وعليكم السلام والرحمة
بصراحة أنا رحت بشهر مارس اللي طاف واذا تبين نصيحتي روحي بالجو الحلو يعني الربيع ولا تروحين بالصيف لأنها حر مثل الكويت وما ينطلع فيها بالنهار بس حدج الطابشين بالبحر ,,,,,,,
لكن ليه رحتي بالجو الحلو اتحسين انج مو بمصر أصلا ,,,,وبالنسبة للفنادق الصراحة كل واحد يقول الزود عندي , بس اذا تبين قندق بموقع تمام للتمشي بالمغربية بشارع الكافيهات والمطاعم والليل عليج< بجولي فيل> موفنبيك واللي اقل شوي منه <بروبيتال> نعمه باي , واللي أبعد شوي منهم بس من الممكن تمشين منه لي الوناسة وهو قمة بصراحة فندق<هيلتون فيروز> - وعندج بصراحة وايد فنادق قمة بس بعيدة عن مكان التمشي مثل ماريوت وغراند حياة.
المهم اذا معزمة تروحين مع الزوج ,توكلي على الله وعليج بالعافية.
واذا انتي من اللي يحبون الوناسة ترى عندهم اكوا بارك وسينما بفندق كايرو سيز, وبعد عندهم بولنج مو بعيدة عن الفنادق وروحي الهضبة والسوق القديم , وانشاء الله راح تستانسين.
