامج عين العقل الوحده مو كل يوم لها ريل

اعرف واحد كان ما يصلي و يدخن و بعد ما تزوج كانت زوجته فيها دين شوي و حاولت تغيره هذا هو الحين يصلي
و حتى الدخان تركه و تغير حتى شكله : ) الي ما يصلي ممكن مو حاب يعصي ربه بس ممكن اهله ما عودوه
على الدين و اذا مرته تحبه تحاول تصلحة بالنهاية هذا شي تعود عليه ،، تلقينه حاب يصلي بس محد كان
يشجعة او يوقف فوق راسه

بس الخيانة غير مسألة كرامة و استغفال ،، و غير هذا مرض عند البعض و انا شايفة نماذج مستحيل و مهما
سوت الوحدة ما يتغير ،، عندج الصلاة مثلا مسألة تعود و ممكن الواحد يتعدل و يصلي بعد الزواج بس الخيانة
مو مسألة تعود أو مسألة اجبار محد طقه على ايديه و قال روح خون و غاالبا الي يخونون ما يتغيرون
و هالشي مثل السم بدمهم : ) يعني وحدة تتعب و ما تحصل شي بالمقابل لا كلام حلو و لا هدايا و لا حياة
عدلة مثل الناس ،، بس الحبيبة لا غير كل شي تحصله ،، المسألة مختلفة و في فرق كبير

عندج الي ما يصلي بس يحبني و ما يهينني صج عاصي بس اقدر اغيره و في امل بالتغيير و الأهم اذا كانت اخلاقه حلوة و يحبني

بس العاصي الي يهييني و يحب غيري على شنو اتعب و احاول اغيره ؟؟؟ اوكي ادعي له بالهداية بس ما اقعد معاه كرامتي فوق كل شي

 

[لجلك سهى فكري]

عين العقل كل كلمه قلتيها صح

جزاج الله خير والله يعطيج العاافيه > ايه ايه حيلج فيهن > استخفن والله



الله يهدي الجميع ويكبر عقل الجميع يااارب



<< طوووووشه

 

[بواسم]

صح لسانج

 

[ناتشوو]

اعرف واحد كان ما يصلي و يدخن و بعد ما تزوج كانت زوجته فيها دين شوي و حاولت تغيره هذا هو الحين يصلي
و حتى الدخان تركه و تغير حتى شكله : ) الي ما يصلي ممكن مو حاب يعصي ربه بس ممكن اهله ما عودوه
على الدين و اذا مرته تحبه تحاول تصلحة بالنهاية هذا شي تعود عليه ،، تلقينه حاب يصلي بس محد كان
يشجعة او يوقف فوق راسه

بس الخيانة غير مسألة كرامة و استغفال ،، و غير هذا مرض عند البعض و انا شايفة نماذج مستحيل و مهما
سوت الوحدة ما يتغير ،، عندج الصلاة مثلا مسألة تعود و ممكن الواحد يتعدل و يصلي بعد الزواج بس الخيانة
مو مسألة تعود أو مسألة اجبار محد طقه على ايديه و قال روح خون و غاالبا الي يخونون ما يتغيرون
و هالشي مثل السم بدمهم : ) يعني وحدة تتعب و ما تحصل شي بالمقابل لا كلام حلو و لا هدايا و لا حياة
عدلة مثل الناس ،، بس الحبيبة لا غير كل شي تحصله ،، المسألة مختلفة و في فرق كبير

عندج الي ما يصلي بس يحبني و ما يهينني صج عاصي بس اقدر اغيره و في امل بالتغيير و الأهم اذا كانت اخلاقه حلوة و يحبني

بس العاصي الي يهييني و يحب غيري على شنو اتعب و احاول اغيره ؟؟؟ اوكي ادعي له بالهداية بس ما اقعد معاه كرامتي فوق كل شي

انا ماالوم اللي تطلب الطلاق علشان الخيانة
بس بنفس الوقت الطلاق
مو حل
ولا يبرد القلب
وهي بنفسها عقب فترة يمكن تطول او تقصر بتلوم نفسها بنفسها
وفعلا القناعات تتغير
مع الوقت والخبرة

 

[۞ F A N T A S Y ۞]

على فكرة الطلاق رحمة للبعض و لا جان الطلاق محرم الحين : )
انا مو مع ان الوحدة تتطلق على اي شي او على اسباب تافهة بس أحيانا في حالات ما يفيد معها الا الطلاق فليش
متمسكين بكلمة لا للطلاق بكل الأحوال ،، اذا المحاكم ارتفعت نسبة الطلاق فيها فهذا بسبب تخلف الشباب و خفتهم
و خياناتهم مو بسبب الحريم في فعلا وايد مظلومين و تعبانين بحياتهم الزوجية الصبر حلو بس حتى الصبر في ناس
تستاهل تصبرين عليها و ناس لا مثل الخونة

ههههههه ما ادري شفيني رديت اكثر من مرة على الموضوع

بس حبيت توصل فكرتي بصورة اوضح يعني ان معاج ان احنا المفروض ما نرد على المشاكل و نعطي آراء ممكن ما
تساعد الوحدة لان ممكن نفهم شي و الواقع شي ثاني و معاج ان الطلاق مو على كل شي بس هم مو بكل الحالات
المفروض الوحة تصبر ،، الدين كرم المرأة و عطاها حقوق على زوجها ،، و الخيانة شي كبير << طبعا انا الي يبط
جبدي و ينرفزني دوم هو الخيانة

بالنهاية هذا رأيي طموشة ممكن يتغير بعدين بس ما اتوقع و الله يبدعنا و يكفينا شر الخيانات : )

 

[~*~الملكة~*~]

عين العقل

يعطيج العافيه

 

[كويتية بروما]

والله صح لسانج
انا عن نفسي ان احترت بالاجابه عن موضوع ادعي لهم بالهدايه وخلاص شكو اشيش روحو تطلقو تالي اتحمل دنبها
بس في بعض مشاكل تحسين حلها الطلاق وصدقيني اللي تبي طلاق ماتحط موضوعها بالمنتدى تشوف لها محامي احسن اهي بس تفضفض
شكرا ع طرحج الراقي عساج دوم تهنين بحياتج

 

[ضحية زمن]

بارك الله فيج و
جزاك الله خيرا نعم القول والعقل

 

[مقمش لولو]

بالنسبه للي مايصلى شلون من الاساس رضوا فيه وشلون ماسالو عنه

دام الفاس طاح بالراس والمره على ذمته خل تصبر وياما رياييل سنعوهم حريمهم الريال اذا شاف المره صابره وسنعه وتدعي له بالهدايه يتغير مايرد القضا الا الدعا وفعلا الطلاق موهين ولاهو سهل


وامهاتنا ويداتنا صبروا وياما سمعنا اول الحريم شلون يصبرون على رياييلهم اللى بالفقر واللى بالخيانه واللى يمد ايده شويه صبر الريال يبي صبر وقوه قلب والله يهدى الحال

 

[رفيقه الأمل]

ياعمري كلامك صح ميه بالميه
شووووفي كلامك عيييين بالعقل بس ياروحي ممكن انتي ماشاء الله عليك
ماجرتبي اشياء علشان تحكمين
مين قااال ان اللي خانها زوجها تطلق تأدبه وان نفع زين وان عادها تطلب الطلاق لأنه هان عليه شرع الله
وكيف اوثق اعيييييش معه والطلاق رحمه لبعض الحريييم اللي زوجها سكييير
والللي زوجها يضربها واللي زوجهااا يشتمها كل ليله
واللي زوجها مايعطيها النفقه كله يبي لهم صبببر
طيب وصبرنا وبعدين لمتى نصبر كان زين اذا غيرناهم
ولكن اذا ماتغيروا اسفه مقدر اضيع عمري معك احاول احلها صح
وقبل ماتخذ باتخاذ قرار الطلاق افكر بمليوووووون مره
على العموم كلام جميل
ابدعتي
موفقه اختيي....