شركة زين للاتصالات ذبحتنا واهيا تنهبنا

[BlackRose]

السلام عليكم بنات

جم مرة تصير لي مواقف نهب اشكره مع زين للاتصالات

واي شي اتصل فيهم واقدم شكاوي بس ماكو فايدة عمك اصمخ

اول مرة بغيت اجدد اشتراك النت

دفعت بالفيزا مالت امي والا بنفس الوقت زوجي هم دفع المهم اتصلت فيهم وقلت لهم السالفة قالوا لي خلاص راح نرجع لج فلوس الوالدة وانطر وانطر وانطر الفلوس مارجعت

اتصلت قالوا لي قدمي شكوى عن طريق قسم الشكاوي

قدمت

وماكو فلوس

راجعينا بعد يومين

راجعت ولا اكو فايدة

لوية وعوار راس ودوخة وبالاخير ماكو شي رجع

وقبل فترة عبيت رصيد حق بنتي كلها دينار ونص عن طريق النت وهم ماكو

لا رصيد اتعبى ولا فلوسي رجعت

وآخر موقف كان بتاريخ 8-5

عبيت رصيد حق بنتي ب5 دنانير عن طريق النت طلع لي فشلت العملية

المهم بنفس الوقت جيكت على رصيدي بالبنك والا 5 دنانير مسحوبة

جيكت على مو بايل بنتي والا مو واصل الرصيد وانا كنت بسافر بنفس اليوم اتصلت فيهم عقب حوسة ولوية قالي راح يوصل الرصيد بس يتاخر شوي

وانا راح اكتب ملاحظة عند خط بنتج اختي ان لازم يوصل لها رصيد

المهم انا امس رجعت من السفر


جيكت على البنك ماكو فلوسي مو راجعة

جيكت على خط بنتي والا الرصيد مو متعبي

ذبحونا بالنهيبة

الحين اذا براجعهم هم لوية وعوار راس وبالاخير ماراح يرجعون الفلوووووووووووووووووووس

شسوي معاهك:gr4uu::gr4uu:

والله ذبحونا وايد ينهبوووووووووووووووووووون

شسوي بالله؟؟؟؟؟؟؟؟؟؟؟

 

[ترووفه]

اي والله انج صااااااااااااااجه


نهب وسرقه اشكره عينك عينك

ولايهتمون لاي شي

معقوله ماتوصل لهم الشكااااااااوي

مايخافون على سمعت شركتهم


حسبي الله عليهم


الافضل انج تغيرين اخطوطكم وتفتكون منها

 

[شمعة ليل]

اول شى حمد الله على سالتمج اختى
وموضوعج حلو لانى صج حاقده عليهم تخيلى يدزون مسجات بنصاص اليالى شى غريب
والمشكله ادقين وعمج اصمخ والله مصخره وحسبى الله ونعم الوكيل فيهم

 

[توت عنكبوت]

والله تشتكين ولآ ما تشتكين ما همهم احد

بس اتوقع لو انج رايحة لحماية المستهلك كان حسوا شوي على دمهم..

الشركو من احسن الشركات وأسهمها طايحة بالأرض حسبي الله عليهم .خسروووووونا

 

[قطوه ورديه]

روحي حماية المستهلك
لاتسكتين عن حقج
عشان مايتمادون

 

[زهرااا]

لا لا لا تسكتسن عن هالموضوع
روحي حماية المستهلك

 

[نور بوبيان]

أي شركه وأي محل يتحيلقون علشان يبيعونج الشي وياخذون فلوسج ....

ولا بغيت تردين فلوسج مايردونهم إلا بطلعت الروح وبعد مليون شكوه ....

لا تسكتين ...آنا إذا شفت شي غلط لازم أشتكي علشان يعرفون إنهم على غلط ويعدلون غلطهم ...

الله يعينج ....

 

[كل الغلا زوجي]

والله صاجة نصابين

رحت مشهد 4 أيام مالقط الخط الا مرة وحدة وشريت خط محلي يوم رديت ولا فاتورتي 50 د.ك على شنو والله ينيت ليش انه عارفة نفسي ما تكلمت 5 دقايق على بعضهم وعمك اصمخ صج ..

 

[سنفوره]

سؤال لكم كلكم و لحد يزعل

كلكم تدرون انهم نهيبة ليش عندكم خطوط منهم و تتعاملون معاااااااااااااااااااااااااهم ؟؟؟

اانا طول عمرى وطنية ولا كروت و كلما اتكلم اجيك جم رااح

و الحين صار لى جم شهر فيفا و احسن شى فيهم اول ما تخلصين يطلع لج بروحه جم تكلمتى و جم باقى

بس جم مره يكون بتلفونى جم فلس ولا فجاة يروح و انا مو داقه دقيت اشتكيت يقولون لا ماكان فى ؟؟ها شلون ما كان فى انا شايفه بس 50 فلس الفيفا تبوووق و لا 50 دينار زين تبوق

و لو ان سالفت البوقه ما تسوى 50 فلس من فيفا بس حالفه لو تكررت واايد ما بسكت

 

["البتول"]

واااااااااااااااااااااااااي من بصراحه أنا مسميتها شييييييين طبعا" أنا بالسعوديه شريتلي خط زين مسوين عرض عندنا شهر هم يعبونه وشهر أنت تعبيه طبعا" كل الناس راحو يشترون وعبيت يسحب مكالمات وبعد شهر عبولي شنو يسحبون سحب دبل اللي كلمت وأن عبيته بالشهر اللي هم معبيلي مستحيل يعترفون باللي عبيتيه ومرات يسحبون عشه ريال وأربعين ودقي أشتكي يلطعونج ويطلعون عيونج ومع كل الدوخه ما يردون شيء لج قلت مالت عليهم الأتصالات أبرك منهم والله أكلم أهلي وأنا مرتاحه ومافيه صرف الله يرزقكم مثل شركة الأتصالات حقتنا عجييييبه

 

[BlackRose]

ثانكيو على تفاعلكم بنات

بس والله صج صج شيشتوني

شكلي باجر بدق على حماية المستهلك

ذبحونا

كل شوي وبايقين لهم جم بيزة

 

[SoSoWaa]

امبييييه

!!


قبل لا اقره هالموضوع

كنت شاريا رصيد من سايتهم بس طلعلي ماصار

على طوول من قرييتا جيكت على حسابي ولا ساحبين فلووس زين بس الرصيد مو واصلي !!

بطووو جبدييييي