شرم الشيخ

[كويتية أصيلة]

السلام عليكم

حبيباتي الموضوع باختصار

اني باسافر مصر ان شاء الله

وباقضي اسبوع بالقاهرة

واسبوع في شرم الشيخ

ولا عندي اي برنامج او اشياء اعرفها لاني اول مره اروح

باروح انا وريلي فشنو تنصحونا فيه؟؟؟

 

[* LOVE STORY *]

مرحبا كويتية أصيلة

رحت لشرم الشيخ عيد الأضحى اللي فات 5 ايام

بصراحة وايد استانست تشرح الصدر

وبالنسبة للأماكن الترفيهية فيها قليلة لانها منطقة ساحلية

بس اذا رحتوا ان شاءاللة بتلقون المكاتب اشكثرهم يعطونكم برنامج تمشون

عليه ليما تردون خاصه والتذاكر والتوصيل منهم :eh_s(9):

يعني ماراح تحتارون

وفيه شارع يتيمعون فيه الناس من المغرب الى الساعة 3 الفجر كللللله

كافيهات ومطاعم والناس رايحة راده , اسمه شارع ملك البحرين حمد بن

عيسى , القعدة فيه ترد الروح ,,,, ماني حارقة عليج السفره روحي وتفاجئي

واستانسي :eh_s(8):

اتمنى اني افدتج

 

[كويتية أصيلة]

كرستاله يعطيج الف الف عافيه
والله يجبر بخاطرج ان شاء الله
مشكوووره على المعلومات

 

[لوولووة]

السلامة انشالله بس احسن خلي اول شرم بعدين القاهرة حق التشري انا رديت ىعلى بدبد ممكن اتشوفين ردي اهم شي لا تصدقون اللي قاعدين بالشارع ويهذرون ساعتين ويقولون اشتري بمنتجع نظام الاسبوع السنوي

 

[كويتية أصيلة]

لولوه يعطيج الف عافيه على المعلومات حبوبه

 

[bambena]

اختي انصحج تخلين شرم الشيخ اقل من اسبوع مثلا 5 ايام والباجي بالقاهره
انا رحتلها 5 ايام وايد استانست بس تملين لان ماكو شي
اكو رحلات غطس وغوص ورحله بالمركب اللي قاعته شفافه تشوفين السمج
وعندهم شارع واحد بس بخليج نعمه اهو الحلو كله مطاعم وكافيهات واحسن الفنادق موفنبيك جولي فيل والماريوت

 

[كويتية أصيلة]

بامبينا يعطيج الف عافيه حبيبتي على هالرد
بس لا تحاتيني انا اي مكان فيه سباحه وخيل ما امل منه
مشكووره وايد على هالمعلومات حبوبه

 

[استايل الكويتية]

السلام عليكم ورحمة اللة وبركاتة

السلام عليكم في معرض وايد استايل في منطقة مشرف بجانب جمعية مشرف التعاونية بعنوان من كسب يدي لايطوفكم المعرض من 1/9/2008 الى 4/9/2008 ورا صلاة التراويح حياكم اللة

 

[meskq8]

تروحين وتردين بالسلامه

 

[بنت الارسنال]

المكاتب اهناك ماتقصر

 

[سعوديه كيوت]

رحت لمصر وشرم الشيخ بس ماعجبتني شرم الشيخ

لن فيها اشياء ماتعجبنا

وبذات احنا سعودين متجبين وهناك كلهم بلبس البحر

 

[قلب راشد]

تروحين وتردين بالسلامه

شرم سوقها عجيييييييييييييب

والفنادق انا قعدت بروتانا وما ارتحت

وااايد فيه منااظر لووعه بس طلعنا وقعدنا بالماريتيم

رووووووووووووووووووعه