شريت طيور حب حق بناتي وكلش ماعرف اعتني فيهم

[رفرف]

شلونكم بنوتات ؟؟


احس شكلي غلط بهالقسم انا مو من ربع هسوالف اخاف من كل انواع الحيوانات والطيور ..
بس اليوم بناتي بغو طيور حب وخذيتلهم وتوهقت ..
مادري شيوكلونهم كل شكثر شلون انظف قفصهم اخاف ..

وشريت الحب مالهم حطيتلهم مساعه ترست الماعون وحطيت لهم ماي ..
بس جذيه ؟
وكل شكثر اغير الحب ؟
وياكلون شي غير الحب ؟؟
وان خلص من وين اشتريه يعني عادي احصله بالجمعية ؟

امبيه اخاف يموتون برقبتي ماحب اربي حيوانات بس ابوهم قالي انتي ماكان عندج طيور وانتي صغيرة ؟ خلي البنات يستانسون وصج حبايبي طارو من الوناسة بس ساعدوني الله يخليكم لا يصير فيهم شي واهمه بذمتي ترى حدي غشيمة ..

 

[بنت عبدالغني شربت]

هلا والله رفروفه حياج الله حبوبه

اي الطيور عادي حطي الاكل والماي جدامهم كامل عادي ما ياثر عليهم متي ماخلص حطي لهم مره ثانيه

 

[*أم*خالد*]

بالنسبه للقفص

تحطين تحتهم نايلون أفضل من الجرايد لأنه يمكن فيه اسم الجلالة مكتوب سواء صغير ماينشاف أو كبير

وكل ماتوصخ النايلون يتغير .. جذي يظل القفص نظيف

 

[جوجو.]

ياحلاتهم طيور الحب يهبلون بس ترى وايد ينثرون قشور اكلهم حاولي تغطين قفصهم بجييس

 

[رفرف]

مشكورين ما قصرتو ..

انزين الصينية اللي تحت بالقفص انظفها عادي اطلعها بس القفص نفسه شلون انظفه اخاف منهم
وعليه ساكتين خايفين منا خخخ

 

[أم محمد و أحمد]

السلام عليكم بنات ، انا خبيرة تربية الحيوانات ، وطبتي وانتي واقفة ، اول شي حبيبتي اذا كانوا طيروج طيور الحب فلهم اكل خاص ابهم تشترينه من رواعي بيع الطيور ، وبالنسبة الى لعوازهم ووساختهم ما يحتاج اتحطين جيس او جريده لا عند راعي الطيور نفسه في شى مثل الطوق ينحط دار ما دار القفص وما ايخلي المكان يتلعوز ، انتي بس سئليه وهو بفيدك ، وترى تربية الطيور جدا ممتعة وتدخل الرحمة في قلوب بناتك (الله يستر عليهم ستر الدارين) وتحياتي للجميع

 

[SILVER ROSE]

بدلي الاكل كل ماخلص والماي متى ماتوصخ بدليه
وفرشي تحتهم الاوراق ملوت المطاعم اللي تيي مع الجرايد اضمن لج علشان مافيه لفظ الجلالة
وخيطي لهم لبس للقفص شكلة مثل التنورة / ماعرف اوصفه شلون / علشان الاكل والريش مايتناثر بالمكان ويوصخ المكان( مادري اذا فيه جاهزين او لا )

 

[رفرف]

ماااااااا قصرتو بنات

 

[خليج***]

---------------------

 

[AmOoNa-]

الببناات ماقصرو معاج بسسسس اهم شي حطيهم بمكان دافي تره الطيور بسرعه اتاثر بالجو