شسالفة الافينيو موضة قصة. شوجي والحريم الكبار بملابس المراهقات .....!

[sweet.sweet]

السلام هذا موضوع مو هوشه اللي بتقول رايها حياها اللي بتجعمني انا صاحبة الموضوع خل تطلع بدون مشاكل احنا بنتناقش بموضوع اوكي يلا بديت الله يسلمكم صار لي جم من يوم اتسوق بالافينيو ولاحظت البنات هابين بقصة شوجي وللامانه في بنات لايق عليهم وفي بنات يماه جنها بالقصه كانت راده من حرب جلحه ملحه والجسم حدث ولا حرج وثقه بنت ....... انتو تعرفون واللي لفت نظري حريم كبار امبيه لابسين ملابس تينيجرز ومسوين تان والوي مشدود جنها توها طالعه من العمليات واتعلج ماشيه مو اجانب لا كويتيات حلوو انه المرا الكبيره تهتم بروحها بس مو بهالطريقه الملفته بمنظر بنت الشابه لانها جد مبين كبرها واضح ........ الحمدالله والشكر

 

[شادنٌ]

رد : شسالفة الافينيو موضة قصة. شوجي والحريم الكبار بملابس المراهقات .....!

نمسك عصا ونلحقهم ونقولهم لبسو وحطو وهذا زين وهذا مو زين ونصير وصايا على العالم ؟

حرية شخصيه

كل من يعبر عن رايه وشخصيته وعقليته


بس مايمنع انج تدعين لهم بالهدايه ولا بطريقه نصح تكون ايجابيه وقبل كل هذا الي ينصح لازم يكون اهو مطبق الحجي الي يقوله


والله يهدينا ويهدي الجميع

 

[aṕriliå]

رد : شسالفة الافينيو موضة قصة. شوجي والحريم الكبار بملابس المراهقات .....!

اي اشوووووووووووووف التقليد الاعمى عندناااا كثراااان

 

[shai5at al3arab]

مو شنو الحين بالعمالة الممثلات يهبون بشي عشان بنات الديرة يقلدونهم

استانسوا على هالحركة

 

[sawaranza]

حريه شخصيه

 

[رزنامه2010]

اى والله الحمدالله والشكر الحريه لها حدود ومحد خربنه غير الحريه وكل عمر له قصات ولبس يناسبه بس شنقول الله يهديهم

 

[marimor]

كيفهم حريه شخصيه يسوون الي يعجبهم
ثانكس عالموضوع

 

[بنت اسكندر]

في ناس حمدلله والشكر يقلدون تقليييييييييييييد اعمى

الله يهدي الجمييع

 

[حنطاااويه]

حرركه شخصيه

 

[زامليه وافتخر]

الله يهديهم ياارب..باجر وراهم حساب وعقاب..الله يجرينا ..من الاعظم بس..

 

[sweet dashttya]

رد : رد: شسالفة الافينيو موضة قصة. شوجي والحريم الكبار بملابس المراهقات .....!

حرركه شخصيه

قصدج حريه شخصيه = صج اهوا حريه شخصيه بس لازم ما تتعدى على العادات وتقاليد مجتمعنا ودينا الاسلامي


ويعطيج العافيه صاحبة الموضوع شنقول بس عشنا وشفنا

 

[العمر راح وتعدى]

رد : شسالفة الافينيو موضة قصة. شوجي والحريم الكبار بملابس المراهقات .....!

مادري شعلق واقول جينا ننصح الصغار اطلعواالكبار ابلى منهم
هم نرجع ونقول حريه شخصية وكيفهم

 

[** باربي **]

ومن حلاة القصه عاااد
جنها فيها جررب بنص راسهاا الثاااني

وويع حرييم كبااار تقولين جنووس استغفرالله

مو كل شي يتقلد
ولا التان كل وحده تلقد ممثلة
جنها طالعه من مستنقع طييين وصخ
صاارت الوصااخه والشعر الاجرب مووضه الحمدالله والشكر ولا الحين الكباار بعد حده وييع

 

[_جولي_]

الحريه الشخصيه مو يعني تتعدى حدودها الدينيه

الله يهديهم

 

[Flower20]

رد : شسالفة الافينيو موضة قصة. شوجي والحريم الكبار بملابس المراهقات .....!

مسوين نفسهم مصخرة للعالم

 

[soso_ksa]

الله يهديهم

 

[فاتووو]

امممممممممم قصه شوجي حلوه

وهم اشوف المسأله حرية شخصية ويمكن البعض يشوفونها تعدي عالعادات و التقاليد

بس انا عن نفسي اشوفها عادي و كل وحده ما راح تسوي الا الشي اللي بخاطرها و عاجبها

مو معناته اني اسوي جذي... بس انا مع الحرية الشخصية و مو عشان الناس احرم نفسي من شي بخاطري طالما انه مو حرام

 

[نعومه حدي]

كلامج عددددل بس شتسون يعني القصه حلوة بس مو على اي احد لايقة
ولا على اي ويه تضبط
بس ماباليد حيلة يعني ماتقدرين تسوين شي على قولتهم حرية شخصية

 

[Flower20]

رد : شسالفة الافينيو موضة قصة. شوجي والحريم الكبار بملابس المراهقات .....!

حرية شخصية ببيتهم وعند محارمهم
مو بالمجمعات

 

[sweet cake]

على كثر روحاتي لـ الافنيوز ما شفت اللي تقولونه !!
لا هالقصه ولا القصير اللي حيل فوق الركبه ولا اللبس الشفاف ولا اللي دايم ينكتب..

ماادري هل لأني اروح اتسوق وتغدا وتمشى مع اهلي واطلع ومادري عن خلق الله .. ولا لأني ما اجي الا من الظهر الى الساعه 5 او 6 واطلع؟؟



عموما هالشي صح يقولون حريه شخصيه بس اذا عالشعر اوكي نقول كيفها شعرها .. بس باللبس المفروض ما يخلونهم يلبسون الا شي ساتر
بتلبس قصير؟ اوكي البسي بس قصير لحد معين..
الضيق ممنوع.. ولا ينسون او يتناسون اننا بديره مسلمه

شوفوا الامارات والسعوديه ما شاء الله .. اللي كلش كلش عندهم الحين صايرين يلبسون برمودا لكن فوقها عبايه .. يعني يبين شي لكن مو كثر اللي تلبس هاللبس بدون عبايه.. بصراحه جذي ارحم

ان شاء الله يفرضون قوانين عاللبس بالاماكن العامه





>>> بس فعلا انا مستغربه لييييييش ما اشوف اللي تقولون عنه !!