شسالفة الافينيو موضة قصة. شوجي والحريم الكبار بملابس المراهقات .....!

[miss-zgrtiya]

رد : شسالفة الافينيو موضة قصة. شوجي والحريم الكبار بملابس المراهقات .....!

لووووووووول والله انا الصراحة يبطوون جبدي الكبار الي مسوين روحهم مراهقات ترا جد حدى مو لايق وقصة شوجي بعد
امبييييييييييييييييييييه .. الله يهديهم بس المفروض الكبيره الحين اتجابل ربها وعيالها وبيتها .. مو هياته بالمجمعات وقصة شوجي وغيرها
استغفر الله
خلو القصات لنا احنا المراهقات

 

[ms-daal3]

رد : شسالفة الافينيو موضة قصة. شوجي والحريم الكبار بملابس المراهقات .....!

الله يهديهم
فعلا مسخره

 

[مفترسه]

رد : شسالفة الافينيو موضة قصة. شوجي والحريم الكبار بملابس المراهقات .....!

تسلمين على هالموضوع الحلو المميز
انا برايي ان هالبنات اللي هابين قصت شوجي اللي حالقين شعورهم كلها
والحريم الكبار اللي يصغرون بسنهم بصراحه بصراحه كل هذا ناقصين عقل
وتسلمين وتقبلي مروري

 

[المهندسة لـولـو]

حرية شخصية صح آمنا بالله بس سالفة انه الوحدة تكون مراهقة بالخمسين مو حلوة بحقها كلش

وعايشه جوها اوكي عيشي جوج بس بالشي اللي يناسبج ولايق على عمرج كل عمر له قصاته ولبسه وحركاته مو اصغر نفسي ولا اكبرها

عشان احفظ نفسي من التعليقات اللي مال امها داعى وافشل روحى واللي يبط الجبد الثقه اللي فوق النخل ماتدري ان الناس ميتة ضحك عليها

يعنى اشحلات المرة ولا البنوته لما تسوى شي يناسبها والناس تمدحها لانها مهتمه بروحها وستايل على قد عمرها وطبعا من نظرتهم اتعرفين

ويسلموووووووو على الموضوع وهذي وجهة نظري وشكـــرااا

 

[انوار87]

القصه مو حلوه بس شنسوي الكويتيين يحبون الهبات
والحريم العياييز مادري والله لاتعليق

 

[$fdaitny$]

رد : شسالفة الافينيو موضة قصة. شوجي والحريم الكبار بملابس المراهقات .....!

أشــوف هالقصـه صار اسمها قصـة شوجـي..

ترا أول من قصها ريانا .. قبل لا تقصـها شوجــي ..

مثـل قصة فكتوريـا بيكهام قبل سموها قصـة حليمـه ..


و ترا عـادي ما فيها شي .. احنـا عمـر مع التقليـد .. و ترا كل المجتمعات المراهقيـن فيها يقلدون الفنانيـن so waht .. الحياه حلـوه..

بس العيوزه اللي متشببـه هذي تلوع جبــدي .. أحس انها ما عاشـت مراهقتها عدل .. الله يكون بعونها









بس مــلاحظـــــه ..

اللي مو مــن الكويــت لا تتدخـل بشؤونا ..


أكثــر من موضوع جذي أشوف يتحجون عن قضيـه أو ظاهره معينـه بالكويــت .. و اييون نااس من براا الكويــت ويسبون .. و يناقشـون ..

ســوري بس احنـا نتحجى عن شي موجود فينا اوكي .. بس غيرنا يتحجى فيها لااا ..

 

[ملآمح يوسفيه]

رد : شسالفة الافينيو موضة قصة. شوجي والحريم الكبار بملابس المراهقات .....!

حريه شخصيه

مشكوره يالغلا على الموضوع ~

​

 

[ScarletteO'Hara]

ما طلعت كلش لا برمضان و لا بالعيد فما شفت الي تقولينه
بس انتي ليش معورة راسج معاهم؟
ترى هبة مردها بتروح و بتيي هبة احسن منها او اسوأ
يعني هالمظاهر الي تشوفينها مؤقته
و مهما كان حرية شخصية ما نقدر نحكم الناس و نقول لهم شنو يلبسون و لا ما يلبسون
حتى لو ما عجبنا الي يسوونه

 

[ii DareeN ii]

رد : شسالفة الافينيو موضة قصة. شوجي والحريم الكبار بملابس المراهقات .....!

من راقب الناس مات هما طول ما انها شايله وزرها كيفها طول ما اهي ماطلعت حيل عن المالوف فحريتها الشخصيه اهي عاجبها شكلها جذي عاجبتها هيئتها هذا الشكل الي تحب نفسها فيه ارضاء الناس غاية لاتدرك لا انتي بتقدرين تقنعين الناس كلهم بنفسج وبشكلج ولا انتي بتقتنعين ولا المفروض اساسا انكم تصورون مجتمعكم بهالصورة ترا في ناس وايد تدش عشان تتشمت وتمسك عليكم هالحجي وتصور لكويت كلها بهالطابع راعو بلدكم في مواضيعكم طلعو الصورة الجميلة ترا المترصدين وايد

 

[روعه 99k]

رد : شسالفة الافينيو موضة قصة. شوجي والحريم الكبار بملابس المراهقات .....!

قصه وتان

على كيفهم خل يسوون اللى يبونه


بس لبس ..............لا عاد حتى لو صغار والا كبار لازم يحترمون دينا وعاداتنا وتقاليدنا


واللى تقول عياييز............ يبا خل يتشببون


ناس عندها فلوس وتبى تتعدل وتتسنع شللى حاركم ؟؟؟

خ تقص وتصبغ وتتعدل كيفها ما قصة شعرج ولا خذت من فلوسج

عاد انا لمن اشوف هالحريم اللى قلوبهم خضر ويحبون الزين والتكشخ
ينشرح صدرى بصراحه

ما عليه خل يكشخون العمر واحد

 

[vogue grl]

الله يهديهم

 

[روح امها]

احنا ما نقول حق الحريم الكبار لا تكشخون
بس مو حلوة جذي طالعة شنو تسوى عليج يقطون عليج جم كلمة
وبالنسبة للقصة انا مو عاجبتني كلش

 

[عاشقه القيصر]

حريه شخصيه

 

[بنت المنصور]

بالنسبة حق البنات الصغار انا اشوف كيفهم يعني بخاطرهم هالقصه خل يسونها عادي يمكن انتي تشوفينها مو حلوة عليهم بس الغير يشوفها

حلوة يعني هالشي مو الكل بيتفق عليه خل يسون الي بخاطرهم اذا ماسوه الحين متى يسونه ، لـــــــكـــــــن الحريم الكبار !!!! وقصة شوجي

!!!! لا صراحة مو حلوة وتطيح هيبتهم بالمره انا معاج مثل ما قلتي خل يتعدلون لكن بشي يناسب سنهم وكل سن فيه شي حلو وانا لما

اشوف حرمة كبيرة تسوي حركات مراهقات صراحة هيبتها ورزتها كله ترووووووح ..... عموما شكرا على الموضوع

 

[كويتيه إنما أيه]

رد : شسالفة الافينيو موضة قصة. شوجي والحريم الكبار بملابس المراهقات .....!

الله يهديهم
فعلا مسخره

طاع من يتحجى بس p:
المسخره اللي صج اليوم بالافنيو
سعوديااااات قاطين الملافع وشعور وميك اب والحاله حاله وين قاعدين ؟ الله يستر عليهم

 

[دلع العتبان]

والله من التربيه والتقليد الاعمى الغبي والله اشكرة بويات

والحريم الاكبار تقول تبي ترجع شباب مثلا على اللبس حمدالله الي عافانا

 

[LuLiTa]

رد: رد : شسالفة الافينيو موضة قصة. شوجي والحريم الكبار بملابس المراهقات .....!

حرية شخصية ,,, من راقب الناس مات هما ,,, و على فكرة انا على كثر ما ارووح الافنيوو ما اشووف هالاشكال اللي اتحجون عنها كلــــــــــــش !​

 

[al-musk]

المفروض ان الشخص سواء مره او رجل يحترم عمره علشان الناس تحترمه ويحترم الذوق العام

الله يهديهم

 

[غربــــة اِحساس]

القصة غريبة وملفتة

كأنه الراس مقسوم قسم ولادي وقسم بناتي خخخخخخخخ

الله يهديهم ويجملهم بالستر

 

[jorya_7mra]

ضحكتوني بنات
اللي تقول طالعين عن عاداتنا وتقاليدنا والحريه الشخصيه لها حدود
اهيا اساسا مو متحجبه يعني ماتعتبر داخله بموضوع العادات والتقاليد
لان الكويتيه مرا مسلمه ومفروض عليها الحجاب
فا لو اشوف وحده مفصخه مالي شغل فيها ولا احر قلبي
لان هذي طاقه فروض ربها بالطوفه فا شنوو اتوقع يطلع منها
ادعيلهم بالهدايه وبس