:eh_s(7)::eh_s(8):
هلا وغلا شادن ,
ياحلوج وياحلو موضوعج
الجفــــــــاف العــاطفي ,
أنا أأيد كلام البنات من ناحية الأنفتاح والتكنلوجيا , وأضيف :
# الجفاف ممكن يكون , لما الزوجه تقرب حيــــــل من زوجها , وتسويه يادهينه لاتنكتين ,
لما تعطيه أكثر مما ( يحتاج ) بالتالي راح يمل ويزهق منها , ويبتدي يبتعد بالتدريج ,
الورده اذا غرقناها بالماي ( تموت ) ..
# الجفاف ممكن يكون بسبب التجاهل , تجاهل مشاعر الطرف الثاني , ممكن الزوج يدخل البيت وأهو منفس , معصب , متضايق , مُحبط , خايف , مهموم , زعلان , تعبان , قلق , متوتر , مكسور , حزين مو ضروري كل هالأنفعالات بسبب الزوجه , احتمال كبير و وارد تكون بسبب الدوام او ربعه او اهله او او او , ولما يرجع البيت , مايحصل اللي تفهمه , اللي تحتويه , اللي تحسسه بالأمان , اللي تمده بالقوه , اللي ترد له ثقته بنفسه , اللي تقوله محد يكسرك لانك قوي
اللي تقوله انت قدها وأنا واثقه من هالشي ,
هالامور لو تراكمة مع الوقت تبني حاجز كبير تحس الزوجه انها وحيده رغم انها وسط بيتها
وزوجها وعيالها وهالشي ممكن يخليها مكتأبه وسلبيه ,
ويحس الزوج بالوحده رغم وجود لعيال وزوجته يبتدي يحس انه محد يحس
فيه ولا أحد فاهمه و ممكن بعدها يخون , ورجاءا ً لحد يقول الوازع الديني , صح الوازع الديني له دور , لكن ياما وياما أزواج ملتزمين وكل فرض بالمسجد ومعروفين بالصلاح , وبعدين تنصدم الزوجه بزوجها , فالوازع الديني مو حصانه 100% من الغلط ,
أبليس حي ما مات , الربع موجودين وبعضهم يا يشجعونه ع الزواج وانه من حقه وووالخ ,
او يشجعونه على امور محضوره , الفتنه بكل مكان داخل بيوتنا وبرا البيت
الحل بالأهتمام , سألي نفسج
تعرفين شنو بخاطر زوجج ؟
اتعرفين شنو يحب ؟
اتعرفين شنو يفضل ؟
اتعرفين شنو اهدافه ؟
اتعرفين طموحاته ؟
تعرفين زوجج لما يضحك مجامله للي معاه , او يضحك من قلبه ؟
اتعرفين أحلامه ؟
هل انتي تفهمين زوجج من عيونه من نظرته ؟
للأسف أحيانا ً ( نهتم ) بصديقاتنا و الناس الغرب , ونحس فيهم اذا مزاجهم مو زين او متضايقين
لكن نتجاهل و ننسى نهتم بالزوج ومشاعره
# الجفاف ممكن يكون بسبب قلة/عدم .. التقدير , بعض الزوجات لما تكون راضيـه عالزوج , تقدره وتطيره لسابع سما ولما مـــــــاترضا عنه , تنسى كل شي حلو سواه لها , و قلبها مايشوف الا سلبياته , وتبتدي تتهمه بالتقصير وانه مايحس ولا يقدر وتذكر له كل عيوبه , وتنسى نفسها
وتنسى انها بيوم جرحته بكلامها , وتنسى انها فتحتة موضوع بالمنتتدى وذكرت عيوبه وسلبياته
وانها لايعه جبدها منه الخ ,, وتنسى انها سولفة وحشة فيه عند رفيجاتها وخواتها , وتنسى انها
كانت تقارن بينه وبين زوج فلانه وعلانه , تنسى انها لما تزعل تتمنن عليه , انها اللي تحط وتشيل وتودي وانه اهو المقصر واللي مايدري عن اي شي , كل هالاشياء تسبب بعد وجفاف عاطفي
# اما اللي توها متزوجه وزوجها ما يقربها , هالشي اما لانه الزوج كان متحمس اكثر من اللازم وكان حاط في باله شي معين عن العلاقه الخاصه
ولما تحقق هالشي وتزوج وجرب العلاقه , شاف انها شي حلو لكن مو مثل اللي في باله , وعموما ً شي طبيعي عند البعض تقل الرغبه بالتدريج
يعني الوحده لازم تلاحظ زوجها في اوقات معينه تزيد الرغبه وفي اوقات تقل وفي اوقات تنعدم
الحــل برأي :
# الأهتمام أكثر بمشاعر الطرف الثاني ومحاولت فهم مشاعره
# الأستماع لطرف الثاني , يعني لما يفضفض , سمعي , ولا تكونين مرشده وناصحه لزوجج , لاتقاطعينه وتطلعينه غلطان , سمعيه وحطي نفسج مكانه وبموقفه
عشان تقدرين تتتعايشين مع شعوره
# اذا كنتي من الزوجات اللي مايعرفون يعبرون عن مشاعرهم , فحاولي تتعلمين تعبرين , لاتكبتين مشاعرج , وبالنفس الوقت حاولي تعلمين زوجج يعبر عن مشاعره , ولاتستهينين بمشاعره , لانه الرجل حساس جدا بهالنقطه , عشان جذي مايعبرون
# تجبني الامور اللي تسبب جفاف عاطفي , لان تأثير يوصل للأبناء , لانه غالبا ً الأم اللي تحس بجفاف العاطفه , تكون جافه وعصبيه مع عيالها
وسلامتكم , شدووونه موضوعج شدنــــــي وخلاني اقرق وايد
