شريتي بيت قديم ومحتاج لترميم شامل

[nhr-36shan]

هلا اختي صافيه
انا بقولج عن تجربتي اللي اهي مقاربهلتجربتج وان شاءالله افيدج بشي
زوجي شرا البيت من 15 سنه بس انا ماشفته لاني كنت مالجه ولو ردت علي ماشريته المهم
البيت دور واحد وقديم وكل ماجتني فلوس قطيته عليه واخذ قرض واعدل شويه بالصاله شوي بالمطبخ شويب الغرف والاصباغ وغيره وغير التأثيث وتبين الصج كل هذا بصير هبا منثورا
الحين والخرير دمر البيت تدمير الحين الطوف تتبط ومنقوعه من الماي وقام يطلع عفن بالطوف والسقف مليت منه ولاعت جبدي
الحين مفكرين نهده ونبني من جديد لان عيالي كبرو ومحتاجين غرف وغير ان البيت اصلا صار غير صالح للسكن
طبعا المعاش تدرين يالله يمشي فماكو الا انه نقترض ونسويه ونبني 3 ادوار والثالث نخليه حق اجارات عشان نخفف من الاقساط اللي علينا
يعني الفلوس اللي قطيتها خلال ال 15 سنه اللي طافو راحو عالفاضي

 

[aengineera]

حبوبة الف مبروك عليكم البيت
انتي نفسي شريت بيت معنه مو وايد قديم بس مو مهتمين فيه
انا اول شي بديت فيه الحمامات تكرمين
سكرت كل الكنغيات اللي فوق الحمامات وسويت بيلر مركزي عشان اتجنب الخرير
وغيرت الحمامات من الي الباببات الاطقم السيراميك الخلاطات - بما انج بتسكنين كل شهر سوي حمام
الحمام انا كلفني بحدود ال 500 دينار لان الخلاطات والسيراميك حاطه احسن شي وحماماتي تعتبر نوعا ما كبيرة وعشان تتفادين الخرير والعفن دفعي عليهم لانهم اهم شي
ثاني شي الكهرباء وايد مهمة اذا الوايرات محتاجه تغيير او محتاجه بلاكات زيادة
الارضيات كان البيت زل وحطيته غرانيت
اذا التكييف مركزي نفس حالتي يبي احد ينظفه لحين قبل الاثاث احسن عشان لا يخربون اثاثج
طبعا الصبغ صبغي الاساس بعدين تفنتقي على راحتج
ماله داعي تييبين شركة روحي فري على المحلات وبالنت وراح تعرفين كل شي حران تضيعين فلوسج على هالشركات
استغلي التنزيلات
وبس هذا اللي في بالي
ترا فترة الترميم متعبه جدااا هدي بالج لان صج حيلج راح يطيح
بالاخير اي سؤال انا حاضرة
وادعيلي انزل بيتي بسهاله يا رب

 

[aengineera]

اي ونسيت اقولج البيبان يبي النجار يشيلهم ويحطلج الديكور اللي تبينهم ويصبغه اللون اللي تبينه ويرده وطبعا وايد ارخص من اليديد ونفس الشكل والجودة

 

[النية الصافية]

حبيت اسال عن الموضه الدارجه حاليا للارضيات هل سيراميك او باركيه او زل
اقصد افرش سجاد لان بخاطر افرش زل لغرف النوم بس الصالات ابها سيراميك وقطع سجاد شنو رايج واختار السجاد ساده مشير وشنو النوع الزين ؟؟؟
وبالنسبة لموضة الستاير لغرف النوم افضل احط رول او نظام امريكي انتي اشرايج لغرف نو عيالي اولاد من عمر 16 سنه لي 7 سنوات
والبنسبة للحمامات وين اروح محلات رخيصه وابي نوعيه زينه للبايبات والاطقم والسيراميك؟؟؟؟
والابواب لكبتات البيت ودي اغيرها لانها بالطوفه واسويها سحب انتي شنو رايج ؟؟؟؟
واسفه على كثر الاسئله

 

[النية الصافية]

ما قصرتو وعسى ربي يوفقكم في بيوتكم ويبارك لكم فيها ويوسع عليكم ويرزقكم
واخ واخ واخ
اتمنى اني اسنع بس للاسف البيت مشاع وداخلين على بعض يعني ما اقدر اسنع الحمامات من البايبات لان البيت مشترك
ولازم اقول للطرف الثاني يدخل ويشتغل معانا ويعدل ما ادري اذا يصير
والكنغيات لازم الغيهم واخلي البيلرات مركزيه باستشير متخصص بالادوات الصحيه ونشوف شنو يقول
وبالنسبة للهدام ما اقدر اهدم لان نفس الشي
مشاع ومتداخلين
يعني الدور الاول انا تحت فوقي الدور الثاني البيت الثاني وبالعكس بالنسبة للبيت الثاني
يعني اسنع على البسيط بس عشان اسكن فيه على نظافه
وافكر بشي ثاني
باسنع الحمامات والبيبان مثل ما قلتي يا اختي وبصراحه افكر اشتري شقه تمليك من معاشي وااجرها عشان اسد القسط من اجارها
وبجذيه يكون عندي استثمار وريع منها واقعد بهالبيت لان اليهال مردهم بيكبرون ويبون مصاريف اكثر وبيتزوجون وبيطلعوون ويسكنون بروحهم
اشرايكم بتفكيري وهل مضمون شراء الشقق التمليك والا ما تسوى لاني ما اقدر اشتري بيت ثاني لان زوجي رافض ويقول هذا بيتيى وانا بصراحه مو عاجبني ولا ابيه بس شنو اسوى ابي الوسع لعيالي والاستقرار ونفتك من الاجار

 

[الدلوعه2008]

حبيبتي ما يصير تسوين ترميم للبيت القديم لازم تخذين موفقه من البلديه واذا ما اخذتيها راح يحطون عليج مخلفه ويهدمون للي سويتيه
وللي دفعتي عليه

دربلج قولي لرجلج يروح للبلديه بالاول وتخذون موفقه قبل ترميم البيت واذا ما اخذتي راح يخربون للي بنيتيه بدون ما تخذين موفقتهم

انا قلت لج اذا شريتو البيت قديم لازم تخذين موفقه من البلديه عشان ترميم وتعديل البيت


ان شاء الله فدتج والله يعينج حتي لو ما قلت حق البلديه عندهم رسمت البيت

 

[الدلوعه2008]

حبيبتي ما يصير تسوين ترميم للبيت القديم لازم تخذين موفقه من البلديه واذا ما اخذتيها راح يحطون عليج مخلفه ويهدمون للي سويتيه
وللي دفعتي عليه

دربلج قولي لرجلج يروح للبلديه بالاول وتخذون موفقه قبل ترميم البيت واذا ما اخذتي راح يخربون للي بنيتيه بدون ما تخذين موفقتهم

انا قلت لج اذا شريتو البيت قديم لازم تخذين موفقه من البلديه عشان ترميم وتعديل البيت


ان شاء الله فدتج والله يعينج حتي لو ما قلت حق البلديه عندهم رسمت البيت

 

[CrystalQ8]

الله يبارك لج في بيتج وفلوسج ويوسعها عليج ....يااارب

 

[النية الصافية]

مشكوره عالدعوه الحلوه
والبيت رحنا البلدية قالو عادي
لان بيتكم ماله مخطط عندنا بيتي ملك الشيخ جابر الاحمد الصباح والورثه باعهم واحنا شريناهم
هذا كلام زوجي

 

[Spanish Princess]

ربي يهنيكم فيه ويسعدج مع ريلج وعيالج =)

 

[sara3]

الشقق فى الكويت نظامها فاشلمو مثل بره
يعنى اهنى لازم يسوون شركه حق العماره لتصليح اى شى يخترب فيها طبعا ملاك الشقق يرفضون ومايبون يحطون فلوس وكل واحد يقول موشغلى
زين وين المشكله شريتى شقه جديدة فى عماره الله لى 4 او 5 سنين مافى مشاكل تالى ماراح تلقين احد ياجر الشقه لان الاصنصير ما يشتغل المدخل يلوع الجبد الصبغ البايبات الكهرباء محد راضى يصلح الشقه بتطيح بجبد المالك

لو فى نظام شركة ملاك العمارة جان كل شى تمام

 

[عصفورة حزينة]

انا شاريه بيت قديم
واول شي ياني احباط من امه وبجي كل يوم
بس بلشنا من شهر الي طاف بالدور عرف النوم والحمام وطلعا كل شي بدلنا من عرجه كهربا البيبان الحمامات الصبغ

والحين اليوم ركبو بورسلان حمامي ولما شفت النتيجه ردت روحي شوي
الشغله يبي لها صبر وبيت الله ما انبنى بيوم واحد

وبعد لما صبغو الغرف والممر لون ابيض اساسي شوي صار اشرح واحسن من اول

وبقى اشيا وايد
الواجهه والصالات والحوش والمطبخ والديوانية
بس ببدي في مكان قعدتي انا وعيالي والباجي على راحه
وان شاءلله مو اكثر من سنتين والا وانا خالصه

بس ركزي على حمامات والمطبخ حطي شي عدل علشان يعمر معاج ويطلع لج الخرابات

انا الحمامين كلفني 500 دينار شامل كل شي البايبات وبورسلان وبوكش شاور والاكسسورات
وترا مفروض اكثر بس الحمدالله على حظنا كانو خصومات هلا فبراير والشايع مسوي تنزيلات حلوه
ولا جان طلع علينا مو اقل من 800
وبورسلان اخذته ايطالي
واخترت سيراميك حق ممر وغرفنا وغرفه المعيشه
نوع وشكل واحد الي اهوه صاير جنه خشب اشحلاتهم احلى من باركية
وبفصل زل حق غرف النوم بحيث ما تاخذ مساحه الغرفه كلها بس بالنص
ادفى حق الشتا وبالصيف اشيلهم

وانا نظام وحدات وهذا الي مضايقني
بس ميخالف ماكو شي كامل واحلى ما في البيت موقعه بطن وظهر وعلى شارع وعندي ارتداد حلو وكبير

والاهم يم بيت اهلي لووووول

 

[عصفورة حزينة]

انا شاريه بيت قديم
واول شي ياني احباط من امه وبجي كل يوم

شغله يبي لها صبر وسعه صدر
بيت الله ما انبنى بيوم واحد

بس بلشنا من شهر الي طاف بالدور عرف النوم والحمام وطلعا كل شي بدلنا من عرجه كهربا البيبان الحمامات الصبغ

والحين اليوم ركبو بورسلان حمامي ولما شفت النتيجه ردت روحي شوي
الشغله يبي لها صبر وبيت الله ما انبنى بيوم واحد

وبعد لما صبغو الغرف والممر لون ابيض اساسي شوي صار اشرح واحسن من اول

وبقى اشيا وايد
الواجهه والصالات والحوش والمطبخ والديوانية
بس ببدي في مكان قعدتي انا وعيالي والباجي على راحه
وان شاءلله مو اكثر من سنتين والا وانا خالصه

بس ركزي على حمامات والمطبخ حطي شي عدل علشان يعمر معاج ويطلع لج الخرابات

انا الحمامين كلفني 500 دينار شامل كل شي البايبات وبورسلان وبوكش شاور والاكسسورات
وترا مفروض اكثر بس الحمدالله على حظنا كانو خصومات هلا فبراير والشايع مسوي تنزيلات حلوه
ولا جان طلع علينا مو اقل من 800
وبورسلان اخذته ايطالي
واخترت سيراميك حق ممر وغرفنا وغرفه المعيشه
نوع وشكل واحد الي اهوه صاير جنه خشب اشحلاتهم احلى من باركية
وبفصل زل حق غرف النوم بحيث ما تاخذ مساحه الغرفه كلها بس بالنص
ادفى حق الشتا وبالصيف اشيلهم

وانا نظام وحدات وهذا الي مضايقني
بس ميخالف ماكو شي كامل واحلى ما في البيت موقعه بطن وظهر وعلى شارع وعندي ارتداد حلو وكبير

والاهم انه قريب عن اهلي لووووول

 

[النية الصافية]

يعطيكم العافيه وعسى الله يرزقكم البيت اللي ترتاحون فيه
اختي عصفوره
تدليني على الاماكن والمقاول او العمال اللي بلشو معاج لو حتى تعطيني ارقامهم على الخاص اخلي ريلي يكلمهم وبصراحه انا خاطري ابلش
بالحمامات وابي اسويهم عشان اشوف الخرير قبل اي شي وبخاطري اسوي بيلر مركزي
تعرفون الشركات اللي تسوي بيلر مركزي
وفهمت منج اختي ساره ان فكرة الشقه مو شي ولا اخاطر فيها؟؟؟
واني اخذ فلوسي احطها بهالبيت كل شهر شوي ولا اخذ قرض ولا شي واخصص كل شهر مبلغ جنه قرض اسنع شوي شوي البيت
اشرايج؟؟؟؟

 

[د.شريفة]

انا انصحج يالغاليه ابتعدي عن القروووووض
وكل شهر بشهره احسن لج واريح لج بال من الطالب والمطلووووب
صج انه راح تشتغلين شويه وتوقفين لما يصير في ايدينج فلوووس بس احسن وارحم من الدين
لان الدين عمات عين وربي يبارك لج فيه

 

[aengineera]

قوة حبوبة
اسفه طولت عليج لاني لي الحين بلوية البيت
شوفي حبيبتي بالنسبه لبيبان الكبتات اذا الكبت بالطوفه يبيلج نجار شاطر يشيلج الابواب ويعدلهم اذاا تبين تعديل او يغير الابواب ويخليهم سحب ويصبغهم اللون اللي تبينه بيصيرون يدد
البيلر المركز تلقينه عند شركة العربي واهم تقريبا احسن شي انا متعاملة معاهم
البايبات حق تكرمين الحمامات العدساني وايد زينين
السيراميك والغرانيت احسن من الزل بوجهة نظري انظف واحلى وحطيلج قطع زل على الاقل اذا توصخو تغسلينهم وتعرضينهم للشمس وبعدين تردينهم
الستايل الامريكي بالستاير احلى من الرول
بعدين اسمله عليهم عيالج كبار خليهم يختارون معاج يساعدونج وتساعدينهم خصووصا بغرفهم
واذا تبين سيراميك يكون سعره مناسب مري ابيات او بسامكو الاقتصادي او ابل الاقتصادي
لا تستعيلين عالبيت حطيلج مدة تقريبا سنتين وكل شهر سوو شي لين يخلص احسن لج من القرض
فكرة الشقه ما احسها عملية بالكويت استشيري ناس اكثر
والله يوفقج ان شاء الله

 

[نور النهار]

منزل مبارك ان شاء الله

والله يعينج حبيبتي

 

[لـولـو الحلوه]

اول شي منزل مبارك ..
والله يوفقج ويسهل عليج ..
على طاري خرير .. انصحج تغيرين بايبات البيت كلها وبعدين بلشي بالحمامات .. اذكر ابوي لما غير لنا الحمامات كلفنا 400 غري الحمام كله كسروا لنا وبنووا من اول ويديد والبايبات بعد .. بس 300 كميزانيه للحمام اوكي ..
روحي شويخ و حولي حق الادوات الصحيه ..
ويبيلج عامل مال الادوات الصحيه يركبلج ويعدلج الحمامات
لو تبين الحمامات تكد اخذ ايطالي يكد معاااج سنييييييييييييين
لو تبين حق جم سنه اخذ كويتي ..
وعلى طاري البيبات اخذ اللي لون اخضر يمكن ايطالي وااااااااااااااااااايد زين ..
نصيحه خلصي حمامات اول شي دام الحما يخر عندج..

وعلى عندج المطبخ رووووحي الفارسي و الوليد وااايد حلوووين ويكدوووون ..

والاثاث روووحي شويخ الضجيج قصدي .. كل شي تلقينه اهناك ..
والخشب للبيبان تلقينهم بالشويخ ..

وعسى ربي يوفقج ويسهل عليج يااااارب ..
لا تضغطين على عمرج وااايد اهم شي راااحتج .. كل ماتروحين مكان ادعي ربج يوفقج وتلقين اللي يناسبج ..
موفقه يااقلبي ..

اي شي تبين لا تتترددين .. ترى عندي خبره بالبناء ماخذه الخبره من ابوي
حتى لو ماعرفت راح اسالج ابوي

 

[النية الصافية]

اشكر كل من تحاوب مع استفساراتي وانا استفدت وايد من الديوانية وهذا الرابط
http://www.q8yat.net/showthread.php?t=143553
وباذن الله بابلش بالحمامات
والتعديلات ومجتاره ودي اوسع المطبخ واغير مكان مغاسل الضيوف وحمامهم بس محتاره
اكسر اوسع والا - بكلف علي واخلي الوضع كما هو عليه وبس اسنع واصبغ واثث ؟؟؟؟
حيره حيره

 

[النية الصافية]

يابعد عمري وعسى ربي ما يحرمني منكم يا كريم
والله اني استفدت وماسكة دفتر وقلم اكتب كل ملاحظاتكم وارائكم وشكر للكل من طيب خاطري وريحين وبارك لي بالبيت
عسى عمركم طويل وعسى ربي ينولكم اللي في بالكم ياكريم
وبكتب لكم مختصر او خطة اولية بقوم فيها وابي رايكم
شهر ابريل--- باذن الله الواحد الاحد
اجيب عمال للحمامات عشان يجيكون على البايبات وما ادري اذا زوجي مغيرهم لما شره البيت واجره 1998 لان سمعته ييقول حط البايبات الخضر واذا لا ببلش فيها
وعندي غرفه وممر الطووووووووووفه ناااااااااااااااااااقعه ومخمره مع اني توني صابغتها بشوف شنو مشكلتها
وبعدين بطلع افتر بشويخ وحولي واخيرا امغره اشوف الانواع والاشكال واقارن بين الاسعار
وبهدها اتخذ قرار من وين باشتري اطقم الحمامات والبورسلان وكذلك السراميك
وعلى فكره انا مركبه الدرج كله سيراميك لون الخشب البني الغامج المتعرج مع صالة الدور الول وغرفت نومي
وللاسف قلت حق زوجي كمل باجي الدور الثاني غرف اليهال والدورالقالث بنفس اللون ما رضى وحط بيج وسيرميك خشن خارجي
ودي اغيره واكمل كل الدور الثاني والثالث نفس اللون اشرايكم والدور الول يكون سيراميك لون مناسب للستقبالات وغرفة الطعام
انتو اشرايكم ؟؟؟ وشنو اللون المناسب لصالات الاستقبال والممر والطعام
وياريت تقولون لي اشلون انزل صور بيتي عشان تعطوني رايكم ؟
وبتصل بنجار وافتر اشوف شنو الطريق للابواب الغرف والكبتات ؟
وبشوف تكلفة البيلر المركزي
وبعرف سالت عن الحوش قالو حطي سيرامك سعودي قياس 10 ما ادري والل جم يقولون يتحمل السيارت واي ثقل وكد ومد
انتو اشرايكم
ودي احط زرع وشغلات بس اليهال والابوهم مو راضين مزهبين الاقوال ولعب كره وتنس طاوله وحوض سباحه ورشة حداد فما ينفع شي الحين وعندي بالحوش دوانيتين وحده تطل على الشارع مباشره جدام البيت وثانه اخر الحوش حق عيالي ولعب البلي ستيشن بلياردو مع عيال عمهم وربعهم احسن من السكه والقهاوي وحتاره شنو افرشهم تدرون صبيان وحوسه ابي احط شي عملي خصوصا بالتنظيف والقعدات ما ني عارفه ارضي او نص ابي رايكم
والله عوار راس وفلوس الله كريم
اشرايكم
ابلش بهالطريقه واللي عنده نصيحه او توجهني لمحل اومكان يوفر علي التعب والفراره اكون شاكره لها عسى ربي يرزقها كل ما تتمنى
وسامحوني عالقرقره